Mateo 10:17 - Mixteco del suroeste de Tlaxiaco Oaxaca

¹⁷ Jee nito koo rán maárán nu̱u̱nꞌ rá ñɨvɨ, chi naku̱ꞌva ráa ránoꞌó xi̱ntíín rá te̱e jiéꞌnéꞌ kua̱chi, jee ku̱ꞌva rá ñɨvɨ ránoꞌó jín yoꞌo iniꞌ rá veꞌi sinagoga nu̱u̱nꞌ kútútú rá ñɨvɨ Israel.

Mateo 10:17 Referans Kwoze

Marcos 13:9

’Soo nito koo rán maárán, chi naku̱ꞌva ráa ránoꞌó xi̱ntíín rá te̱e jiéꞌnéꞌ kua̱chi. Jee ku̱ꞌva rá ñɨvɨ ránoꞌó jín yoꞌo iniꞌ rá veꞌi sinagoga nu̱u̱nꞌ kútútú rá ñɨvɨ Israel. Jee kuiñɨ rán ichinúúnꞌ rá te̱e nísotíñú kúvi gobernador jín rá te̱e ya̱ tátúníꞌ rá nación sijíta ráa ránoꞌó, jie̱ꞌe̱ꞌ ya̱ yɨ́ꞌɨ́ rán nu̱u̱nꞌ nuꞌuꞌ. Jee suꞌva naku̱ꞌva rán ya̱ nááꞌ jie̱ꞌe̱ꞌ nuꞌuꞌ nu̱u̱nꞌ ráa.

Mateo 23:34

Saáva, nuꞌuꞌ chúichí ni̱ꞌ nu̱u̱nꞌ rán rá te̱e nákani tu̱ꞌun kéne yuꞌú máá maá Ndiosíꞌ, jín rá te̱e tu̱ꞌva ya̱ jíníꞌ va̱ꞌa tu̱ꞌun re̱ꞌ, jín rá te̱e ya̱ xínéꞌénꞌ va̱ꞌa tu̱ꞌun re̱ꞌ, jee ránoꞌó chi kaꞌniꞌ rán sava ráa, jee tekaa rán sava ráa nu̱u̱nꞌ kurúsiꞌ, jee kuun rán yoꞌo sava ráa iniꞌ rá veꞌi sinagoga rán, jee kunikɨnꞌ rán ráa sakini rán ráa ñuunꞌ ta ñuunꞌ.

Hechos 26:11

Jee kue̱ꞌe̱ꞌ íchí nxi̱nóꞌo ni̱ꞌ ráa iniꞌ ntáká veꞌi sinagoga nu̱u̱nꞌ néñu̱ꞌun rá ñɨvɨ Israel Ndiosíꞌ. Jee nte̱tuvi ni̱ꞌ ráa kuichi iniꞌ ráa Jesús jee tenu̱u̱nꞌ ráa maa. Kítɨ́ꞌ nasɨ́kuitɨꞌ iniꞌ ni̱ꞌ néꞌyá ni̱ꞌ ráa, jee sáꞌá kini ni̱ꞌ ráa, ne̱ rá ñuunꞌ káá íká.

Juan 16:2

Chi tavaꞌ ráa ránoꞌó iniꞌ rá veꞌi sinagoga nu̱u̱nꞌ kútútú rá ñɨvɨ Israel jee nkúꞌva ráa ka̱ꞌ ki̱vɨ rán nteñu ráa. Jee nsú kua̱chi sukuán ni chi kenta ki̱vɨ̱ꞌ ya̱ néni ɨɨn ráa kaꞌniꞌ‑i ránoꞌó, jee kukaꞌvi iniꞌ‑i ya̱ ɨɨn tiñu váꞌa sáꞌá‑a nu̱u̱nꞌ Ndiosíꞌ.

