Marcos 1:8 - Mixteco del suroeste de Tlaxiaco Oaxaca

⁸ Suvini̱ꞌ nsi̱kuánuté ránoꞌó jín nute, soo maáréꞌ sikuánuté re̱ꞌ ránoꞌó jín Ta̱chi̱ꞌ Ííꞌ Ndiosíꞌ sáva kɨꞌɨ‑ɨ ánímaꞌ rán ―nkachiꞌ Juan.

Marcos 1:8 Referans Kwoze

Hechos 1:5

Chi Juan nsi̱kuánuté nijia re̱ꞌ jín nute, soo ntu kuéꞌeꞌ ka̱ꞌ ki̱vɨ̱ꞌ, ránoꞌó kuanuté jín Ta̱chi̱ꞌ Ííꞌ Ndiosíꞌ, jee kɨꞌɨ re̱ꞌ iniꞌ rán ―nkachiꞌ Jesús.

1 Corintios 12:13

Chi suni nsi̱kuánuté Cristo yó jín métúꞌún ni Ta̱chi̱ꞌ Ííꞌ vá sáva kɨꞌɨ‑ɨ iniꞌ ánímaꞌ‑ó jee nsa̱ꞌá Ta̱chi̱ꞌ Ííꞌ vá ya̱ kɨꞌɨ ntáká‑ó nu̱u̱nꞌ Cristo kuéntáꞌ nki̱vɨ‑ó nu̱u̱nꞌ ɨɨn ni yɨkɨkúñu re̱ꞌ. Ya̱ súka̱ꞌ ñɨvɨ Israel kúvi‑ó, áxí ñɨvɨ ntu kúvi‑ó Israel, áxí súka̱ꞌ ñɨvɨ ya̱ kúvi musúꞌ ya̱ nkeꞌen ñɨvɨ maa, áxí va̱ni ñɨvɨ ya̱ íyó núne ya̱ sátíñú‑u tiñu maá‑a, chi ntáká‑ó chi yɨ́ꞌɨ́‑ó nu̱u̱nꞌ rá ñɨvɨ Ndiosíꞌ, chi ɨɨn ni Ta̱chi̱ꞌ Ííꞌ níꞌínꞌ nɨꞌɨ‑ó.

Hechos 10:45

Jee rá ñɨvɨ Israel kúneí iniꞌ ráa Jesús rá kútáꞌán jín Pedro nti̱vɨ́ xíniꞌ ráa, chi suni nsi̱kútaꞌviꞌ Ndiosíꞌ Ta̱chi̱ꞌ Ííꞌ nu̱u̱nꞌ rá ñɨvɨ ya̱ ntu kúvi Israel.

Hechos 2:4

Jee Ta̱chi̱ꞌ Ííꞌ Ndiosíꞌ nki̱vɨ re̱ꞌ iniꞌ ntáká ráa, jee nchi̱tú re̱ꞌ iniꞌ ráa. Jee nka̱jiéꞌé ráa káꞌánꞌ ráa inka rá tu̱ꞌun ya̱ ntu káꞌánꞌ ráa, sáni njia̱ꞌa Ta̱chi̱ꞌ Ííꞌ Ndiosíꞌ nu̱u̱nꞌ ráa sákachiꞌ ráa.

Hechos 2:17

Yaꞌá vá kuvi rá ki̱vɨ̱ꞌ nu̱u̱nꞌ nɨ́ꞌɨ, káchíꞌ Ndiosíꞌ, jee chisó ni̱ꞌ Ta̱chi̱ꞌ Ííꞌ ni̱ꞌ nu̱u̱nꞌ nta̱ká ñɨvɨ. Rá se̱ꞌya yɨ́ɨ́ rán jín rá se̱ꞌya sɨ́ꞌɨ́ rán, nakani ráa tu̱ꞌun kene yuꞌú ni̱ꞌ. Kájíkuitɨꞌ kuniꞌ rá te̱e súchí rán, ya̱ xinéꞌénꞌ nu̱u̱nꞌ ni̱ꞌ nu̱u̱nꞌ ráa, jee rá tájííꞌ rán kujia̱a̱ní ráa rá ña̱ní ya̱ xinéꞌénꞌ nu̱u̱nꞌ ni̱ꞌ nu̱u̱nꞌ ráa.

