Marcos 4:15 - Mixteco del suroeste de Tlaxiaco Oaxaca

¹⁵ Jee sava ñɨvɨ kúvi ráa kuéntáꞌ íyó ñuꞌun káá iniꞌ ichi vá nu̱u̱nꞌ xínáváꞌ re̱ꞌ nikɨn. Jee sáá tésóꞌo ráa tu̱ꞌun vá, jee ntañúꞌún kuitɨꞌ va̱ji i̱toꞌoꞌ ta̱chi̱ꞌ néꞌí, naní Satanás, jee ixtá‑a tu̱ꞌun ya̱ njia̱ꞌa te̱e vá nu̱u̱nꞌ ráa.

Marcos 4:15 Referans Kwoze

1 Pedro 5:8

Jee kuꞌun ñáꞌnú iniꞌ rán nito koo rán, chi kui̱ꞌna̱ꞌ kúñáꞌnú ya̱ túfíꞌ ta̱ꞌán re̱ꞌ jín ránoꞌó, jíkanuun re̱ꞌ kuéntáꞌ ɨɨn nikaꞌa ya̱ ne̱ nɨ́ꞌɨn sáxéenꞌ ti̱ꞌ núkú ti̱ꞌ kajiꞌ ti̱ꞌ chi núkú re̱ꞌ ɨɨn ñɨvɨ sáva xináánꞌ re̱ꞌ maa.

Mateo 13:19

Ntáká ñɨvɨ ya̱ tésóꞌo tu̱ꞌun jie̱ꞌe̱ꞌ na̱sa kívɨ ñɨvɨ xi̱ntíín Ndiosíꞌ tátúníꞌ re̱ꞌ nu̱u̱nꞌ ráa, jee ntu̱ví jiáku̱ꞌun iniꞌ ráa tu̱ꞌun vá, jee kénta kui̱ꞌna̱ꞌ kákini jee sííyo re̱ꞌ tu̱ꞌun váꞌa vá ya̱ níꞌinꞌ ñɨvɨ vá ñúꞌún iniꞌ ánímaꞌ‑a. Suvi‑i kúvi kuéntáꞌ nikɨn ya̱ ña̱kava yuíchí sáá nxi̱náváꞌ te̱e vá maa.

2 Corintios 2:11

sáva nkúneí kui̱ꞌna̱ꞌ maá ñáꞌnú naní Satanás kosoꞌ‑o nu̱u̱nꞌ‑ó, chi jíníꞌ‑ó rá máñáꞌ re̱ꞌ.

Lucas 8:12

Rá nikɨn ñákava yuíchí kúvi rá ñɨvɨ ya̱ tésóꞌo ráa Tu̱ꞌun Ndiosíꞌ, soo kenta máá maá kui̱ꞌna̱ꞌ jee síyo‑o tu̱ꞌun vá ánímaꞌ ráa, sáva nsáꞌ i̱nu̱ꞌ iniꞌ ráa tu̱ꞌun vá jee sáva nsáꞌ nene ráa nu̱u̱nꞌ kua̱chi ráa nsáꞌ nanitáꞌvíꞌ ráa.

Marcos 4:4

Jee sáá xínáváꞌ‑a nikɨn tataꞌ nu̱u̱nꞌ ñu̱ꞌún, jee sava rá nikɨn tataꞌ ñe̱te̱ꞌ yuíchí. Jee nkenta rá saaꞌ jee nyajiꞌ rátíꞌ maa.

Hechos 5:3

Soo nkachiꞌ Pedro nu̱u̱nꞌ‑u: ―Ananías, ¿na̱ jie̱ꞌe̱ꞌ chi nku̱neí Satanás ntɨɨn‑ɨ ánímaꞌ nú, sáva katúꞌún nú nu̱u̱nꞌ Ta̱chi̱ꞌ Ííꞌ Ndiosíꞌ, jee nkino̱o nú jín sava xu̱ꞌún ya̱ꞌvi ñuꞌun nú ya̱ nxi̱kó nú?

Apoclipsis 20:10

Jee kui̱ꞌna̱ꞌ kúñáꞌnú ya̱ nxi̱náꞌví‑i ráa, jee nsi̱kéne Ndiosíꞌ maa nchuꞌun re̱ꞌ maa nu̱u̱nꞌ ñúꞌún xéénꞌ kuéntáꞌ nteñúꞌún nu̱u̱nꞌ káyúꞌ núꞌvéꞌ ñuꞌunꞌ jín sufríꞌ, nu̱u̱nꞌ ya̱ yɨ́ꞌɨ́ kitɨ xéénꞌ kákini vá jín inka ka̱ꞌ kitɨ xéénꞌ kákini ya̱ kúvi te̱e ya̱ káchítu̱ꞌún tu̱ꞌun túꞌún kéne yuꞌú kitɨ xe̱e̱nꞌ xíꞌnañúꞌún. Jee nu̱u̱nꞌ ñúꞌúnꞌ yukuán kuꞌun ráa kunoꞌo ráa nɨ́ɨ́nkání.

Apoclipsis 20:7

Saájee sáá jínu ya̱ ɨɨn mil (1000) kui̱ya̱ꞌ vá, saájee nakani núne najiáꞌáꞌ ííꞌ vá Satanás nu̱u̱nꞌ nyɨ̱niꞌyuꞌ‑u.

Hebreos 2:1

Jee saáva, íyó kunenu̱u̱nꞌ‑ó saꞌ víꞌí káꞌ tu̱ꞌun Se̱ꞌya re̱ꞌ ya̱ nteso̱ꞌo‑ó, sáva ntu nusɨ́ɨ́n‑ó nu̱u̱nꞌ tu̱ꞌun vá.

