Marcos 1:32 - Mixteco del suroeste de Tlaxiaco Oaxaca

³² Sáá nku̱néñuꞌun, ya̱ ntaꞌanꞌ nka̱niiꞌ, jee nkiji rá ñɨvɨ jín nɨꞌɨ rá kúꞌvíꞌ jín rá ñɨvɨ yɨ́ꞌɨ́ ta̱chi̱ꞌ néꞌí nu̱u̱nꞌ Jesús.

Marcos 1:32 Referans Kwoze

Mateo 8:16

Jee sáá nkua̱a̱ꞌ, jee ña̱na̱ka rá ñɨvɨ nu̱u̱nꞌ Jesús, kue̱ꞌe̱ꞌ víꞌí rá ñɨvɨ ya̱ yɨ́ꞌɨ́ ta̱chi̱ꞌ kíni, jee jín tu̱ꞌun káꞌánꞌ ni Jesús, jee ntavaꞌ re̱ꞌ rá ta̱chi̱ꞌ kíni yɨ́ꞌɨ́ rá ñɨvɨ vá, jee suni nxi̱núvi re̱ꞌ ntáká rá ñɨvɨ kúꞌvíꞌ.

Lucas 4:40

Jee sáá ntaꞌanꞌ nka̱niiꞌ, jee ntáká rá ñɨvɨ kúꞌvíꞌ ya̱ nóꞌo ráa sɨ́ɨ́n sɨ́ɨ́n nu̱u̱nꞌ kue̱ꞌi̱ꞌ ña̱siáꞌa rá táꞌánꞌ veꞌi ráa maáráa nu̱u̱nꞌ Jesús, jee ntee re̱ꞌ naꞌá re̱ꞌ ta nu̱u̱nꞌ ɨɨn ɨɨn ráa, jee nxi̱núvi re̱ꞌ ráa.

Marcos 3:2

Nání ráa Jesús sáva kuniꞌ ráa ré xinúvi re̱ꞌ ñɨvɨ ki̱vɨ̱ꞌ nájiáví, sáva ni̱ꞌi̱nꞌ ráa ya̱ kuvi xi̱kóñáꞌán ráa re̱ꞌ.

Mateo 4:24

Jee ñe̱te̱nuun tu̱ꞌun jie̱ꞌe̱ꞌ Jesús nu̱u̱nꞌ ntáká rá ñuunꞌ sánitɨ́ɨn ñuunꞌ Siria. Jee nki̱naka rá ñɨvɨ nu̱u̱nꞌ Jesús ntáká rá ñɨvɨ kúꞌvíꞌ ya̱ nóꞌo sɨ́ɨ́n sɨ́ɨ́n kéꞌín nu̱u̱nꞌ kue̱ꞌi̱ꞌ, jín rá yájíꞌ yatúꞌ, jín rá yɨ́ꞌɨ́ ta̱chi̱ꞌ kíni, jín rá jíꞌíyɨ̱ꞌɨ́ jín rá ñɨvɨ ya̱ ntu kúvi kantaꞌ ñunéꞌyúꞌ jee nxi̱núvi Jesús ráa.

Marcos 1:21

Jee nki̱vɨ ráa jín re̱ꞌ ñuunꞌ Capernaum. Jee sátuꞌ ya̱ kúvi ki̱vɨ̱ꞌ nájiáví rá ñɨvɨ Israel, nki̱vɨ ráa veꞌi sinagoga nu̱u̱nꞌ kútútú rá ñɨvɨ Israel jee nxi̱néꞌénꞌ re̱ꞌ Tu̱ꞌun Ndiosíꞌ.

Mateo 8:17

Nkuvi suꞌva sáva nkuna̱a̱ꞌ rá Tu̱ꞌun Ndiosíꞌ njia̱ꞌa re̱ꞌ sákachiꞌ Isaías te̱e nnákani tu̱ꞌun nkene yuꞌú máá maá Ndiosíꞌ ne̱ yanaꞌán, sáá nkachiꞌ‑i: Maáréꞌ nsiíyo rá tu̱nóꞌó nóꞌo‑ó ya̱ táyáꞌ ñunéꞌyúꞌ‑ó, jee nxi̱tá re̱ꞌ rá kue̱ꞌi̱ꞌ nóꞌo‑ó kua̱ꞌa̱nꞌ‑a.

Marcos 1:31

I̱ña̱jée Jesús nku̱yatin re̱ꞌ nu̱u̱nꞌ ña, jee ntɨɨn re̱ꞌ naꞌá ña, jee nxi̱nákóo re̱ꞌ ña. Jee nkene ki̱ji ña, jee nchi̱só ña ya̱ kajiꞌ ráa nu̱u̱nꞌ ráa.

Lucas 4:41

Jee suni ne̱ kue̱ꞌe̱ꞌ rá ñɨvɨ nkene kui̱ꞌna̱ꞌ iniꞌ ráa, jee kua̱neí rá ta̱chi̱ꞌ vá kánajíín ráa, jee nkachiꞌ ráa: ―¡Noꞌó kúvi nú Se̱ꞌya Ndiosíꞌ! Soo núxeenꞌ Jesús nu̱u̱nꞌ ráa jee ni ntu njiáꞌa re̱ꞌ kaꞌanꞌ ráa chi jíníꞌ ráa ya̱ maáréꞌ ví Cristo, [ya̱ ñani Ndiosíꞌ re̱ꞌ tatúníꞌ re̱ꞌ nu̱u̱nꞌ ñɨ̱vɨ́].