Marcos 15:21 - Mixteco del suroeste de Tlaxiaco Oaxaca

²¹ Jee yukuán kua̱jia̱ꞌa ɨɨn te̱e, jee nte̱tuvi ráa re̱ꞌ kuniso re̱ꞌ kurúsiꞌ Jesús. Naní re̱ꞌ Simón, kúvi re̱ꞌ te̱e ñuunꞌ Cirene, jee kúvi re̱ꞌ tátáꞌ Alejandro jín Rufo. Jee va̱ji re̱ꞌ ɨɨn kuaríáꞌ.

Marcos 15:21 Referans Kwoze

Lucas 23:26

Jee sáá kua̱na̱ka rá soldado Jesús, jee ntɨɨn ráa ɨɨn te̱e naní Simón, ya̱ kúvi re̱ꞌ te̱e ñuunꞌ Cirene, jee va̱ji re̱ꞌ ɨɨn rá kuaríáꞌ, jee nchi̱só ráa kurúsiꞌ Jesús ya̱ta̱ꞌ re̱ꞌ sáva kuniso re̱ꞌ maa, jee kunikɨnꞌ re̱ꞌ ya̱ta̱ꞌ Jesús nsa̱ꞌá ráa.

Mateo 27:32

Jee sáá kua̱kene ráa jín Jesús, jee nke̱táꞌán ráa ɨɨn te̱e naní Simón, kúvi re̱ꞌ te̱e ñuunꞌ naní Cirene, jee nte̱tuvi ráa re̱ꞌ kuniso re̱ꞌ kurúsiꞌ Jesús.

Romanos 16:13

Jee ku̱ꞌva rán xá nu̱u̱nꞌ Rufo tu̱ꞌun jíkátu̱ꞌún ni̱ꞌ jie̱ꞌe̱ꞌ re̱ꞌ, ya̱ jíníꞌ nta̱ká ñɨvɨ ya̱ va̱ꞌa sáꞌá re̱ꞌ tiñu I̱toꞌoꞌ‑ó. Jee suni ku̱ꞌva rán xá nu̱u̱nꞌ nánáꞌ re̱ꞌ tu̱ꞌun jíkátu̱ꞌún ni̱ꞌ jie̱ꞌe̱ꞌ ña, ya̱ nkuvi kuéntáꞌ nánáꞌ ni̱ꞌ ranika̱ꞌ.

Hechos 13:1

I̱ña̱jée nteñu rá ñɨvɨ ñuunꞌ káꞌnú Antioquía ya̱ kúneí iniꞌ ráa Jesús ya̱ kútútú ráa yukuán, ni̱yo rá te̱e nákani ráa tu̱ꞌun kéne yuꞌú Ndiosíꞌ, jee ni̱yo rá te̱e ya̱ xínéꞌénꞌ ráa Tu̱ꞌun Ndiosíꞌ. Nkuvi ráa Bernabé jín Simón ya̱ naní Túún, jín Lucio te̱e ñuunꞌ Cirene, jín Manaén, ya̱ ñaꞌnu jín Herodes, ya̱ nta̱túníꞌ Herodes ñuunꞌ Galilea, jín Saulo.

Hechos 11:20

Soo sava ráa kúvi te̱e Chipre jín ñuunꞌ Cirene, jee sáá nkenta ráa nu̱u̱nꞌ ñuunꞌ Antioquía jee suni nste̱kútu̱ꞌún ráa jie̱ꞌe̱ꞌ I̱toꞌoꞌ‑ó Jesús nu̱u̱nꞌ rá ñɨvɨ ntu kúvi Israel.

Hechos 6:9

Jee nkenta rá te̱e káꞌvi ni ya̱ yɨ́ꞌɨ́ ráa nu̱u̱nꞌ ñujiínꞌ veꞌi sinagoga naní Rá Íñɨ́ Núne, jín rá te̱e káꞌvi ni ñuunꞌ Cirene jín ñuunꞌ Alejandría, jín rá sánitɨ́ɨn Cilicia jín Asia. Jee kántátúꞌun ráa jín Esteban.

Hechos 2:10

Frigia, jín Panfilia, Egipto, jín rá ñuunꞌ tɨ́ɨn Libia káá yatin ñuunꞌ Cirene, jee sava‑ó kúvi rá ñɨvɨ ñuunꞌ Roma, ya̱ nééꞌ yakuꞌ tiempúꞌ yaꞌá. Sava‑ó ví ñɨvɨ Israel jee sava‑ó ví inka ñɨvɨ ntu kúvi Israel, soo ntɨɨn ráa ñujiínꞌ Israel.

Lucas 14:27

Néni ɨɨn ñɨvɨ ya̱ ntu jiéꞌnéꞌ iniꞌ‑i kunikɨnꞌ nuꞌuꞌ chi ntu jiéꞌnéꞌ iniꞌ‑i kunoꞌo‑o súka̱ꞌ ne̱ kuviꞌ‑i jie̱ꞌe̱ꞌ kunikɨnꞌ‑ɨ nuꞌuꞌ, kuéntáꞌ ɨɨn ya̱ níso‑o kurúsiꞌ sáva kuviꞌ‑i nu̱u̱nꞌ vá, jee ntu kúvi kunikɨnꞌ‑ɨ nuꞌuꞌ sukuáꞌa ni̱ꞌ maa.

Marcos 15:20

Sáá nnɨꞌɨ nsa̱ꞌá katá iniꞌ ráa nne̱ꞌyá ráa re̱ꞌ sukuán, jee nsiíyo ráa saꞌma líꞌí nñúꞌun re̱ꞌ, jee nna̱sikúnijin tuku ráa saꞌma re̱ꞌ maáréꞌ. Jee ntavaꞌ ráa re̱ꞌ sáva tekaa ráa re̱ꞌ nu̱u̱nꞌ kurúsiꞌ sáva kuviꞌ re̱ꞌ.

Juan 19:17

Jee níso Jesús kurúsiꞌ re̱ꞌ, jee nkene re̱ꞌ kua̱ꞌa̱nꞌ re̱ꞌ nu̱u̱nꞌ naní Yɨkɨ Xíníꞌ Ni̱yɨ, jee tu̱ꞌun hebreo naní Gólgota.

Mateo 5:41

Jee néni ɨɨn ñɨvɨ tetuvi‑i noꞌó kuniso nú nantíñú‑u kaka nú jín‑i ɨɨn kilómetro, jee kaka jín‑i ne̱ u̱vi̱ꞌ kilómetro.