2 Tesalonicenses 2:9

Jee te̱e vá kiji re̱ꞌ saꞌá Satanás. Jee kuniso te̱e vá kua̱íyó fuersáꞌ Satanás ya̱ saꞌá re̱ꞌ rá milagrúꞌ, jín seña, jín tiñu a̱nasɨ́ ya̱ ti̱vɨ́ xíniꞌ rá ñɨvɨ kune̱ꞌyá ráa maa, jee xináꞌví‑i ráa.

Mateo 22:5

’Jee sáá nkachiꞌ rá musúꞌ vá sukuán nu̱u̱nꞌ rá ñɨvɨ ya̱ nkana re̱ꞌ, soo ntu ntɨ́ɨn kuéntáꞌ ráa maa, jee kua̱ꞌa̱nꞌ ráa, ɨɨn ráa nkene‑e kua̱ꞌa̱nꞌ‑a nu̱u̱nꞌ káá tataꞌ sáꞌá‑a, jee inka ka̱ꞌ nkene‑e kua̱ꞌa̱nꞌ‑a nu̱u̱nꞌ xíkó‑o.

Apoclipsis 12:9

Sukuán nkuvi jee ntavaꞌ rá najiáꞌáꞌ ííꞌ vá ko̱o̱ꞌ mánasɨ́ yukuán antivɨ́ súkún. Jee ko̱o̱ꞌ mánasɨ́ vá kúvi ko̱o̱ꞌ ya̱ íyó ne̱ yanaꞌán víꞌí. Jee maátíꞌ ví ya̱ naní ti̱ꞌ kui̱ꞌna̱ꞌ kúñáꞌnú jín suni naní ti̱ꞌ Satanás. Jee maáa vá xínáꞌví‑i rá ñɨvɨ kua̱íyó ñɨ̱vɨ́. Jee ntavaꞌ ráa maa ne̱ jín rá najiáꞌáꞌ‑a antivɨ́ súkún, jee nsi̱kéne ráa maa jín ne̱ rá najiáꞌáꞌ‑a nu̱u̱nꞌ ñu̱ꞌún iniꞌ ñɨ̱vɨ́ yaꞌá.

Mateo 4:10

Saájee nkachiꞌ Jesús nu̱u̱nꞌ‑u: ―Kuiyo nu̱u̱nꞌ ni̱ꞌ, Satanás, chi káchíꞌ tu̱ꞌun níso nu̱u̱nꞌ Tutuꞌ Ííꞌ ya̱: “Íyó kuneñu̱ꞌun nú I̱toꞌoꞌ nú ya̱ kúvi Ndiosíꞌ nú, jee nu̱u̱nꞌ métúꞌún maáréꞌ ni íyó kɨtíñú nú” ―nkachiꞌ Jesús.

Génesis 19:14

Saájee nkene re̱ꞌ kua̱kaꞌanꞌ re̱ꞌ jín rá te̱e ya̱ kuvi rá se̱ꞌya ka̱sá re̱ꞌ ya̱ káá náꞌviꞌ ráa jín rá se̱ꞌya sɨ́ꞌɨ́ re̱ꞌ jee nkachiꞌ re̱ꞌ: ―¡Nako̱o rán jee kene rán kuáꞌán rán yaꞌá, chi sa̱néꞌ íyó xináánꞌ I̱toꞌoꞌ ñuunꞌ yaꞌá! ―nkachiꞌ Lot. Soo nkaꞌvi iniꞌ rá se̱ꞌya ka̱sá re̱ꞌ ya̱ kási̱kɨ́ re̱ꞌ.

Hebreos 12:16

Jín suni sáva ni nkóo ni ɨɨn ñɨvɨ nteñu rán ya̱ kúsíkɨ́‑ɨ maáa, ni ñɨvɨ ya̱ kuniichiꞌ‑i ya̱ váꞌa jiáꞌa Ndiosíꞌ, kuéntáꞌ nsa̱ꞌá Esaú. Chi nu̱u̱nꞌ kua̱chi ɨɨn ko̱ꞌo̱ꞌ neyu, nsama re̱ꞌ ta̱ꞌvi̱ꞌ re̱ꞌ ya̱ íyó ni̱ꞌi̱nꞌ re̱ꞌ jie̱ꞌe̱ꞌ nkaku re̱ꞌ xíꞌnañúꞌún jee suꞌva nxi̱kó re̱ꞌ maa.

Hechos 17:32

Sáá nteso̱ꞌo ráa jie̱ꞌe̱ꞌ ya̱ nátekuꞌ i̱i̱ꞌ rá níꞌiꞌ, jee sava ráa nkaꞌanꞌ u̱ꞌvi̱ꞌ. Jee inka ráa ka̱ꞌ nkachiꞌ: ―Teso̱ꞌo tuku ránꞌ nó jie̱ꞌe̱ꞌ yaꞌá.

Marcos 4:14

Te̱e xínáváꞌ nikɨn kúvi kuéntáꞌ ɨɨn te̱e stékútu̱ꞌún tu̱ꞌun váꞌa Ndiosíꞌ.

Marcos 4:16

’Jee suni sukuán sava rá ñɨvɨ ka̱ꞌ kúvi kuéntáꞌ rá íyó nteñu yu̱u̱ꞌ sáá xináváꞌ te̱e vá maa. Sáá tésóꞌo ráa Tu̱ꞌun Ndiosíꞌ, jee kúsɨ́ɨꞌ iniꞌ ráa, jee kuísá tɨ́ɨn ráa maa.