Mateo 1:20 - Mixteco del suroeste de Tlaxiaco Oaxaca

²⁰ Jee ni jiáni iniꞌ re̱ꞌ ya̱ saꞌá re̱ꞌ sukuán, jee nu̱u̱nꞌ ñuma̱ꞌná re̱ꞌ ntu̱vi ɨɨn najiáꞌáꞌ ííꞌ I̱toꞌoꞌ‑ó Ndiosíꞌ jee nkachiꞌ‑i nu̱u̱nꞌ re̱ꞌ: ―José, noꞌó ichiyúkúnꞌ tataꞌ veꞌi David, koto yúꞌví nú keꞌen nú María kuvi ña ñasɨ́ꞌɨ́ nú, chi Se̱ꞌya ya̱ nna̱nise̱ꞌya ña va̱ji‑i ne̱ nu̱u̱nꞌ Ta̱chi̱ꞌ Ííꞌ Ndiosíꞌ.

Mateo 1:20 Referans Kwoze

Lucas 1:19

Jee nna̱xiníkó najiáꞌáꞌ ííꞌ vá nu̱u̱nꞌ re̱ꞌ: ―Nuꞌuꞌ kúvi ni̱ꞌ Gabriel, ya̱ íñɨ́ ni̱ꞌ yɨ́tíñú ni̱ꞌ nu̱u̱nꞌ Ndiosíꞌ, jee nchu̱ichí re̱ꞌ nuꞌuꞌ va̱ji ni̱ꞌ kaꞌanꞌ ni̱ꞌ jín nú, sáva taji ni̱ꞌ tu̱ꞌun váꞌa yaꞌá nu̱u̱nꞌ nú.

Mateo 1:18

Suꞌva nkaku Jesús ya̱ kúvi máá Cristo: María, ya̱ kúvi nánáꞌ re̱ꞌ, jee sáá káá náꞌviꞌ jie̱ꞌe̱ꞌ ña tana̱ꞌá ña jín José, jee ne̱ ntiáꞌan ka̱ꞌ ki̱kuneeꞌ ña jín re̱ꞌ, jee niniꞌ re̱ꞌ ya̱ nna̱nise̱ꞌya ña jín fuersáꞌ ííꞌ Ta̱chi̱ꞌ Ííꞌ Ndiosíꞌ.

Mateo 2:19

Jee sáá ni̱ꞌi̱ꞌ Herodes, saájee ntu̱vi ɨɨn najiáꞌáꞌ ííꞌ I̱toꞌoꞌ‑ó nu̱u̱nꞌ ñuma̱ꞌná José ne̱ nu̱u̱nꞌ nééꞌ re̱ꞌ ñuꞌun Egipto, jee nkachiꞌ‑i:

Lucas 2:4

Jee suni José ranika̱ꞌ nkene re̱ꞌ ñuunꞌ Nazaret ɨɨn rá ñuunꞌ Galilea, jee kua̱noꞌonꞌ re̱ꞌ ñuunꞌ yɨ́ꞌɨ́ xi̱ntíín Judea, naní Belén, ya̱ kúvi ñuunꞌ nu̱u̱nꞌ nkaku David jííꞌ re̱ꞌ yanaꞌán. Chi kúvi re̱ꞌ se̱ꞌya ichiyúkúnꞌ va̱ji nu̱u̱nꞌ David.

Mateo 28:5

Saájee nkachiꞌ najiáꞌáꞌ ííꞌ vá nu̱u̱nꞌ rá ñaꞌan vá: ―Koto yúꞌví rán, chi jíníꞌ ni̱ꞌ ya̱ nánukú rán Jesús, ya̱ níꞌiꞌ‑i nu̱u̱nꞌ kurúsiꞌ.

Génesis 31:11

Jee nu̱u̱nꞌ ñuma̱ꞌná ni̱ꞌ vá nkachiꞌ máá najiáꞌáꞌ ííꞌ Ndiosíꞌ nu̱u̱nꞌ ni̱ꞌ: “Jacob” nkachiꞌ‑i, jee nna̱xiníkó ni̱ꞌ: “Yaꞌá íyó ni̱ꞌ”, nkachiꞌ ni̱ꞌ.

