Marcos 12:42 - Mixteco del suroeste de Tlaxiaco Oaxaca

⁴² Jee nkenta ɨɨn ñaꞌan náꞌví láꞌví. Jee nchuꞌun‑u u̱vi̱ꞌ xu̱ꞌún lúlí ka̱a ya̱ ni ntu yɨ́yáꞌvi.

Marcos 12:42 Referans Kwoze

Mateo 5:26

Jee máá naáꞌ vá káchíꞌ ni̱ꞌ nu̱u̱nꞌ nú, ya̱ ni nsáꞌ kene nú yukuán nekuaꞌ nachunáán nú kua̱nɨꞌɨ noo xu̱ꞌún ya̱ íyó chunáán nú.

Marcos 12:41

Jee sáá nééꞌ Jesús ichinúúnꞌ ya̱tu̱nꞌ nu̱u̱nꞌ sókóꞌ kue̱ꞌe̱ꞌ rá ñɨvɨ xu̱ꞌún nu̱u̱nꞌ Ndiosíꞌ. Jee néꞌyá re̱ꞌ na̱sa sókóꞌ ráa xu̱ꞌún. Jee kue̱ꞌe̱ꞌ rá kúká chúꞌun xu̱ꞌún kue̱ꞌe̱ꞌ.

Marcos 12:43

Saájee Jesús nkana ni uxúꞌ u̱vi̱ꞌ (12) rá te̱e súkuáꞌa re̱ꞌ ráa, jee nkachiꞌ re̱ꞌ nu̱u̱nꞌ ráa: ―Máá nááꞌ vá káchíꞌ ni̱ꞌ nu̱u̱nꞌ rán ya̱ ñaꞌan náꞌví láꞌví yaꞌá ví ya̱ nchuꞌun‑u ka̱ꞌ xu̱ꞌún nsú káꞌ nɨꞌɨ rá ñɨvɨ chúꞌun xu̱ꞌún iniꞌ ya̱tu̱nꞌ.

Lucas 12:59

Jee káchíꞌ ni̱ꞌ nu̱u̱nꞌ nú ya̱ ni nsáꞌ kene nú yukuán nekuaꞌ nachunáán nú kua̱nɨꞌɨ noo xu̱ꞌún ya̱ íyó chunáán nú ―nkachiꞌ Jesús.

Lucas 21:2

Jee niniꞌ re̱ꞌ ɨɨn ñaꞌan náꞌví láꞌví xéénꞌ, jee iniꞌ kajúnꞌ vá nchuꞌun ña u̱vi̱ꞌ xu̱ꞌún ka̱a lúlí ya̱ ni ntu yɨ́yáꞌvi.

Mateo 10:42

Jee néni ɨɨn ñɨvɨ ya̱ ku̱ꞌva‑a sú kua̱chi ɨɨn ñejin nute víjin koꞌo ɨɨn rá ñɨvɨ náꞌví yaꞌá, jie̱ꞌe̱ꞌ ya̱ yɨ́tíñú ñɨvɨ náꞌví yaꞌá nu̱u̱nꞌ nuꞌuꞌ, jee máá naáꞌ vá káchíꞌ ni̱ꞌ nu̱u̱nꞌ rán, ya̱ nsáꞌ sukuíta ñɨvɨ sáꞌá suꞌva ta̱ꞌvi̱ꞌ kutaꞌviꞌ‑i nu̱u̱nꞌ Ndiosíꞌ ―nkachiꞌ Jesús.

2 Corintios 8:2

Chi súka̱ꞌ nóꞌo ráa kue̱ꞌe̱ꞌ tu̱nóꞌó, ya̱ stúvi‑i ya̱ íñɨ́ kutú ráa jín Cristo. Soo ntántúníꞌ kúsɨ́ɨꞌ iniꞌ ánímaꞌ ráa ya̱ yɨ́ꞌɨ́ ráa nu̱u̱nꞌ Cristo, jee súnika̱ꞌ níviniꞌ nóꞌo láꞌví ráa, soo ntántúníꞌ ma̱ni̱ꞌ iniꞌ ráa, kuéntáꞌ kúká ráa, ya̱ jiáꞌa ráa nu̱u̱nꞌ ñɨvɨ ya̱ jíniñúꞌún rává.

2 Corintios 8:12

Chi retú ñúkáñá iniꞌ ɨɨn ñɨvɨ saꞌá‑a vá, jee kúváꞌa iniꞌ Ndiosíꞌ néꞌyá re̱ꞌ sáá ku̱ꞌva‑a sánikua̱ꞌ íyó kúmí‑i, jee nsáꞌ sánikua̱ꞌ ntu kúmí‑i.