Marcos 1:4 - Mixteco del suroeste de Tlaxiaco Oaxaca

⁴ Nkuvi sáni ya̱ ntee Isaías, chi nkenta Juan nu̱u̱nꞌ ñu̱ꞌún sáɨn jee síkuánuté re̱ꞌ rá ñɨvɨ. Jee stékútu̱ꞌún re̱ꞌ nu̱u̱nꞌ rá ñɨvɨ ya̱ sikuánuté re̱ꞌ ráa ré nakani iniꞌ ráa jie̱ꞌe̱ꞌ kua̱chi ráa jee kunikɨnꞌ ráa Ndiosíꞌ, sáva kunekáꞌnú iniꞌ Ndiosíꞌ jie̱ꞌe̱ꞌ kua̱chi ráa.

Marcos 1:4 Referans Kwoze

Juan 3:23

Jee suni síkuánuté Juan rá ñɨvɨ nu̱u̱nꞌ ñuunꞌ Enón, ya̱ káá yatin ñuunꞌ Salim, chi íyó kue̱ꞌe̱ꞌ víꞌí nute yukuán, jee jiáꞌánꞌ rá ñɨvɨ yukuán jiánuté ráa.

Mateo 3:6

Jee sáá néne yuꞌú ráa kua̱chi ráa nu̱u̱nꞌ Ndiosíꞌ, jee síkuánuté Juan ráa nu̱u̱nꞌ ntekáꞌnú Jordán.

Lucas 1:77

Jee sáva sikúkáꞌnú nú iniꞌ rá ñɨvɨ re̱ꞌ ya̱ sikáku re̱ꞌ ráa jie̱ꞌe̱ꞌ kua̱chi ráa, jie̱ꞌe̱ꞌ ya̱ kunekáꞌnú iniꞌ re̱ꞌ ráa nu̱u̱nꞌ kua̱chi ráa.

Hechos 22:16

Jee ntañúꞌún, ¿ná nétu nú? Nakuiñɨꞌ jee kuanuté. Ka̱ka̱nꞌ táꞌvíꞌ nu̱u̱nꞌ I̱toꞌoꞌ‑ó jee nasánoo re̱ꞌ jie̱ꞌe̱ꞌ kua̱chi nú”, suꞌva nkachiꞌ Ananías ―nkachiꞌ Pablo.

Hechos 10:37

Suvirán jíníꞌ ya̱ nkuvi nɨꞌɨ nu̱u̱nꞌ sánitɨ́ɨn Judea, ya̱ nka̱jiéꞌé stékútu̱ꞌún Jesús Tu̱ꞌun Ndiosíꞌ sánitɨ́ɨn Galilea jín ne̱ Judea, ne̱ sáá ya̱ njia̱ꞌa rá ki̱vɨ̱ꞌ nste̱kútu̱ꞌún Juan, ya̱ rá ñɨvɨ íyó nakani iniꞌ ráa jie̱ꞌe̱ꞌ kua̱chi ráa jee kuanuté ráa.

Mateo 3:11

’Jee nuꞌuꞌ chi máá naáꞌ nijia ya̱ síkuánuté ni̱ꞌ ránoꞌó jín nute kuíí ni, ya̱ stúvi ya̱ nna̱kani nijia iniꞌ rán nu̱u̱nꞌ Ndiosíꞌ jie̱ꞌe̱ꞌ kua̱chi rán. Soo ya̱ta̱ꞌ ni̱ꞌ kiji ɨɨn ya̱ kúñáꞌnú nasɨ́kuitɨꞌ re̱ꞌ ka̱ꞌ nsú káꞌ nuꞌuꞌ, ya̱ ni ntu̱né íyó ni̱ꞌi̱nꞌ ni̱ꞌ ya̱ kunaꞌá ni̱ꞌ sú kua̱chi ni̱jia̱nꞌ re̱ꞌ. Jee maáréꞌ chi sikuánuté re̱ꞌ sava ránoꞌó jín Ta̱chi̱ꞌ Ííꞌ re̱ꞌ sáva kɨꞌɨ‑ɨ ánímaꞌ ránú ya̱ nákani iniꞌ rán, jee rá inka rán, ya̱ ntu nákani iniꞌ rán, sikuánuté re̱ꞌ jín ñuꞌunꞌ xinóꞌo re̱ꞌ ránoꞌó.

Marcos 1:5

Rá ñɨvɨ kuatɨ́ɨn Judea jín nɨꞌɨ ñɨvɨ ñuunꞌ káꞌnú Jerusalén kéne ráa jiáꞌánꞌ ráa teso̱ꞌo ráa tu̱ꞌun xínéꞌénꞌ re̱ꞌ. Jee sáá náꞌmáꞌ ráa kua̱chi ráa nu̱u̱nꞌ Ndiosíꞌ, jee síkuánuté Juan ráa nu̱u̱nꞌ nute káꞌnú Jordán.