Mateo 10:15 - Mixteco del suroeste de Tlaxiaco Oaxaca

¹⁵ Chi máá naáꞌ vá káchíꞌ ni̱ꞌ nu̱u̱nꞌ ránoꞌó, ya̱ ki̱vɨ̱ꞌ kiji keꞌneꞌ Ndiosíꞌ kua̱chi ñɨvɨ, sú kunoꞌo nasɨ́kuitɨꞌ rá ñɨvɨ ñuunꞌ Sodoma jín ñuunꞌ Gomorra soo yakuꞌ ka̱ꞌ kunoꞌo ráa nsú káꞌ kua̱ꞌ xe̱e̱nꞌ nasɨ́kuitɨꞌ ntántúníꞌ ka̱ꞌ kunoꞌo rá ñɨvɨ ñuunꞌ vá.

Mateo 10:15 Referans Kwoze

2 Pedro 2:6

Jee nsi̱jíta Ndiosíꞌ rá ñuunꞌ Sodoma jín Gomorra nxi̱nááꞌ re̱ꞌ ráa chi nte̱ñuꞌunꞌ re̱ꞌ ráa ne̱ nkuvi ráa ya̱a̱ꞌ. Jee yukuán nsa̱ꞌá Ndiosíꞌ ya̱ kuvi ráa ɨɨn ichi ya̱ stúꞌva re̱ꞌ nu̱u̱nꞌ rá ñɨvɨ ya̱ jíka ráa ichi niva̱ꞌa ya̱ ntu íyó sáni kuíni Ndiosíꞌ ya̱ suni sukuán kunoꞌo ráa.

1 Juan 4:17

Jee jín yaꞌá jíjia iniꞌ‑ó jín tu̱ꞌun ñúnúunꞌ ñúꞌún iniꞌ‑ó, sáva ne̱ yuchí kúkáꞌnú iniꞌ‑ó ki̱vɨ̱ꞌ keꞌneꞌ re̱ꞌ kua̱chi ñɨvɨ ñɨ̱vɨ́, chi sáni jiáꞌnu Jesús, suꞌva jiáꞌnu‑ó ñɨ̱vɨ́ yaꞌá.

2 Pedro 3:7

Soo súkún jín ñɨ̱vɨ́ íyó vitan, jee jín máá tu̱ꞌun yuꞌuꞌ Ndiosíꞌ ya̱ ya íyó tu̱ꞌva tatúníꞌ re̱ꞌ sáva ka̱yu̱ꞌ ráa ki̱vɨ̱ꞌ sanáaꞌ re̱ꞌ kua̱chi jee xináánꞌ re̱ꞌ rá ñɨvɨ ya̱ ntu níkɨ́nꞌ ráa ichi Ndiosíꞌ.

2 Pedro 2:9

Jee ré sukuán nsa̱ꞌá I̱toꞌoꞌ‑ó jee jíníꞌ I̱toꞌoꞌ‑ó sikáku re̱ꞌ rá ñɨvɨ yɨ́tíñú ráa nu̱u̱nꞌ re̱ꞌ nu̱u̱nꞌ rá tu̱nóꞌó ya̱ jítotúníꞌ vá ráa. Soo téváꞌa sɨ́ɨ́n re̱ꞌ rá ñɨvɨ ya̱ ntu kúvi ñɨvɨ na̱a̱ꞌ, sáva kunoꞌo ráa tu̱nóꞌó ki̱vɨ̱ꞌ saꞌá náaꞌ re̱ꞌ kua̱chi.

Marcos 6:11

Jee retú ɨɨn nu̱u̱nꞌ ntu íyó maniꞌ ráa tɨɨn ráa ránoꞌó, ni ntu̱ví nénu̱u̱nꞌ ráa chúꞌun iniꞌ ráa Tu̱ꞌun Ndiosíꞌ ya̱ káchíꞌ ránú nu̱u̱nꞌ‑u, jee sáá kene rán yukuán, jee kisɨ rán ti̱ka̱cha̱a̱ꞌ jie̱ꞌe̱ꞌ rán, sáva nastúvi rán ya̱ íyó si̱kɨ̱ꞌ ráa. Máá nááꞌ vá káchíꞌ ni̱ꞌ nu̱u̱nꞌ rán, ya̱ ki̱vɨ̱ꞌ keꞌneꞌ Ndiosíꞌ kua̱chi ñɨ̱vɨ́, súka̱ꞌ xinóꞌo víꞌí Ndiosíꞌ rá ñɨvɨ rá ñuunꞌ Sodoma jín Gomorra, soo másúꞌ ka̱ꞌ xinóꞌo re̱ꞌ ráa nsú káꞌ xinóꞌo re̱ꞌ rá ñɨvɨ rá ñuunꞌ vá ya̱ ntu tésóꞌo tu̱ꞌun kachiꞌ ránú ―nkachiꞌ Jesús nu̱u̱nꞌ ráa.

