Marcos 10:43 - Mixteco del suroeste de Tlaxiaco Oaxaca

⁴³ Soo nkúvi sukuán nteñu rán. Chisaꞌ néni ɨɨn ránú ya̱ kuíni‑i kuñáꞌnú‑u ka̱ꞌ nteñu rán, jee íyó kɨtíñú ñɨvɨ vá nu̱u̱nꞌ rán.

Marcos 10:43 Referans Kwoze

Lucas 14:11

Chi ntáká ñɨvɨ ya̱ kutéyɨ́ɨ́‑ɨ sáꞌá ñáꞌnú‑u maáa, jee saꞌ kino̱o kanuun ñɨvɨ vá, ntu ka̱ꞌ kúñáꞌnú‑u, jee ɨɨn ñɨvɨ ya̱ sáꞌá núun‑u maáa ñúláꞌví iniꞌ‑i maáa, jee ni̱ꞌi̱nꞌ‑i ya̱ nuñáꞌnú‑u ―nkachiꞌ Jesús.

Marcos 9:35

Jee ña̱kuneeꞌ re̱ꞌ jee nkana re̱ꞌ rá ni uxúꞌ u̱vi̱ꞌ (12) ráa jee nkachiꞌ re̱ꞌ nu̱u̱nꞌ ráa: ―Ré néni ɨɨn kuíni kuvi ñɨvɨ kúñáꞌnú ka̱ꞌ nu̱u̱nꞌ nɨꞌɨ, íyó kuvi‑i ne̱ nu̱u̱nꞌ nɨ́ꞌɨ ka̱ꞌ jee íyó chineí‑i inka ñɨvɨ kuéntáꞌ kuvi‑i ɨɨn musúꞌ nu̱u̱nꞌ nɨꞌɨ.

Lucas 9:48

Jee nkachiꞌ re̱ꞌ nu̱u̱nꞌ ráa: ―Néni ɨɨn ñɨvɨ ya̱ nu̱u̱nꞌ súví nuꞌuꞌ íyó maniꞌ iniꞌ‑i nakuatáꞌví‑i su̱chí lúlí yaꞌá, jee suni íyó maniꞌ iniꞌ‑i nakuatáꞌví ñɨvɨ vá nuꞌuꞌ ranika̱ꞌ. Jee ñɨvɨ vá ya̱ íyó maniꞌ iniꞌ‑i nákuatáꞌví ráa nuꞌuꞌ, suni íyó maniꞌ iniꞌ‑i nakuatáꞌví ñɨvɨ vá Ndiosíꞌ ranika̱ꞌ, ya̱ nchu̱ichí nuꞌuꞌ va̱ji ni̱ꞌ. Chi ɨɨn ñɨvɨ ya̱ ntu kúñáꞌnú‑u ka̱ꞌ nteñu ntáká rán, suvivá kúñáꞌnú ka̱ꞌ nu̱u̱nꞌ Ndiosíꞌ ―nkachiꞌ Jesús.

Romanos 12:2

Jee koto jiáꞌnu rán ka̱ꞌ sáni jiáꞌnu rá ñɨvɨ ñɨ̱vɨ́ yaꞌá vitan, chisaꞌ sama rán iniꞌ maárán nujiáá sáá jiáni antúníꞌ rán, sáva kenta kukáꞌnú iniꞌ rán ná kúvi ya̱ kuíni Ndiosíꞌ, ya̱ kúvi ya̱ váꞌa, ya̱ kúváꞌa iniꞌ re̱ꞌ néꞌyá re̱ꞌ maa, jín kúvi ya̱ naáꞌ.

Gálatas 5:13

Chi, ránoꞌó ñaniꞌ, nkana Ndiosíꞌ ránoꞌó, sáva koo núne rán jee nkɨ́ꞌɨ rán xi̱ntíín ley vá jín rá costumbre. Soo sú nééꞌ núne rán nu̱u̱nꞌ ley, jee koto jiátíñú rán maa, sáva saꞌá rán ya̱ níyo néꞌén iniꞌ rán jín yɨkɨkúñu kua̱chi. Jee kunu̱u̱nꞌ ɨɨn inka rán táꞌán rán, sáva kuvi rán musúꞌ saɨn nu̱u̱nꞌ ɨɨn inka rán, jee chineí rán ɨɨn inka táꞌán rán.

