Marcos 9:25 - Mixteco del suroeste de Tlaxiaco Oaxaca

²⁵ Sáá nne̱ꞌyá Jesús ya̱ nku̱tútú ya̱chi̱ꞌ víꞌí ñɨvɨ, jee nku̱xeenꞌ re̱ꞌ nu̱u̱nꞌ ta̱chi̱ꞌ néꞌí vá, jee nkachiꞌ re̱ꞌ nu̱u̱nꞌ‑u: ―¡Ta̱chi̱ꞌ kíni ya̱ sáꞌá ñɨ́ꞌɨ́nꞌ nú jee sáꞌá sóꞌó nú! ¡Nuꞌuꞌ tátúníꞌ ni̱ꞌ nu̱u̱nꞌ nú, ya̱ kene nú iniꞌ re̱ꞌ, jee koto kívɨ nú ka̱ꞌ iniꞌ re̱ꞌ!

Marcos 9:25 Referans Kwoze

Hechos 16:18

Kue̱ꞌe̱ꞌ ki̱vɨ̱ꞌ nsa̱ꞌá ña yaꞌá, jee nku̱níní víꞌí iniꞌ Pablo. Jee nna̱ikó re̱ꞌ jee nkachiꞌ re̱ꞌ nu̱u̱nꞌ ta̱chi̱ꞌ kíni vá: ―Nu̱u̱nꞌ súví Jesús ya̱ kúvi Cristo, tátúníꞌ ni̱ꞌ nu̱u̱nꞌ nú, kene nú ñasúchí vá. Jee kuísá nkene‑e ña.

Lucas 9:42

Jee ni kua̱kuyatin te̱súchí vá nu̱u̱nꞌ Jesús, jee nxi̱nániso ta̱chi̱ꞌ kákini kánéꞌí vá maa nu̱u̱nꞌ ñu̱ꞌún, jee ñaꞌniyɨ̱ꞌɨ́‑ɨ re̱ꞌ. Soo nnu̱xeenꞌ Jesús nu̱u̱nꞌ ta̱chi̱ꞌ kíni vá, jee nkene‑e kua̱ꞌa̱nꞌ‑a, jee nxi̱núvi re̱ꞌ te̱súchí vá, jee nna̱ku̱ꞌva re̱ꞌ maa nu̱u̱nꞌ tátáꞌ‑a.

Marcos 9:15

Sáá niniꞌ nɨꞌɨ rá ñɨvɨ re̱ꞌ, jee kuíntañúꞌún nti̱vɨ́ xá xi̱ni̱ꞌ ráa. Jee ninu ráa jee nkenta ráa nu̱u̱nꞌ re̱ꞌ, jee ntɨɨn ráa naꞌá re̱ꞌ.

Mateo 17:18

Saájee nku̱xeenꞌ Jesús nu̱u̱nꞌ kui̱ꞌna̱ꞌ yɨ́ꞌɨ́ iniꞌ te̱e súchí vá, jee nkene‑e re̱ꞌ, jee kuísá nnuvi re̱ꞌ hora yukuán.

Judas 1:9

Soo va̱tu̱ꞌ ni̱ka̱ꞌ najiáꞌáꞌ ííꞌ kuñáꞌnú naní Miguel, jee nsú sukuán nsa̱ꞌá‑a, chi sáá nka̱ntáꞌán túꞌun‑u jín kui̱ꞌna̱ꞌ kúñáꞌnú jie̱ꞌe̱ꞌ yɨkɨkúñu Moisés sáá ni̱ꞌi̱ꞌ re̱ꞌ, jee ni ntu nkiji iniꞌ‑i kaꞌanꞌ niva̱ꞌa‑a ntu nténúunꞌ‑u si̱kɨ̱ꞌ kui̱ꞌna̱ꞌ kúñáꞌnú vá. Chisaꞌ nkachiꞌ‑i: “Máá I̱toꞌoꞌ, kúxeenꞌ re̱ꞌ nu̱u̱nꞌ nú”, nkachiꞌ‑i.