Mateo 12:36

Soo káchíꞌ ni̱ꞌ nu̱u̱nꞌ rán ki̱vɨ̱ꞌ koo juiciúꞌ jee naku̱ꞌva ñɨvɨ kuéntáꞌ jie̱ꞌe̱ꞌ ntáká tu̱ꞌun nékáíyó káꞌánꞌ‑a.

Mateo 5:18

Chi maá nááꞌ nijia ví ya̱ káchíꞌ ni̱ꞌ nu̱u̱nꞌ ránoꞌó, ya̱ ni íyó súkún jín ñɨ̱vɨ́ yaꞌá ne̱ ntiáꞌan naanꞌ ráa, jee ni ɨɨn letra jín ni ɨɨn puntúꞌ níso nu̱u̱nꞌ tu̱ꞌun ley Ndiosíꞌ jee ni ntu xitá maa, nekuaꞌ kuvi nɨꞌɨ ya̱ káchíꞌ‑i.

Mateo 7:22

Jee sáá kenta ki̱vɨ̱ꞌ sanáaꞌ ni̱ꞌ ntáká kua̱chi, jee ki̱vɨ̱ꞌ yukuán, kue̱ꞌe̱ꞌ víꞌí rá ñɨvɨ kachiꞌ ráa nu̱u̱nꞌ nuꞌuꞌ: “I̱toꞌoꞌ ránꞌ, I̱toꞌoꞌ ránꞌ, ¿á nsáꞌ ña̱tíñú ránꞌ súví nú sáá nste̱kútu̱ꞌún ránꞌ tu̱ꞌun nú résa? Jee, ¿á nsáꞌ ña̱tíñú ránꞌ súví nú jee nta̱níkɨ́nꞌ ránꞌ rá kui̱ꞌna̱ꞌ ya̱ nyɨ̱ꞌɨ iniꞌ rá ñɨvɨ résa? Jee, ¿á nsáꞌ jín súví nú nsa̱ꞌá víꞌí ráníꞌ rá tiñu a̱nasɨ́ résa?”, kachiꞌ ráa.

Juan 6:39

Jee yaꞌá kúvi ya̱ kuíni maáréꞌ ya̱ nchu̱ichí nuꞌuꞌ, ya̱ nta̱ká rá ñɨvɨ ya̱ ntaji re̱ꞌ nu̱u̱nꞌ ni̱ꞌ, jee nsáꞌ sukuíta ni̱ꞌ ni ɨɨn, chisaꞌ xinátekuꞌ i̱i̱ꞌ ni̱ꞌ ráa jee xinákóo ni̱ꞌ ráa kene ráa nteñu rá níꞌiꞌ ki̱vɨ̱ꞌ nu̱u̱nꞌ nɨ́ꞌɨ.

Juan 6:40

Chi yaꞌá kúvi ya̱ kuíni Tátáꞌ ni̱ꞌ ya̱ nchu̱ichí nuꞌuꞌ: Nta̱ká ñɨvɨ ya̱ jínúꞌ iniꞌ ráa néꞌyá ráa Se̱ꞌya Ndiosíꞌ, jee kúneí iniꞌ ráa maa, jee kutekuꞌ ráa nɨ́ɨ́nkání jín re̱ꞌ, jee xinátekuꞌ i̱i̱ꞌ ni̱ꞌ ráa jee xinákóo ni̱ꞌ ráa kene ráa nteñu rá níꞌiꞌ ki̱vɨ̱ꞌ nu̱u̱nꞌ nɨ́ꞌɨ. Chi nuꞌuꞌ kuvi ni̱ꞌ Se̱ꞌya Ndiosíꞌ ―nkachiꞌ Jesús.

Juan 12:48

Soo ñɨvɨ ya̱ kúníichiꞌ iniꞌ‑i nuꞌuꞌ, jee ntu̱ví tɨ́ɨn‑ɨ tu̱ꞌun káꞌánꞌ ni̱ꞌ, jee ya̱ íyó ɨɨn ya̱ sanáaꞌ‑a kua̱chi si̱kɨ̱ꞌ ñɨvɨ vá jee keꞌneꞌ‑e kua̱chi si̱kɨ̱ꞌ vá. Rá tu̱ꞌun ya̱ nkachiꞌ ni̱ꞌ ví ya̱ keꞌneꞌ‑e kua̱chi vá ki̱vɨ̱ꞌ nu̱u̱nꞌ nɨ́ꞌɨ.

