Marcos 14:16 - Mixteco del suroeste de Tlaxiaco Oaxaca

¹⁶ Jee nkene ni núvíꞌ rá te̱e, ya̱ súkuáꞌa re̱ꞌ ráa, jee nkenta ráa ñuunꞌ káꞌnú. Jee nna̱niꞌinꞌ ráa nɨꞌɨ sánikua̱ꞌ nkachiꞌ re̱ꞌ nu̱u̱nꞌ ráa. Jee yukuán nsa̱ꞌá stákoo ráa ya̱ kuxíní ráa viko Pascua.

Marcos 14:16 Referans Kwoze

Juan 16:4

Jee ya̱ nkachiꞌ ni̱ꞌ rá tu̱ꞌun yaꞌá nu̱u̱nꞌ rán, sáva sáá kenta ki̱vɨ̱ꞌ ya̱ kunoꞌo rán, jee naku̱ꞌun iniꞌ rán rá tu̱ꞌun yaꞌá ya̱ nkachiꞌ ni̱ꞌ maa nu̱u̱nꞌ rán jie̱ꞌe̱ꞌ vá. ’Ntu̱ví nkáchíꞌ ni̱ꞌ rá tu̱ꞌun yaꞌá nu̱u̱nꞌ rán ne̱ tiempúꞌ xíꞌnañúꞌún ya̱ nka̱jiéꞌé ni̱ꞌ nna̱kani ni̱ꞌ rá tu̱ꞌun váꞌa ni̱ꞌ, chi jie̱ꞌe̱ꞌ ni ka̱ꞌ ya̱ nku̱táꞌán ni̱ꞌ jín ránoꞌó.

Lucas 22:13

Jee sáá nkene ráa kua̱ꞌa̱nꞌ ráa ñuunꞌ vá, jee nna̱niꞌinꞌ ráa nɨꞌɨ sánikua̱ꞌ nkachiꞌ re̱ꞌ nu̱u̱nꞌ ráa. Jee yukuán nsa̱ꞌá stákoo ráa ya̱ kuxíní viko Pascua.

Lucas 22:35

Saájee nkachiꞌ Jesús nu̱u̱nꞌ ráa. ―Sáá nta̱jí ni̱ꞌ ránoꞌó ña̱kachitu̱ꞌún rán tu̱ꞌun váꞌa Ndiosíꞌ, jee ni̱ꞌ ntu̱náꞌ ñɨɨn ñúꞌún xu̱ꞌún rán ínaꞌá rán, ni ñunu ñúꞌún nantíñú nú, ni ni̱jia̱nꞌ, jee, ¿á níyo ná nkumaniꞌ nu̱u̱nꞌ rán ya̱ jíniñúꞌún rán rúja? ―nkachiꞌ re̱ꞌ. Jee nkachiꞌ ráa: ―Ntu̱náꞌ nkúmániꞌ.

Marcos 14:15

Jee suvire̱ꞌ xinéꞌénꞌ re̱ꞌ nu̱u̱nꞌ ránó ɨɨn iniꞌ veꞌi káꞌnú yósóꞌ táꞌán, ya̱ nɨꞌɨ ya̱ íyó stákoo. Yukuán saꞌá stákoo rán ya̱ kuxíní‑ó ―nkachiꞌ Jesús nu̱u̱nꞌ ráa.

Marcos 14:17

Sáá kúnéñuꞌun jee nkenta Jesús jín ni uxúꞌ u̱vi̱ꞌ (12) rá te̱e.