Marcos 1:15 - Mixteco del suroeste de Tlaxiaco Oaxaca

¹⁵ jee nkachiꞌ re̱ꞌ: ―Ya nkenta ki̱vɨ̱ꞌ ñani Ndiosíꞌ, ya̱ va̱kuyatin ya̱ tátúníꞌ Ndiosíꞌ nu̱u̱nꞌ ñɨvɨ. Nakani iniꞌ rán jee i̱nu̱ꞌ iniꞌ rán tu̱ꞌun váꞌa Ndiosíꞌ, naní evangelio.

Marcos 1:15 Referans Kwoze

Mateo 3:2

jee nkachiꞌ re̱ꞌ: ―Nakani iniꞌ rán xinóo rán kua̱chi rán, chi ya nkikuyatin nu̱u̱nꞌ rán ya̱ kuvi ki̱vɨ rán naꞌá Ndiosíꞌ ya̱ nééꞌ re̱ꞌ antivɨ́ súkún sáva tatúníꞌ re̱ꞌ nu̱u̱nꞌ rán ―nkachiꞌ Juan.

Mateo 4:17

Jee ne̱ tiempúꞌ yukuán nka̱jiéꞌé Jesús stékútu̱ꞌún re̱ꞌ jee nkachiꞌ re̱ꞌ: ―Nakani iniꞌ rán xinóo rán kua̱chi rán, chi ya nkikuyatin nu̱u̱nꞌ rán ya̱ kuvi ki̱vɨ rán naꞌá Ndiosíꞌ ya̱ nééꞌ re̱ꞌ antivɨ́ súkún sáva tatúníꞌ re̱ꞌ nu̱u̱nꞌ rán ―nkachiꞌ Jesús.

Efesios 1:10

Chi sikúnkuvi re̱ꞌ maa sáá kenta máá tiempúꞌ ya̱ nkáji re̱ꞌ, ya̱ nachiꞌi re̱ꞌ ntáká nantíñú xi̱ntíín Cristo, rá íyó antivɨ́ jín rá íyó iniꞌ ñɨ̱vɨ́ yaꞌá.

Hechos 20:21

Nkachitu̱ꞌún ni̱ꞌ nu̱u̱nꞌ rá ñɨvɨ Israel jín suni nu̱u̱nꞌ rá ntu kúvi ñɨvɨ Israel. Nna̱stúvi ni̱ꞌ ya̱ naáꞌ ya̱ íyó nakani iniꞌ ráa jie̱ꞌe̱ꞌ kua̱chi ráa, jee kunikɨnꞌ ráa Ndiosíꞌ, jee kuneí iniꞌ ráa I̱toꞌoꞌ‑ó Jesús.

Gálatas 4:4

Soo sáá nkenta tiempúꞌ ñani Ndiosíꞌ, jee nchu̱ichí re̱ꞌ Se̱ꞌya re̱ꞌ. Jee nkaku‑u chi̱ji ɨɨn ñaꞌan. Jee ne̱ nkaku‑u nyɨ̱ꞌɨ‑ɨ chi̱ji xi̱ntíín tu̱ꞌun ley njia̱ꞌa Ndiosíꞌ nu̱u̱nꞌ Moisés.

Lucas 10:9

Jee xinúvi rán rá ñɨvɨ kúꞌvíꞌ íyó yukuán, jee kachiꞌ rán nu̱u̱nꞌ ráa ya̱: “Nku̱yatin nu̱u̱nꞌ rán ya̱ kuvi ki̱vɨ rán naꞌá Ndiosíꞌ nu̱u̱nꞌ tatúníꞌ re̱ꞌ nu̱u̱nꞌ ránoꞌó”, kachiꞌ rán.