Hechos 17:31

Chi ñani‑i ɨɨn ki̱vɨ̱ꞌ nu̱u̱nꞌ sanáaꞌ na̱a̱ꞌ‑a kua̱chi nɨꞌɨ ñɨvɨ ñɨ̱vɨ́. Jee ñani‑i ɨɨn te̱e, sáva sanáaꞌ re̱ꞌ jie̱ꞌe̱ꞌ kua̱chi ñɨvɨ. Jee nstúvi‑i ya̱ níso re̱ꞌ tiñu vá, chi nna̱stekúꞌ i̱i̱ꞌ‑i re̱ꞌ nteñu rá níꞌiꞌ jee nxi̱nákóo‑o yɨkɨkúñu re̱ꞌ.

1 Corintios 3:13

jee rá tiñu ya̱ nsa̱ꞌá ta ɨɨn ta ɨɨn ñɨvɨ jee kenta natu̱vi nijinꞌ‑i, chi ki̱vɨ̱ꞌ ya̱ koo juisiúꞌ ya̱ kenta keꞌneꞌ Ndiosíꞌ rá tiñu nsa̱ꞌá ñɨvɨ jee tu̱vi kájí na̱ nu̱u̱nꞌ tiñu kúvi ráa. Kototúníꞌ Ndiosíꞌ rá tiñu sáꞌá ta ɨɨn ta ɨɨn ñɨvɨ jín ñuꞌunꞌ sáva stúvi na̱ nu̱u̱nꞌ tiñu kúvi tiñu nsa̱ꞌá‑a.

1 Tesalonicenses 5:4

Soo, ránoꞌó ñanitáꞌán, jíníꞌ va̱ꞌa ránú maa, jee ntu jiáꞌnu naanꞌ rán kuéntáꞌ jíka ɨɨn ñɨvɨ nu̱u̱nꞌ neenꞌ jee ntu jíníꞌ‑i né núꞌ kua̱ꞌa̱nꞌ‑a. Saáva ntu tɨɨn sa̱naanꞌ ki̱vɨ̱ꞌ tiaaꞌ I̱toꞌoꞌ‑ó yó kuéntáꞌ kénta tɨ́ɨn sa̱naanꞌ te̱e sákuíꞌná veꞌi ñɨvɨ.

Hebreos 10:25

Jee ntu íyó xinóo‑ó nutútú‑ó kuneñu̱ꞌun‑ó Ndiosíꞌ, kuéntáꞌ kua̱ꞌ ya̱ nka̱an sava rá ñɨvɨ sáꞌá ráa ya̱ ni ntu nútútú ráa. Chisaꞌ nakutíñú‑ó nachuneí‑ó iniꞌ ɨɨn inka‑ó, jee saꞌ víꞌí káꞌ chi jíníꞌ‑ó ya̱ kua̱kuyatin ki̱vɨ̱ꞌ nenta I̱toꞌoꞌ‑ó Jesús.

Judas 1:6

Jee suni ya jíníꞌ ránú na̱sa nsa̱ꞌá Ndiosíꞌ jín rá najiáꞌáꞌ ííꞌ re̱ꞌ sáá nxi̱nóo ráa tiñu níso ráa jee nxi̱nóo ráa ne̱ nu̱u̱nꞌ níyo ráa antivɨ́. Jee nchi̱niꞌyuꞌ re̱ꞌ ráa nu̱u̱nꞌ ñu̱neenꞌ, jee yukuán núꞌníꞌ ráa nɨ́ɨ́nkání nekuaꞌ kenta máá ki̱vɨ ñáꞌnú ya̱ sanáaꞌ re̱ꞌ ntáká tiñu.

Judas 1:7

Jee suni sukuán nnoꞌo rá ñuunꞌ Sodoma jín Gomorra jín rá ñuunꞌ káá ni̱kótíyu rá ñuunꞌ yukuán. Chi rá ñɨvɨ rá ñuunꞌ yukuán, nsa̱ꞌá téní ráa jee nki̱vɨ ráa ñujiínꞌ xeꞌne. Jee yukuán nsa̱ꞌá Ndiosíꞌ ya̱ kuvi ráa ɨɨn ichi ya̱ stúꞌva re̱ꞌ nu̱u̱nꞌ rá ñɨvɨ ya̱ jíka ráa ichi niva̱ꞌa ya̱ ntu íyó sáni kuíni Ndiosíꞌ ya̱ suni sukuán kunoꞌo ráa nu̱u̱nꞌ ñuꞌúnꞌ xéénꞌ nɨ́ɨ́nkání.