Marcos 13:19 - Mixteco del suroeste de Tlaxiaco Oaxaca

¹⁹ Chi rá ki̱vɨ̱ꞌ yukuán koo tu̱nóꞌó máá na̱sɨ xéénꞌ nasɨ́kuitɨꞌ, ya̱ ni ntiáꞌan né kuvi suꞌva ne̱ tiempúꞌ xíꞌnañúꞌún, sáá nsa̱ꞌá Ndiosíꞌ ñɨ̱vɨ́, jín ne̱ vitan. Jee ni nsáꞌ koo‑o ka̱ꞌ suꞌva.

Marcos 13:19 Referans Kwoze

Mateo 24:21

Chi saájee tiempúꞌ yukuán koo tu̱nóꞌó máá na̱sɨ xéénꞌ nasɨ́kuitɨꞌ, ya̱ ni ntiáꞌan kuvi ne̱ tiempúꞌ xíꞌnañúꞌún ña̱ko̱o ñɨ̱vɨ́ yaꞌá ne̱ vitan, jee ni nsáꞌ koo‑o ka̱ꞌ suꞌva.

Marcos 10:6

Soo ne̱ xíꞌnañúꞌún, sáá nsa̱ꞌá Ndiosíꞌ nɨꞌɨ ya̱ íyó, jee, “nsa̱ꞌá re̱ꞌ te̱e jín ñaꞌan”.

Marcos 13:18

’Ka̱ka̱nꞌ táꞌvíꞌ rán nu̱u̱nꞌ Ndiosíꞌ ya̱ nkúvi rá tiñu yaꞌá tiempúꞌ kúvíjin.

Marcos 13:20

Jee retánꞌ ntu̱ví nasaꞌá kuítɨ́ I̱toꞌoꞌ‑ó tiempúꞌ tu̱nóꞌó vá, jee ni ɨɨn ñɨvɨ nkáku nékúvi. Soo jie̱ꞌe̱ꞌ rá ñɨvɨ nkáji Ndiosíꞌ sáva ki̱vɨ ráa xi̱ntíín re̱ꞌ, saáva nasaꞌá kuítɨ́ re̱ꞌ tiempúꞌ vá.

Apoclipsis 7:14

Jee nkachiꞌ ni̱ꞌ nu̱u̱nꞌ‑u: ―Tátáꞌ ni̱ꞌ, noꞌó jíníꞌ ―nkachiꞌ ni̱ꞌ. Jee nkachiꞌ‑i nu̱u̱nꞌ ni̱ꞌ: Rá ñɨvɨ yaꞌá ví rá nku̱neí ráa njia̱ꞌa ráa nu̱u̱nꞌ máá maá tu̱nóꞌó xéénꞌ nnoꞌo ráa. Jee nno̱noo ánímaꞌ ráa jie̱ꞌe̱ꞌ ni̱ꞌi̱ꞌ maáréꞌ ya̱ kúvi re̱ꞌ Lanchi Lúlí vá, kuéntáꞌ nna̱kete ráa saꞌma ráa jee nnu̱kuíjín‑i sáꞌá re̱ꞌ jín ni̱ñɨ̱ꞌ maáréꞌ.