Mateo 3:11

’Jee nuꞌuꞌ chi máá naáꞌ nijia ya̱ síkuánuté ni̱ꞌ ránoꞌó jín nute kuíí ni, ya̱ stúvi ya̱ nna̱kani nijia iniꞌ rán nu̱u̱nꞌ Ndiosíꞌ jie̱ꞌe̱ꞌ kua̱chi rán. Soo ya̱ta̱ꞌ ni̱ꞌ kiji ɨɨn ya̱ kúñáꞌnú nasɨ́kuitɨꞌ re̱ꞌ ka̱ꞌ nsú káꞌ nuꞌuꞌ, ya̱ ni ntu̱né íyó ni̱ꞌi̱nꞌ ni̱ꞌ ya̱ kunaꞌá ni̱ꞌ sú kua̱chi ni̱jia̱nꞌ re̱ꞌ. Jee maáréꞌ chi sikuánuté re̱ꞌ sava ránoꞌó jín Ta̱chi̱ꞌ Ííꞌ re̱ꞌ sáva kɨꞌɨ‑ɨ ánímaꞌ ránú ya̱ nákani iniꞌ rán, jee rá inka rán, ya̱ ntu nákani iniꞌ rán, sikuánuté re̱ꞌ jín ñuꞌunꞌ xinóꞌo re̱ꞌ ránoꞌó.

Marcos 1:7

Nste̱kútu̱ꞌún‑u nu̱u̱nꞌ rá ñɨvɨ: ―Ya̱ta̱ꞌ ni̱ꞌ, kiji ɨɨn ya̱ kúñáꞌnú nasɨ́kuitɨꞌ re̱ꞌ ka̱ꞌ nsú káꞌ nuꞌuꞌ, ya̱ ni ntu̱né íyó níꞌin ni̱ꞌ ya̱ kuiñɨ ítɨ́ ni̱ꞌ jee nanají ni̱ꞌ ñɨɨn yɨ́ꞌɨ́ ni̱jia̱nꞌ yɨ́ꞌɨ́ jie̱ꞌe̱ꞌ re̱ꞌ.

Marcos 1:9

Jee rá ki̱vɨ̱ꞌ yukuán, nkene Jesús ñuunꞌ Nazaret, ya̱ tɨ́ɨn Galilea. Jee Juan nsi̱kuánuté maa nu̱u̱nꞌ nute káꞌnú Jordán.

Lucas 3:16

Soo nkaꞌanꞌ Juan jee nkachiꞌ re̱ꞌ nu̱u̱nꞌ ntáká ráa: ―Nuꞌuꞌ chi, máá naáꞌ nijia ya̱ síkuánuté ni̱ꞌ ránoꞌó jín nute kuíí ni, soo íyó kiji ɨɨn ya̱ máá kúñáꞌnú nasɨ́kuitɨꞌ ka̱ꞌ nsú káꞌ nuꞌuꞌ, ya̱ ni ntu̱né íyó ni̱ꞌi̱nꞌ ni̱ꞌ nanají ni̱ꞌ ñɨɨn yɨ́ꞌɨ́ ni̱jia̱nꞌ yɨ́ꞌɨ́ jie̱ꞌe̱ꞌ re̱ꞌ. Jee maáréꞌ chi sikuánuté re̱ꞌ sava ránoꞌó jín Ta̱chi̱ꞌ Ííꞌ re̱ꞌ kɨꞌɨ‑ɨ ánímaꞌ ránú [ya̱ nákani iniꞌ rán], jee rá inka rán [ya̱ ntu nákani iniꞌ rán] sikuánuté re̱ꞌ jín ñuꞌunꞌ xinóꞌo re̱ꞌ ránoꞌó.

Juan 1:26

Jee nna̱xiníkó Juan nu̱u̱nꞌ ráa, jee nkachiꞌ re̱ꞌ: ―Nuꞌuꞌ chi síkuánuté ni̱ꞌ jín nute kuíí ni. Soo íyó inka ka̱ꞌ te̱e nteñu ránoꞌó ya̱ ntu̱ví jíníꞌ rán maa.

Juan 1:33

Jee ni ntu jíníꞌ ni̱ꞌ re̱ꞌ. Soo máá Ndiosíꞌ ya̱ nta̱jí re̱ꞌ nuꞌuꞌ, sáva sikuánuté ni̱ꞌ rá ñɨvɨ jín nute, jee nkachiꞌ re̱ꞌ nu̱u̱nꞌ ni̱ꞌ: “Te̱e ya̱ kuniꞌ nú ya̱ kikuun Ta̱chi̱ꞌ Ííꞌ ni̱ꞌ nu̱u̱nꞌ re̱ꞌ kino̱o‑o jín re̱ꞌ, suvire̱ꞌ vá sikuánuté re̱ꞌ jín Ta̱chi̱ꞌ Ííꞌ ni̱ꞌ kɨꞌɨ‑ɨ ánímaꞌ rán.”