Marcos 7:4 - Mixteco del suroeste de Tlaxiaco Oaxaca

⁴ Jee sáá níkó ráa ya̱ jiáꞌánꞌ ráa nu̱yáꞌvi, ntu yájíꞌ ráa, retú ntu násánoo ráa maáráa xíꞌna ka̱ꞌ. Jee íyó víꞌí ka̱ꞌ ñujiínꞌ njiáꞌa rá jííꞌ, ya̱ néva̱ꞌa ráa. Íyótúníꞌ sá nakete ráa rá taza, rá ti̱noꞌoꞌ, rá ki̱sɨ ka̱a jín rá i̱to.)

Marcos 7:4 Referans Kwoze

Hebreos 9:10

Chi ntáká rá tiñu yukuán, jee kua̱chi kuitɨꞌ kúvi‑i tu̱ꞌun ya̱ tátúníꞌ‑i na̱ja saꞌá‑ó jín yɨkɨkúñu‑ó. Chi tátúníꞌ‑i jie̱ꞌe̱ꞌ ya̱ yájíꞌ, jín ya̱ jíꞌi, jín jie̱ꞌe̱ꞌ na̱ja nasaꞌá noo‑ó yɨkɨkúñu‑ó. Jee ñakɨnꞌ Ndiosíꞌ tiñu vá ne̱kua̱ꞌ tiempúꞌ nasaꞌá jiáá na̱a̱ꞌ re̱ꞌ nɨꞌɨ.

Mateo 23:25

’¡Na̱ ka̱ꞌ xe̱e̱nꞌ kunoꞌo rán ka̱ꞌ ránoꞌó!, te̱e xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ, jín ránoꞌó te̱e kúvi fariseo, chi, ¡te̱e sansuꞌva ví rán!, chi nákete rán kua̱chi ya̱ta̱ꞌ vasúꞌ jíꞌi rán jín ya̱ta̱ꞌ ko̱ꞌo̱ꞌ ñúyájíꞌ rán. Soo ichi iniꞌ ráa ñúchitú jín nantíñú ya̱ káneeꞌ rán jín jie̱ꞌe̱ꞌ máá tu̱ꞌun uꞌviꞌ iniꞌ rán.

Santiago 4:8

Natuꞌva rán nu̱u̱nꞌ Ndiosíꞌ, jee natuꞌva re̱ꞌ nu̱u̱nꞌ rán. ¡Ñɨvɨ kua̱chi! ¡Íyó saꞌá noo rán maárán nu̱u̱nꞌ kua̱chi sáꞌá rán! ¡Ñɨvɨ ya̱ ɨɨn u̱vi̱ꞌ ñúꞌún iniꞌ ánímaꞌ rán! ¡Jee íyó saꞌá ninuꞌun rán ánímaꞌ rán!

Juan 2:6

Jee yukuán íñɨ́ i̱ñu̱ꞌ rá ki̱sɨ yu̱u̱ꞌ nu̱u̱nꞌ chúꞌun ráa nute sánikua̱ꞌ rá costumbre sáꞌá rá ñɨvɨ Israel ya̱ jiátíñú ráa maa sáva saꞌá ninuꞌun ráa maáráa nu̱u̱nꞌ Ndiosíꞌ. Jee kánta ñúꞌún yatin ku̱mi̱xiko (80) áxí ɨɨn sientúꞌ (100) litro nute iniꞌ ta ɨɨn rá ki̱sɨ yu̱u̱ꞌ vá.

1 Juan 1:7

Soo retú na̱a̱ꞌ jiáꞌnu‑ó kuéntáꞌ nu̱u̱nꞌ túúnꞌ ñuꞌunꞌ sánikua̱ꞌ íyó maáréꞌ nu̱u̱nꞌ túúnꞌ ñuꞌunꞌ ya̱ kúvi ya̱ na̱a̱ꞌ íyó maáréꞌ, saájee íyó ɨnuún‑ó jín ɨɨn inka táꞌán‑ó, jee nónoo‑ó nu̱u̱nꞌ re̱ꞌ chi ni̱ꞌi̱ꞌ maá Se̱ꞌya re̱ꞌ Jesús jee ñatɨ ni̱ñɨ̱ꞌ vá sáva nasánoo‑o yó nu̱u̱nꞌ nta̱ká kua̱chi‑ó.

Mateo 27:24

Jee sáá niniꞌ Pilato ya̱ ntu kúneí re̱ꞌ jín rá ñɨvɨ chisaꞌ víꞌí ka̱ꞌ kúváaꞌ ráa, jee ni̱ka̱nꞌ re̱ꞌ nute, jee nna̱naꞌá re̱ꞌ ichinúúnꞌ rá ñɨvɨ kue̱ꞌe̱ꞌ vá, jee nkachiꞌ re̱ꞌ: ―Ntu kuáchi si̱kɨ̱ꞌ ni̱ꞌ ya̱ kuviꞌ te̱e yaꞌá. ¡Yaꞌá ví si̱kɨ̱ꞌ maárán! ―nkachiꞌ re̱ꞌ nu̱u̱nꞌ ráa.

Juan 3:25

Saájee sava rá te̱e ya̱ súkuáꞌa Juan ráa nka̱ntáꞌán túꞌun ráa jín inka te̱e Israel jie̱ꞌe̱ꞌ na̱sa sáꞌá ñɨvɨ ya̱ nuvi ninuꞌun ráa nu̱u̱nꞌ Ndiosíꞌ.

Mateo 23:26

’¡Ránoꞌó fariseo, te̱e kuáá ví rán! Xíꞌna ka̱ꞌ íyó saꞌá noo rán ánímaꞌ rán, kuéntáꞌ kua̱ꞌ násánoo iniꞌ ɨɨn vasúꞌ, saájee tu̱vi nijinꞌ ya̱ nno̱noo kua̱íyó rán nu̱u̱nꞌ rá ñɨvɨ.

Marcos 7:8

’Chi xínóo rán ya̱ nta̱túníꞌ Ndiosíꞌ jee néva̱ꞌa rán rá costumbre rá te̱e. [Íyótúníꞌ sá nákete rán rá ki̱sɨ jín rá taza jee sáꞌá víꞌí rán ka̱ꞌ suꞌva.]