Lucas 12:11

’Jee sáá kɨ̱na̱siáꞌa rá ñɨvɨ ránoꞌó iniꞌ rá veꞌi sinagoga ichinúúnꞌ rá te̱e jiéꞌnéꞌ kua̱chi jín rá te̱e nísotíñú, jee koto nániꞌvɨꞌ iniꞌ rán na̱ja naxiníkó rán ni ná kúvi ya̱ kachiꞌ rán nama rán maárán ni ná kúvi ya̱ kaꞌanꞌ rán.

Mateo 5:22

Soo nuꞌuꞌ káchíꞌ ni̱ꞌ nu̱u̱nꞌ ránú ya̱ néni ɨɨn ñɨvɨ ya̱ kítɨ́ꞌ iniꞌ‑i néꞌyá‑a ñanitáꞌán‑a, koo si̱kɨ̱ꞌ‑ɨ kɨ̱ꞌɨ̱nꞌ‑ɨ xi̱ntíín nu̱u̱nꞌ keꞌneꞌ kua̱chi. Jee néni ɨɨn ñɨvɨ tenu̱u̱nꞌ ñanitáꞌán‑a jee kachiꞌ nu̱u̱nꞌ ñanitáꞌán‑a ya̱ ntu̱náꞌ tiñu, jee kɨ̱ꞌɨ̱nꞌ‑ɨ ichinúúnꞌ rá te̱e nísotíñú ñáꞌnú ka̱ꞌ keꞌneꞌ ráa kua̱chi. Jee néni ɨɨn ñɨvɨ ya̱ kachiꞌ‑i: “Ñɨvɨ naanꞌ”, nu̱u̱nꞌ ñanitáꞌán‑a koo si̱kɨ̱ꞌ‑ɨ kɨ̱ꞌɨ̱nꞌ‑ɨ nu̱u̱nꞌ ñúꞌúnꞌ xéénꞌ.

Hechos 22:19

Jee nkachiꞌ ni̱ꞌ: “I̱toꞌoꞌ ni̱ꞌ. Suviráa jíníꞌ ya̱ jiáꞌánꞌ ni̱ꞌ nɨꞌɨ rá veꞌi sinagoga nu̱u̱nꞌ kútútú rá ñɨvɨ Israel, jee tɨ́ɨn ni̱ꞌ rá ñɨvɨ ínúꞌ iniꞌ ráa noꞌó, jee ntu̱ví ni̱ꞌ ráa veka̱a jee njia̱ꞌa ni̱ꞌ ráa jín yoꞌo.

Hebreos 11:36

Jee inka ráa nnoꞌo ráa tu̱ꞌun ntenu̱u̱nꞌ ñɨvɨ ráa jee njia̱ꞌa ñɨvɨ ráa, jee suni ne̱ nnuꞌniꞌ ráa jín cadena nyɨ̱ꞌɨ ráa veka̱a.

2 Timoteo 4:15

Jee suni kumí nú maánú nu̱u̱nꞌ re̱ꞌ, chi nnuni̱ꞌin víꞌí re̱ꞌ nu̱u̱nꞌ tu̱ꞌun xínéꞌénꞌ‑ó.

Filipenses 3:2

Nito koo rán maárán nu̱u̱nꞌ rá te̱e, ya̱ kúvi kuéntáꞌ tinaꞌ, ya̱ sáꞌá ráa tiñu kánéꞌén, ya̱ kúvi rá te̱e sáꞌá ya̱ kúkúꞌlúꞌ ñɨvɨ, ya̱ kúvi ya̱ sáꞌá circuncidar ñɨvɨ.

Juan 11:47

Saájee rá su̱tu̱ꞌ kúñáꞌnú jín rá te̱e ya̱ kúvi fariseo nku̱tútú ráa Junta Káꞌnú jín rá inka te̱e kúñáꞌnú, jee nkachiꞌ ráa: ―¿Ná kúvi ya̱ saꞌá‑o? Chi Jesús yaꞌá sáꞌá víꞌí re̱ꞌ rá seña a̱nasɨ́.