Mateo 2:22

Soo sáá nteso̱ꞌo re̱ꞌ ya̱ Arquelao nna̱kuiñɨꞌ‑ɨ nu̱u̱nꞌ tátáꞌ‑a Herodes tátúníꞌ‑i ñuꞌun Judea, jee nyu̱ꞌví José kɨ̱ꞌɨ̱nꞌ re̱ꞌ yukuán. Jee nstúꞌva Ndiosíꞌ re̱ꞌ nu̱u̱nꞌ ñuma̱ꞌná re̱ꞌ jee nkene re̱ꞌ kua̱ꞌa̱nꞌ re̱ꞌ nu̱u̱nꞌ ñuꞌun tɨ́ɨn Galilea.

Mateo 2:13

Jee sáá ya̱ kua̱noꞌonꞌ rá te̱e tu̱ꞌva níchí xi̱ni̱ꞌ vá, saájee ntu̱vi ɨɨn najiáꞌáꞌ ííꞌ I̱toꞌoꞌ‑ó nu̱u̱nꞌ ñuma̱ꞌná José jee nkachiꞌ‑i nu̱u̱nꞌ re̱ꞌ: ―Nako̱o, keꞌen te̱lúlí jín nánáꞌ re̱ꞌ, jee kene yuꞌuꞌ kaku nú kuáꞌánꞌ jín ráa nu̱u̱nꞌ ñuꞌún ñuunꞌ Egipto, jee kino̱o rán yukuán ne̱kua̱ꞌ kachiꞌ ni̱ꞌ nu̱u̱nꞌ nú ya̱ nikó rán. Chi Herodes tají re̱ꞌ rá te̱e nanukú ráa te̱lúlí yaꞌá sáva kaꞌniꞌ ráa maa ―nkachiꞌ najiáꞌáꞌ ííꞌ vá.

Génesis 46:3

Saájee nkachiꞌ Ndiosíꞌ: ―Nuꞌuꞌ kúvi Ndiosíꞌ, ya̱ kúvi Ndiosíꞌ ya̱ néñu̱ꞌun tátáꞌ nú. Koto yúꞌví nú kɨ̱ꞌɨ̱nꞌ nú nu̱u̱nꞌ ñuꞌun Egipto, chi yukuán saꞌá ni̱ꞌ ichiyúkúnꞌ kiji nu̱u̱nꞌ nú ɨɨn nación máá káꞌnú.

Mateo 2:12

Saájee nstúꞌva ya̱chi̱ꞌ Ndiosíꞌ ráa nu̱u̱nꞌ ñuma̱ꞌná ráa ya̱ nsáꞌ nikó ráa nu̱u̱nꞌ Herodes, saájee inka ka̱ꞌ ichi nkene ráa kua̱noꞌonꞌ ráa ñuunꞌ ráa.

Mateo 27:19

Jee ni nééꞌ Pilato nu̱u̱nꞌ teyuꞌ nu̱u̱nꞌ jiéꞌnéꞌ re̱ꞌ kua̱chi, jee nta̱jí ñasɨ́ꞌɨ́ re̱ꞌ tu̱ꞌun nu̱u̱nꞌ re̱ꞌ ya̱ káchíꞌ‑i: ―Koto jíꞌín nú jiéꞌnéꞌ kua̱chi si̱kɨ̱ꞌ te̱e na̱a̱ꞌ i̱ña̱ꞌ, chi vitan nnoꞌo víꞌí ni̱ꞌ nsa̱ꞌá ña̱ní nu̱u̱nꞌ ñuma̱ꞌná ni̱ꞌ jie̱ꞌe̱ꞌ re̱ꞌ ―nkachiꞌ ñaꞌ.

Hechos 5:19

Soo yakuááꞌ, ɨɨn najiáꞌáꞌ ííꞌ I̱toꞌoꞌ‑ó nsine yuvékáa, jee ntavaꞌ re̱ꞌ rává. Jee nkachiꞌ re̱ꞌ nu̱u̱nꞌ ráa:

Apoclipsis 19:7

¡Na̱ ka̱ꞌ kusɨ̱ɨ̱ꞌ iniꞌ‑ó, jee sɨ̱ɨ̱ꞌ kuvi iniꞌ ánímaꞌ‑ó, nakuetúꞌún‑ó re̱ꞌ chi máá kúñáꞌnú kúvi re̱ꞌ! Chi ya̱ nkenta viko tánáꞌá maáréꞌ ya̱ kuvi Lanchi Lúlí, jee nkenta tana̱ꞌá re̱ꞌ. Jee rá ñɨvɨ yɨ́ꞌɨ́ xi̱ntíín Ndiosíꞌ kúvi ráa kuéntáꞌ kúvi ñaꞌan ya̱ ya íyó tu̱ꞌva ña ya̱ tana̱ꞌá ña jín re̱ꞌ.