Marcos 6:21 - Mixteco del suroeste de Tlaxiaco Oaxaca

²¹ Soo nkenta ɨɨn ki̱vɨ̱ꞌ ñúꞌún iniꞌ ña, máá sáá nkenta viko kui̱ya̱ꞌ Herodes. Nsa̱ꞌá re̱ꞌ ɨɨn xíní nu̱u̱nꞌ rá te̱e kúñáꞌnú jín re̱ꞌ, jín rá capitán soldado, jín rá te̱e kúñáꞌnú ñuunꞌ Galilea.

Marcos 6:21 Referans Kwoze

Génesis 40:20

Jee ki̱vɨ̱ꞌ uníꞌ jee kuvi ki̱vɨ̱ꞌ nainu kui̱ya̱ꞌ Faraón, jee nsa̱ꞌá re̱ꞌ ɨɨn viko ya̱ kúvi jín ntáká rá te̱e nísotíñú ya̱ sáꞌá rá tiñu tátúníꞌ re̱ꞌ. Jee nta̱jí re̱ꞌ ya̱ tavaꞌ rá soldado ni núvíꞌ ráa te̱e vá veka̱a, te̱e nyosoꞌ nu̱u̱nꞌ rá máá yɨ́tíñú chúꞌun nute nu̱xi nixiꞌ uva, jín te̱e ya̱ nyosoꞌ nu̱u̱nꞌ rá máá yɨ́tíñú sáꞌá i̱xta̱tíláꞌ sáva kuiñɨ ráa ichinúúnꞌ rá te̱e nísotíñú vá.

Apoclipsis 11:10

Jee rá ñɨvɨ nééꞌ iniꞌ ñɨ̱vɨ́ kusɨ̱ɨ̱ꞌ víꞌí iniꞌ ráa jie̱ꞌe̱ꞌ ya̱ níꞌiꞌ ni núvíꞌ rá te̱e vá, jee saꞌá ráa viko, jee sikútaꞌviꞌ ráa ta̱ꞌvi̱ꞌ nu̱u̱nꞌ ɨɨn inka táꞌán ráa, jie̱ꞌe̱ꞌ ya̱ níꞌiꞌ ni núvíꞌ rá te̱e vá ya̱ nkachitu̱ꞌún ráa tu̱ꞌun nkene yuꞌú Ndiosíꞌ, chi nchu̱níní ráa iniꞌ rá ñɨvɨ nééꞌ iniꞌ ñɨ̱vɨ́.

1 Pedro 4:3

Chi ya̱ nkuvi sukuáni ya̱ nsa̱ꞌá rán tiempúꞌ ya̱ta̱ꞌ rá tiñu niváꞌa níyo iniꞌ rá ñɨvɨ ntu jíníꞌ ráa iniꞌ Ndiosíꞌ. Ñaꞌnu rán jín rá tiñu kánéꞌí, jín rá tiñu téní sɨ̱ɨ̱ꞌ iniꞌ, jín rá tiñu jíni, rá tiñu viko néꞌí sɨ̱ɨ̱ꞌ iniꞌ, rá viko néꞌí tu̱nkánuun, jee nneñu̱ꞌun rán rá nantíñú ya̱ ntu kúvi ráa Ndiosíꞌ ya̱ kúníichiꞌ Ndiosíꞌ néꞌyá re̱ꞌ maa.

Lucas 3:1

Jee kui̱ya̱ꞌ xáꞌúnꞌ (15) ya̱ nkuvi ya̱ tátúníꞌ Tiberio nu̱u̱nꞌ rá nación ya̱ yɨ́ꞌɨ́ ráa xi̱ntíín ñuunꞌ Roma, jee Poncio Pilato kúvi re̱ꞌ te̱e tátúníꞌ nu̱u̱nꞌ ñuunꞌ Judea, jee Herodes kúvi re̱ꞌ te̱e tátúníꞌ nu̱u̱nꞌ ñuunꞌ Galilea, jee ñaniꞌ re̱ꞌ Felipe kúvi re̱ꞌ te̱e tátúníꞌ nu̱u̱nꞌ ñuunꞌ Iturea jín nu̱u̱nꞌ ñuunꞌ Traconite, jee Lisanias kúvi te̱e tátúníꞌ nu̱u̱nꞌ ñuunꞌ Abilinia.

Génesis 27:41

Jee ntaꞌvi iniꞌ Esaú nne̱ꞌyá re̱ꞌ Jacob jie̱ꞌe̱ꞌ nka̱neeꞌ Jacob ya̱ váꞌa ya̱ nkachiꞌ ya̱chi̱ꞌ tátáꞌ re̱ꞌ nu̱u̱nꞌ Jacob, jee ñani iniꞌ re̱ꞌ: “Va̱kuyatin ki̱vɨ̱ꞌ ya̱ kuviꞌ tátáꞌ ni̱ꞌ jee koo tu̱kuéká iniꞌ ráníꞌ rá ki̱vɨ̱ꞌ vá, jee sáá jia̱ꞌa tiempúꞌ yukuán jee kaꞌniꞌ ni̱ꞌ ñaniꞌ ni̱ꞌ Jacob”, ñani iniꞌ Esaú.

Hechos 25:23

I̱ña̱jée ki̱vɨ̱ꞌ steñu̱ꞌún, nkenta Agripa jín Berenice. Jee nneñu̱ꞌun ráa Agripa jín Berenice. Jee nki̱vɨ ráa iniꞌ palacio, jín rá general, jín rá te̱e kúñáꞌnú nu̱u̱nꞌ ñuunꞌ. Jee nta̱jí Festo ya̱ kɨ̱keꞌen rá soldado Pablo, jee nki̱naka ráa maa.