Marcos 9:2 - Mixteco del suroeste de Tlaxiaco Oaxaca

² Jee ki̱vɨ̱ꞌ íñúꞌ, nnaka Jesús kua̱chi Pedro, Jacobo, jín Juan, jee kua̱ꞌa̱nꞌ maáréꞌ jín ráa nu̱u̱nꞌ ɨɨn yuku súkún. Jee yukuán nsama re̱ꞌ sáá ntu̱vi re̱ꞌ nu̱u̱nꞌ ráa.

Marcos 9:2 Referans Kwoze

Marcos 5:37

Jee ntu njiáꞌa re̱ꞌ ni ɨɨn ñɨvɨ kutáꞌán ráa jín re̱ꞌ, chisaꞌ kua̱chi Pedro, Jacobo jín Juan, ya̱ kúvi ñaniꞌ Jacobo nku̱táꞌán ráa jín re̱ꞌ.

Marcos 14:33

Jee nkeꞌen re̱ꞌ Pedro, Jacobo jín Juan, jee nka̱jiéꞌé nku̱kuíꞌyá iniꞌ re̱ꞌ jee nna̱niꞌvɨꞌ víꞌí iniꞌ re̱ꞌ.

2 Corintios 13:1

Yaꞌá kúvi ya̱ uníꞌ íchí ya̱ kua̱jiane̱ꞌyá ni̱ꞌ ránoꞌó. Jee íyó koo u̱vi̱ꞌ áxí u̱ni̱ꞌ ñɨvɨ ya̱ stúvi ráa ya̱ naáꞌ sáva kuna̱a̱ꞌ iniꞌ rán nta̱ká tu̱ꞌun xíkóñáꞌán ñɨvɨ inka ñɨvɨ.

Apoclipsis 20:11

Jee niniꞌ ni̱ꞌ ɨɨn teyuꞌ kuíjín kúñáꞌnú nu̱u̱nꞌ kuna̱a̱ꞌ tiñu. Jee yukuán nééꞌ Ndiosíꞌ ya̱ tátúníꞌ re̱ꞌ tiñu. Jee nkuiyo ñɨ̱vɨ́ jín súkún nu̱u̱nꞌ re̱ꞌ. Chi ntu̱ví ka̱ꞌ né núꞌ koo ráa nu̱u̱nꞌ re̱ꞌ.

Marcos 16:12

Jee kuíre ni jíka núvíꞌ rá te̱e kua̱ꞌa̱nꞌ ráa nu̱u̱nꞌ kuaríáꞌ, jee sɨ́ɨ́n ka̱ꞌ ntu̱vi Jesús nu̱u̱nꞌ ráa.

Filipenses 3:21

Suvire̱ꞌ sama yɨkɨkúñu náꞌví‑ó, jee nuún sama re̱ꞌ maa jín yɨkɨkúñu re̱ꞌ ya̱ nna̱tekuꞌ i̱i̱ꞌ tuku re̱ꞌ jee viiꞌ kúñáꞌnú re̱ꞌ. Sama re̱ꞌ maa jín fuersáꞌ ííꞌ níꞌin níso re̱ꞌ. Jee jín fuersáꞌ ííꞌ vá kúvi chiꞌi re̱ꞌ nɨꞌɨ kuitɨꞌ chi̱ji xi̱ntíín re̱ꞌ.

Romanos 12:2

Jee koto jiáꞌnu rán ka̱ꞌ sáni jiáꞌnu rá ñɨvɨ ñɨ̱vɨ́ yaꞌá vitan, chisaꞌ sama rán iniꞌ maárán nujiáá sáá jiáni antúníꞌ rán, sáva kenta kukáꞌnú iniꞌ rán ná kúvi ya̱ kuíni Ndiosíꞌ, ya̱ kúvi ya̱ váꞌa, ya̱ kúváꞌa iniꞌ re̱ꞌ néꞌyá re̱ꞌ maa, jín kúvi ya̱ naáꞌ.

Juan 1:14

Jee maáréꞌ ya̱ kúvi Tu̱ꞌun vá nkenta nkuvi re̱ꞌ ɨɨn te̱e ñunéꞌyúꞌ jee nneeꞌ re̱ꞌ nteñu‑ó. Jee niniꞌ ránꞌ ya̱ viiꞌ nasɨ́kuitɨꞌ kúñáꞌnú re̱ꞌ. Kúñáꞌnú re̱ꞌ chi Se̱ꞌya métúꞌún Ndiosíꞌ kúvi re̱ꞌ ya̱ váji ne̱ nu̱u̱nꞌ Tátáꞌ‑ó Ndiosíꞌ. Jee ntántúníꞌ íyó mániꞌ iniꞌ re̱ꞌ néꞌyá re̱ꞌ yó jee mani kúvi re̱ꞌ ya̱ nááꞌ ya̱ saꞌ víꞌí káꞌ stúvi ya̱ nááꞌ jie̱ꞌe̱ꞌ Ndiosíꞌ.

Lucas 6:12

Jee sáá njia̱ꞌa rá ki̱vɨ̱ꞌ yukuán, jee kua̱ꞌa̱nꞌ Jesús xi̱ni̱ꞌ ɨɨn yuku sáva kaꞌanꞌ re̱ꞌ jín Ndiosíꞌ jee naniñuꞌ káꞌánꞌ re̱ꞌ jín Ndiosíꞌ.

Mateo 14:13

Jee sáá nteso̱ꞌo Jesús ya̱ nkuvi sukuán jín Juan, jee nkene re̱ꞌ, ña̱ku̱ꞌun re̱ꞌ iniꞌ ɨɨn barkúꞌ, jee kua̱ꞌa̱nꞌ re̱ꞌ ɨɨn nu̱u̱nꞌ ñu̱ꞌún saɨn káá sɨ́ɨ́n nu̱u̱nꞌ ntu̱náꞌ ñɨvɨ nééꞌ sáva kuneeꞌ sɨ́ɨ́n métúꞌún re̱ꞌ. Soo sáá nteso̱ꞌo rá ñɨvɨ ya̱ kua̱ꞌa̱nꞌ re̱ꞌ iniꞌ barkúꞌ, jee nkene ráa nu̱u̱nꞌ rá ñuunꞌ nééꞌ ráa, jee jíka jiéꞌé ráa kua̱ꞌa̱nꞌ ráa níkɨ́nꞌ ráa re̱ꞌ.