Marcos 4:3 - Mixteco del suroeste de Tlaxiaco Oaxaca

³ ―¡Teso̱ꞌo rán! Ɨɨn te̱e jiákɨ́nꞌ tataꞌ sáꞌá nkene re̱ꞌ kua̱kakɨnꞌ re̱ꞌ nikɨn tataꞌ.

Marcos 4:3 Referans Kwoze

Santiago 2:5

Ránoꞌó ñaniꞌ ni̱ꞌ jín ku̱ꞌva ni̱ꞌ ya̱ ñúnúunꞌ ni̱ꞌ, teso̱ꞌo yaꞌá: Ndiosíꞌ nka̱ji re̱ꞌ rá ñɨvɨ láꞌví íyó ñɨ̱vɨ́ yaꞌá, sáva kukúká ánímaꞌ ráa kúneí iniꞌ ráa re̱ꞌ, jee sáva ni̱ꞌi̱nꞌ ráa ta̱ꞌvi̱ꞌ ya̱ kɨꞌɨ ráa naꞌá re̱ꞌ nu̱u̱nꞌ tátúníꞌ re̱ꞌ, ya̱ suvivá nchi̱sóyuꞌú re̱ꞌ ya̱ ku̱ꞌva re̱ꞌ nu̱u̱nꞌ rá ñɨvɨ ya̱ ñúnúunꞌ ráa re̱ꞌ.

Mateo 13:26

Jee sáá nta̱ꞌvi̱ꞌ trigúꞌ jee nkene yoko‑o, jee suni sukuán ranika̱ꞌ nta̱ꞌvi̱ꞌ yu̱ku̱ꞌ ne̱ꞌén vá.

Apoclipsis 2:29

’Ñɨvɨ ya̱ íyó so̱ꞌo, jee teso̱ꞌo va̱ꞌa nú rá tu̱ꞌun ya̱ káchíꞌ Ta̱chi̱ꞌ Ííꞌ nu̱u̱nꞌ rá grupo rá ñɨvɨ ya̱ jínúꞌ iniꞌ ráa nuꞌuꞌ.”

Apoclipsis 2:11

’Ñɨvɨ ya̱ íyó so̱ꞌo, jee teso̱ꞌo va̱ꞌa nú rá tu̱ꞌun ya̱ káchíꞌ Ta̱chi̱ꞌ Ííꞌ nu̱u̱nꞌ rá grupo rá ñɨvɨ ya̱ jínúꞌ iniꞌ ráa nuꞌuꞌ. Jee ñɨvɨ ya̱ kuneí‑i si̱kɨ̱ꞌ ya̱ níváꞌa jín nu̱u̱nꞌ kui̱ꞌna̱ꞌ kúñáꞌnú, jee ni nsáꞌ ni̱ꞌi̱nꞌ‑i ka̱ꞌ tu̱nóꞌó xinóꞌo Ndiosíꞌ maa ya̱ nku̱víꞌ tuku‑u ya̱ uvíꞌ íchí nu̱u̱nꞌ Ndiosíꞌ.”

Apoclipsis 2:7

’Ñɨvɨ ya̱ íyó so̱ꞌo, jee teso̱ꞌo va̱ꞌa nú rá tu̱ꞌun ya̱ káchíꞌ Ta̱chi̱ꞌ Ííꞌ nu̱u̱nꞌ rá grupo rá ñɨvɨ ya̱ jínúꞌ iniꞌ ráa nuꞌuꞌ. Jee ñɨvɨ ya̱ kuneí‑i si̱kɨ̱ꞌ ya̱ níváꞌa jín nu̱u̱nꞌ kui̱ꞌna̱ꞌ kúñáꞌnú, saájee ku̱ꞌva ni̱ꞌ ya̱ kajiꞌ ñɨvɨ vá rá vixíꞌ ya̱ kúun nu̱u̱nꞌ maá yutun ya̱ sáꞌá ya̱ kutekuꞌ ñɨvɨ nɨ́ɨ́nkání jín ni̱ꞌ. Jee yutun vá íñɨ́‑ɨ ne̱ nu̱u̱nꞌ viiꞌ víꞌí íyó nu̱u̱nꞌ nééꞌ Ndiosíꞌ.”

Hechos 2:14

Nna̱kuiñɨꞌ Pedro jín rá ni ujíꞌ ɨɨn (11) ka̱ꞌ te̱e, jee nkaꞌanꞌ ni̱ꞌin re̱ꞌ, jee nkachiꞌ re̱ꞌ nu̱u̱nꞌ ráa: ―¡Ránoꞌó se̱ꞌya ñuunꞌ Israel! ¡Jín ntáká ránoꞌó nééꞌ ñuunꞌ Jerusalén! ¡Chuꞌun xi̱ni̱ꞌ rán yaꞌá! ¡Jee teso̱ꞌo va̱ꞌa rán tu̱ꞌun ni̱ꞌ!

Marcos 4:23

’¡Retú néni ɨɨn ñɨvɨ íyó so̱ꞌo sáva teso̱ꞌo, jee teso̱ꞌo va̱ꞌa‑a!

Marcos 4:14

Te̱e xínáváꞌ nikɨn kúvi kuéntáꞌ ɨɨn te̱e stékútu̱ꞌún tu̱ꞌun váꞌa Ndiosíꞌ.

Marcos 4:9

Jee nkachiꞌ Jesús: ―Ñɨvɨ ya̱ íyó rá so̱ꞌo sáva teso̱ꞌo, jee teso̱ꞌo va̱ꞌa.

Mateo 13:24

Jee tukuni nkachiꞌ Jesús inka ka̱ꞌ tu̱ꞌun kúnkunuún káꞌánꞌ‑a, jee nkachiꞌ re̱ꞌ nu̱u̱nꞌ rá ñɨvɨ: ―Tiñu na̱sa sátíñú Ndiosíꞌ nééꞌ antivɨ́ iniꞌ rá ñɨvɨ ya̱ ki̱vɨ xi̱ntíín re̱ꞌ, kúvi‑i kuéntáꞌ nkuvi jín ɨɨn te̱e ya̱ nxi̱náváꞌ re̱ꞌ nikɨn váꞌa nu̱u̱nꞌ ñu̱ꞌún re̱ꞌ.

Mateo 13:3

Jee nkachiꞌ re̱ꞌ kue̱ꞌe̱ꞌ tu̱ꞌun jín tu̱ꞌun kúnkunuún káꞌánꞌ, jee nkachiꞌ re̱ꞌ: ―¡Teso̱ꞌo rán! Ɨɨn te̱e jiákɨ́nꞌ tataꞌ sáꞌá nkene re̱ꞌ kua̱kakɨnꞌ re̱ꞌ nikɨn tataꞌ.

Marcos 4:2

I̱ña̱jée nxi̱néꞌénꞌ víꞌí re̱ꞌ Tu̱ꞌun Ndiosíꞌ nu̱u̱nꞌ ráa jín rá tu̱ꞌun ya̱ kúnkunuún káꞌánꞌ. Sáá xínéꞌénꞌ re̱ꞌ, jee nkachiꞌ re̱ꞌ:

Marcos 4:4

Jee sáá xínáváꞌ‑a nikɨn tataꞌ nu̱u̱nꞌ ñu̱ꞌún, jee sava rá nikɨn tataꞌ ñe̱te̱ꞌ yuíchí. Jee nkenta rá saaꞌ jee nyajiꞌ rátíꞌ maa.