Lucas 11:14

Jee sáá táváꞌ Jesús kui̱ꞌna̱ꞌ yɨ́ꞌɨ́ iniꞌ ɨɨn te̱e, ya̱ sáñɨ́ꞌɨ́nꞌ‑ɨ te̱e vá. Jee sáá nkene kui̱ꞌna̱ꞌ vá, jee nna̱kaꞌanꞌ te̱e ñɨ́ꞌɨ́nꞌ vá, jee nti̱vɨ́ xá xíniꞌ rá ñɨvɨ kue̱ꞌe̱ꞌ.

Lucas 8:29

(Nkachiꞌ te̱e vá sukuán chi Jesús nta̱túníꞌ re̱ꞌ nu̱u̱nꞌ ta̱chi̱ꞌ néꞌí kákini ya̱ kene‑e iniꞌ te̱e vá. Jee ya̱ nku̱kueꞌeꞌ víꞌí íchí tɨ́ɨn‑ɨ re̱ꞌ jee súka̱ꞌ jíꞌni rá ñɨvɨ rá naꞌá re̱ꞌ jín jie̱ꞌe̱ꞌ re̱ꞌ cadena ka̱a jín rá ka̱a tɨ́ɨn maa jee kúmí ráa maa, soo skáꞌnɨ́ꞌ re̱ꞌ rá cadena vá jín rá ka̱a nu̱u̱nꞌ yɨ́ꞌɨ́ naꞌá re̱ꞌ jee síkúnu ta̱chi̱ꞌ kíni vá re̱ꞌ jiáꞌánꞌ re̱ꞌ ne̱ rá nu̱u̱nꞌ ñu̱ꞌún saɨn nu̱u̱nꞌ ntu̱náꞌ ñɨvɨ nééꞌ.)

Lucas 4:41

Jee suni ne̱ kue̱ꞌe̱ꞌ rá ñɨvɨ nkene kui̱ꞌna̱ꞌ iniꞌ ráa, jee kua̱neí rá ta̱chi̱ꞌ vá kánajíín ráa, jee nkachiꞌ ráa: ―¡Noꞌó kúvi nú Se̱ꞌya Ndiosíꞌ! Soo núxeenꞌ Jesús nu̱u̱nꞌ ráa jee ni ntu njiáꞌa re̱ꞌ kaꞌanꞌ ráa chi jíníꞌ ráa ya̱ maáréꞌ ví Cristo, [ya̱ ñani Ndiosíꞌ re̱ꞌ tatúníꞌ re̱ꞌ nu̱u̱nꞌ ñɨ̱vɨ́].

Lucas 4:35

Saájee nku̱xeenꞌ Jesús nu̱u̱nꞌ ta̱chi̱ꞌ kíni vá: ―¡Kasɨꞌ yuꞌú nú jee kene nú re̱ꞌ! ―nkachiꞌ Jesús. Jee nstu̱víꞌ kui̱ꞌna̱ꞌ te̱e vá nteñu rá ñɨvɨ, jee nkene‑e iniꞌ re̱ꞌ kua̱ꞌa̱nꞌ‑a, jee ni ntu̱né nstúfíꞌ‑i re̱ꞌ.

Mateo 12:22

Saájee ña̱na̱ka rá ñɨvɨ nu̱u̱nꞌ Jesús ɨɨn te̱e kuáá jee ñɨ́ꞌɨ́nꞌ‑ɨ, chi yɨ́ꞌɨ́ kui̱ꞌna̱ꞌ maa. Jee nxi̱núvi Jesús maa, jee nkuvi nna̱kune̱ꞌyá‑a, jee nkuvi nna̱kaꞌanꞌ‑a.

Marcos 9:24

Kuíntañúꞌún nka̱najíín tátáꞌ te̱e súchí vá, jee nkachiꞌ re̱ꞌ: ―¡Kúneí iniꞌ ni̱ꞌ noꞌó! Chineí nú nuꞌuꞌ, sáva nakuneí ka̱ꞌ iniꞌ ni̱ꞌ noꞌó.

Marcos 9:26

Jee nka̱najíín ta̱chi̱ꞌ néꞌí vá, jee iyo víꞌí ñaꞌniyɨ̱ꞌɨ́ ta̱chi̱ꞌ néꞌí vá re̱ꞌ, jee nkene‑e. Jee te̱e súchí vá nkino̱o kuéntáꞌ ɨɨn ya̱ níꞌiꞌ. Saájee kue̱ꞌe̱ꞌ ráa nkachiꞌ ya̱ níꞌiꞌ re̱ꞌ.