Marcos 13:12

’Naku̱ꞌva te̱e ñaniꞌ re̱ꞌ xi̱ntíín rá ñɨvɨ, sáva kaꞌniꞌ ráa maa. Jee suni tátáꞌ naku̱ꞌva re̱ꞌ se̱ꞌya re̱ꞌ xi̱ntíín rá ñɨvɨ, sáva kaꞌniꞌ ráa maa. Jee rá se̱ꞌya nenta ráa si̱kɨ̱ꞌ sɨꞌɨ́ ráa, jee saꞌá ráa ya̱ kaꞌniꞌ rá ñɨvɨ rá sɨꞌɨ́ ráa.

Mateo 26:59

Jee rá su̱tu̱ꞌ kúñáꞌnú vá, [jín ntáká rá te̱e kúñáꞌnú], jín ntáká rá te̱e yɨ́ꞌɨ́ Justicia Ñáꞌnú ka̱ꞌ nu̱u̱nꞌ téꞌnéꞌ kua̱chi nútútú ráa núkú ráa tu̱ntúꞌún si̱kɨ̱ꞌ Jesús, sáva kuvi kaꞌniꞌ ráa maa.

Hechos 17:14

Soo kuísá ntañúꞌún, rá ñaniꞌ yɨ́ꞌɨ́ ñujiínꞌ Jesús, nchu̱ichí ráa Pablo kua̱ꞌa̱nꞌ yúnteñúꞌún. Soo nkino̱o Silas jín Timoteo ñuunꞌ yukuán.

Mateo 20:19

Jee naku̱ꞌva ráa nuꞌuꞌ xi̱ntíín rá ñɨvɨ ya̱ ntu kúvi nación Israel, jee kaꞌanꞌ u̱ꞌvi̱ꞌ ráa kune̱ꞌyá ráa nuꞌuꞌ, jee kuun ráa yoꞌo nuꞌuꞌ, jee tekaa ráa nuꞌuꞌ nu̱u̱nꞌ kurúsiꞌ, jee kuviꞌ ni̱ꞌ, soo ki̱vɨ̱ꞌ uníꞌ jee natekuꞌ i̱i̱ꞌ ni̱ꞌ kene ni̱ꞌ nteñu rá ni̱yɨ ―nkachiꞌ Jesús.

Mateo 10:18

’Jee suni kɨ̱naka rá ñɨvɨ ránoꞌó nu̱u̱nꞌ rá te̱e nísotíñú kúvi gobernador jín rá te̱e ya̱ tátúníꞌ rá nación sáva sijíta ráa ránoꞌó jie̱ꞌe̱ꞌ ya̱ yɨ́ꞌɨ́ rán nu̱u̱nꞌ ni̱ꞌ, jee suꞌva naku̱ꞌva rán ya̱ nááꞌ jie̱ꞌe̱ꞌ nuꞌuꞌ nu̱u̱nꞌ ráa jín nu̱u̱nꞌ rá ñɨvɨ ntáká nación ya̱ ntu kúvi ñɨvɨ ñuunꞌ Israel.

Hechos 9:2

jee ni̱ka̱nꞌ re̱ꞌ ya̱ ku̱ꞌva‑a ɨɨn tutuꞌ nu̱u̱nꞌ re̱ꞌ, ya̱ ku̱ꞌva re̱ꞌ nu̱u̱nꞌ rá te̱e nééꞌ si̱kɨ̱ꞌ rá veꞌi sinagoga ñuunꞌ Damasco nu̱u̱nꞌ kútútú rá ñɨvɨ Israel. Tutuꞌ vá kachiꞌ ya̱ níso re̱ꞌ tiñu, ya̱ retú naniꞌinꞌ re̱ꞌ néni ɨɨn ñɨvɨ ya̱ yɨ́ꞌɨ́ ichi vá, va̱ni te̱e va̱ni ñaꞌan, jee kuꞌniꞌ re̱ꞌ maa jee kinaka re̱ꞌ maa nu̱u̱nꞌ Jerusalén.