Marcos 8:15 - Mixteco del suroeste de Tlaxiaco Oaxaca

¹⁵ Jee nta̱túníꞌ re̱ꞌ nu̱u̱nꞌ ráa [jie̱ꞌe̱ꞌ tu̱ꞌun xínéꞌénꞌ rá fariseo]: ―Kumí rán maárán. Nito koo rán maárán nu̱u̱nꞌ levadura rá fariseo jín levadura Herodes.

Marcos 8:15 Referans Kwoze

Mateo 16:6

Saájee nkachiꞌ Jesús nu̱u̱nꞌ ráa: ―Kumí rán maárán, nito koo rán maárán nu̱u̱nꞌ levadura rá te̱e kúvi fariseo, jín rá saduceo ―nkachiꞌ re̱ꞌ.

Marcos 12:13

Jee kuíre nta̱jí ráa nu̱u̱nꞌ Jesús kéꞌín rá fariseo jín rá te̱e íñɨ́ jín Herodes, sáva natavaꞌ ráa yuꞌú re̱ꞌ ɨɨn tu̱ꞌun jie̱ꞌe̱ꞌ ya̱ kuvi chikua̱chi ráa re̱ꞌ.

1 Timoteo 6:13

Tétíñú ni̱ꞌ noꞌó ichinúúnꞌ Ndiosíꞌ, ya̱ sáꞌá re̱ꞌ kutekuꞌ nɨꞌɨ ya̱ tékúꞌ, jín ichinúúnꞌ Cristo Jesús, ya̱ nsa̱náaꞌ va̱ꞌa re̱ꞌ ya̱ naáꞌ ichinúúnꞌ te̱e nísotíñú, naní Poncio Pilato.

Mateo 14:1

Jee tiempúꞌ yukuán Herodes kúvi te̱e tátúníꞌ nu̱u̱nꞌ ñuunꞌ Galilea. Jee nteso̱ꞌo‑o tu̱ꞌun nákani rá ñɨvɨ jie̱ꞌe̱ꞌ Jesús.

2 Timoteo 2:14

Xinákúꞌun nú iniꞌ rá ñɨvɨ tu̱ꞌun yaꞌá. Jee ichinúúnꞌ Ndiosíꞌ, tatúníꞌ ni̱ꞌin nú nu̱u̱nꞌ ráa ya̱ koto kántátúꞌun ráa jie̱ꞌe̱ꞌ ntáká tu̱ꞌun saɨn. Chi ntu̱náꞌ íyótiñu‑u nintíꞌínꞌ saꞌá ráa suꞌva, chi stívɨ́‑ɨ ñɨvɨ ya̱ tésóꞌo maa.

1 Timoteo 5:21

Ichinúúnꞌ Ndiosíꞌ, jín Cristo Jesús, jín rá najiáꞌáꞌ ííꞌ Ndiosíꞌ ya̱ nka̱ji re̱ꞌ ráa, tétuvi ni̱ꞌin ni̱ꞌ noꞌó, ya̱ sikúnkuvi nú tu̱ꞌun yaꞌá, jee koto jiáni ya̱chi̱ꞌ iniꞌ nú. Koto sáꞌá nú kuéntáꞌ né ɨɨn kúvi ñɨvɨ, sáá saꞌá nú maa, chisaꞌ ɨɨn nuún ni koo ñɨvɨ nu̱u̱nꞌ nú.

Lucas 12:15

Jee suni nkachiꞌ re̱ꞌ nu̱u̱nꞌ rá ñɨvɨ: ―Nito koo rán jee kumí noo rán maárán ya̱ koto nééꞌ u̱ꞌvi̱ꞌ iniꞌ rán, chi rá nantíñú kue̱ꞌe̱ꞌ kúmí ɨɨn ñɨvɨ ntu sáꞌá‑a ya̱ kutekuꞌ ñɨvɨ vá ―nkachiꞌ Jesús.

Mateo 14:3

Nkachiꞌ Herodes sukuán chi ya nkuvi tiempúꞌ sáá ntají re̱ꞌ tɨɨn ráa Juan, kuꞌniꞌ ráa maa, nchiꞌi ráa maa iniꞌ veka̱a. Nsa̱ꞌá Herodes sukuán, chi nta̱na̱ꞌá re̱ꞌ jín Herodías ya̱ nkuvi ñasɨ́ꞌɨ́ ñaniꞌ re̱ꞌ Felipe,

Mateo 14:6

Soo nkenta ki̱vɨ̱ꞌ íyó viko nánu kui̱ya̱ꞌ nkaku Herodes, jee se̱ꞌya sɨ́ꞌɨ́ Herodías nka̱tiéꞌé ña ichinúúnꞌ rá ñɨvɨ nééꞌ viko re̱ꞌ, jee ntaꞌanꞌ víꞌí iniꞌ Herodes nsa̱ꞌá ña.

Marcos 8:14

Jee nnaanꞌ iniꞌ rá te̱e súkuáꞌa re̱ꞌ ráa kunaꞌá ráa i̱xta̱tíláꞌ kɨ̱ꞌɨ̱nꞌ jín ráa. Jee kua̱chi ɨɨn i̱xta̱tíláꞌ ni ínáváꞌa ráa kua̱ꞌa̱nꞌ ráa iniꞌ barkúꞌ.

Marcos 8:16

Jee nátúꞌún ɨɨn inka ráa jie̱ꞌe̱ꞌ ya̱ nkachiꞌ re̱ꞌ sukuán jee nkachiꞌ ráa: ―Chi ntu̱ví i̱xta̱tíláꞌ ínaꞌá‑ó.