Juan 18:36

Saájee Jesús nna̱xiníkó‑o: ―Tiñu níso ni̱ꞌ ya̱ tátúníꞌ ni̱ꞌ jee ntu kéne‑e nu̱u̱nꞌ ñɨ̱vɨ́ yaꞌá. Chi retánꞌ nu̱u̱nꞌ ñɨ̱vɨ́ yaꞌá kéne tiñu níso ni̱ꞌ tátúníꞌ ni̱ꞌ, saájee rá ñɨvɨ yɨ́ꞌɨ́ xi̱ntíín ni̱ꞌ kantáꞌán ráa jee nama ráa nuꞌuꞌ sáva nkúꞌva ráa nuꞌuꞌ xi̱ntíín rá te̱e kúñáꞌnú nu̱u̱nꞌ Israel. Soo tiñu níso ni̱ꞌ tátúníꞌ ni̱ꞌ nsáꞌ kéne nu̱u̱nꞌ ñɨ̱vɨ́ yaꞌá ―nkachiꞌ Jesús.

Lucas 18:14

Jee káchíꞌ ni̱ꞌ nu̱u̱nꞌ rán ya̱ te̱e vá nástútú xu̱ꞌún náneeꞌ vetíñú Roma, jee nsa̱ꞌá Ndiosíꞌ ya̱ nkino̱o na̱a̱ꞌ‑a nu̱u̱nꞌ re̱ꞌ sáá nni̱kó‑o veꞌi‑i. Soo inka te̱e vá ntu̱ví. Chi ntáká ñɨvɨ ya̱ kutéyɨ́ɨ́‑ɨ sáꞌá ñáꞌnú‑u maáa, jee saꞌ kino̱o kanuun ñɨvɨ vá. Jee ɨɨn ñɨvɨ ya̱ sáꞌá núun‑u maáa ñúláꞌví iniꞌ‑i maáa, jee ni̱ꞌi̱nꞌ‑i ya̱ nuñáꞌnú‑u.

Marcos 10:42

Jee nkana Jesús ráa jee nkachiꞌ re̱ꞌ nu̱u̱nꞌ ráa: ―Jíníꞌ rán na̱ja sáꞌá rá te̱e yósóꞌ nu̱u̱nꞌ rá inka nación, ya̱ ntu kúvi Israel, chi nɨꞌɨ chíꞌi ráa xi̱ntíín ráa. Jee rá te̱e kúñáꞌnú nu̱u̱nꞌ rá ñɨvɨ tátúníꞌ ni̱ꞌin ráa nu̱u̱nꞌ rává sáá koo.

Marcos 10:44

Jee néni ɨɨn ránú kuíni‑i kuvi‑i ya̱ xíꞌnañúꞌún nteñu ránú kosoꞌ‑o nu̱u̱nꞌ ránú, jee íyó kuvi‑i kuéntáꞌ ɨɨn musúꞌ kéꞌen ñɨvɨ kɨtíñú‑u chineí‑i nu̱u̱nꞌ nɨꞌɨ ránú.

Lucas 22:26

Soo ránoꞌó chi ni nkúvi sukuán jín rán. Chisaꞌ ɨɨn ya̱ kúñáꞌnú ká nteñu rán, jee íyó naxinúun‑u maáa sáva kuvi‑i kuéntáꞌ ɨɨn maá súchí ka̱ꞌ, jee ɨɨn ñɨvɨ ya̱ yósóꞌ nu̱u̱nꞌ rán íyó koo kuéntáꞌ musúꞌ ya̱ yɨ́tíñú‑u nu̱u̱nꞌ inka ñɨvɨ.