Mateo 10:7

’Kuáꞌán rán, jee stekútu̱ꞌún rán nu̱u̱nꞌ rá ñɨvɨ ya̱ ya nku̱yatin nu̱u̱nꞌ ráa ya̱ kuvi ki̱vɨ ráa naꞌá Ndiosíꞌ ya̱ nééꞌ re̱ꞌ antivɨ́ súkún re̱ꞌ sáva tatúníꞌ re̱ꞌ nu̱u̱nꞌ ráa.

Lucas 24:47

Jee te̱ku̱tu̱ꞌún tu̱ꞌun ni̱ꞌ ya̱ nu̱u̱nꞌ nuꞌuꞌ váji ya̱ nakani iniꞌ ñɨvɨ jie̱ꞌe̱ꞌ kua̱chi ráa sáva kunekáꞌnú iniꞌ Ndiosíꞌ ráa jie̱ꞌe̱ꞌ kua̱chi ráa. Te̱ku̱tu̱ꞌún tu̱ꞌun ni̱ꞌ nu̱u̱nꞌ rá ñɨvɨ ntáká rá ñuunꞌ kua̱íyó ñɨ̱vɨ́ jee kajiéꞌé‑e ne̱ ñuunꞌ Jerusalén.

Lucas 10:11

“Ne̱ tíka̱cha̱a̱ꞌ ñuunꞌ rán yaꞌá, ya̱ ntɨ́ɨn jie̱ꞌe̱ꞌ ráníꞌ, jee kísɨ ránꞌ maa sáva nastúvi ránꞌ ya̱ íyó si̱kɨ̱ꞌ ránú.” Soo íyó kukáꞌnú iniꞌ ránú yaꞌá, ya̱ ya nku̱yatin ya̱ kuvi ki̱vɨ ñɨvɨ xi̱ntíín Ndiosíꞌ nu̱u̱nꞌ tátúníꞌ re̱ꞌ nu̱u̱nꞌ ráa.

Romanos 16:26

Soo vitan jee ntu̱vi nijinꞌ tu̱ꞌun yaꞌá, chi rá te̱e nna̱kani tu̱ꞌun nkene yuꞌú re̱ꞌ jee nsa̱ꞌá re̱ꞌ ya̱ tee ráa tu̱ꞌun vá nu̱u̱nꞌ Tutuꞌ Ííꞌ sánikua̱ꞌ nta̱túníꞌ re̱ꞌ. Ndiosíꞌ ví ya̱ tékúꞌ re̱ꞌ nɨ́ɨ́nkání. Saáva nsa̱ꞌá re̱ꞌ sukuán sáva kuvi kukáꞌnú iniꞌ rá ñɨvɨ ntáká nación sáva i̱nu̱ꞌ iniꞌ ráa kaníjiá ráa tɨɨn ráa tu̱ꞌun re̱ꞌ.

1 Timoteo 2:6

Jee suvire̱ꞌ nso̱ko̱ꞌ maáréꞌ jee ni̱ꞌi̱ꞌ re̱ꞌ, sáva nchu̱náán nkáꞌnú re̱ꞌ nu̱u̱nꞌ Ndiosíꞌ jie̱ꞌe̱ꞌ kua̱chi nɨꞌɨ ñɨvɨ. Suꞌva nstúvi Ndiosíꞌ tiempúꞌ nka̱ji re̱ꞌ, ya̱ kuíni re̱ꞌ saꞌá re̱ꞌ ya̱ nanitáꞌvíꞌ nɨꞌɨ ñɨvɨ.

Tito 1:3

Jee vitan re nkenta tiempúꞌ ñani re̱ꞌ, ya̱ stúvi re̱ꞌ tu̱ꞌun re̱ꞌ, jín ya̱ káchítu̱ꞌún ni̱ꞌ maa. Chi nte̱tíñú re̱ꞌ nuꞌuꞌ saꞌá ni̱ꞌ maa, sáni nta̱túníꞌ re̱ꞌ. Jee suvire̱ꞌ ví ya̱ sáꞌá re̱ꞌ ya̱ nanitáꞌvíꞌ‑ó.