Marcos 8:26 - Mixteco del suroeste de Tlaxiaco Oaxaca

²⁶ Jee nna̱chuichí Jesús maa kua̱noꞌonꞌ‑o veꞌi‑i jee nkachiꞌ re̱ꞌ nu̱u̱nꞌ‑u: ―Koto kívɨ nú ñuunꞌ. Ni koto nákani nú yaꞌá nu̱u̱nꞌ ni ɨɨn ñɨvɨ yukuán.

Marcos 8:26 Referans Kwoze

Mateo 8:4

Jee nkachiꞌ Jesús nu̱u̱nꞌ te̱e vá: ―Koto káchíꞌ nú nu̱u̱nꞌ ni ɨɨn ñɨvɨ ya̱ nxi̱núvi ni̱ꞌ noꞌó. Chisaꞌ kuáꞌán, kuáxinéꞌénꞌ nú maánú nu̱u̱nꞌ su̱tu̱ꞌ ya̱ nnuvi nú, jee so̱ko̱ꞌ nú nu̱u̱nꞌ Ndiosíꞌ sánikua̱ꞌ tátúníꞌ tu̱ꞌun njiáꞌa Ndiosíꞌ nu̱u̱nꞌ Moisés ne̱ yanaꞌán. Jee sukuán so̱ko̱ꞌ nú nu̱u̱nꞌ Ndiosíꞌ sáva stúvi nú nu̱u̱nꞌ rá ñɨvɨ ya̱ ya nnuvi nú.

Marcos 8:23

Ntɨɨn Jesús naꞌá te̱e kuáá vá jee ña̱na̱ka re̱ꞌ maa yuñúúnꞌ. Ntiesɨ̱ɨ́ re̱ꞌ nu̱u̱nꞌ rá nchinúún‑u. Jee ntee re̱ꞌ naꞌá re̱ꞌ nu̱u̱nꞌ‑u. Jee ni̱ka̱tu̱ꞌún re̱ꞌ maa: ―¿Á íyó ya̱ túvi néꞌyá nú?

Marcos 7:36

Nta̱túníꞌ Jesús ya̱ ni ɨɨn nu̱u̱nꞌ nka̱chíꞌ ráa maa. Sú saꞌ víꞌí ka̱ꞌ tátúníꞌ re̱ꞌ nu̱u̱nꞌ ráa, jee saꞌ víꞌí ka̱ꞌ stékútu̱ꞌún ráa maa.

Marcos 5:43

Soo nta̱túníꞌ ni̱ꞌin Jesús nu̱u̱nꞌ ráa ya̱ ni ɨɨn nu̱u̱nꞌ nka̱chíꞌ ráa maa. Jee nkachiꞌ re̱ꞌ ya̱ ku̱ꞌva ráa kajiꞌ ñalúlí vá.

Mateo 12:16

Jee nta̱túníꞌ ni̱ꞌin re̱ꞌ nu̱u̱nꞌ rá ñɨvɨ ya̱ ni koto nástúvi ráa né ɨɨn kúvi re̱ꞌ.

Mateo 9:30

Saájee nnu̱nijinꞌ rá nchinúún ráa jee nkuvi nna̱kune̱ꞌyá ráa. Jee nta̱túníꞌ ni̱ꞌin re̱ꞌ nu̱u̱nꞌ ráa, jee nkachiꞌ re̱ꞌ: ―Kumí rán ya̱ koto ni ɨɨn ñɨvɨ kukáꞌnú iniꞌ‑i ya̱ nkuvi jín rán.

Marcos 8:25

Saájee ntee tuku Jesús naꞌá‑a nu̱u̱nꞌ rá nchinúún te̱e kuáá vá jee nxi̱núvi re̱ꞌ maa. Jee va̱ꞌa nne̱ꞌyá‑a, saájee kájíkuitɨꞌ nna̱kune̱ꞌyá‑a nɨꞌɨ.