Lucas 9:26 - Mixteco del suroeste de Tlaxiaco Oaxaca

²⁶ Chi néni ɨɨn ñɨvɨ ya̱ kúkanuun‑u jie̱ꞌe̱ꞌ nuꞌuꞌ jín jie̱ꞌe̱ꞌ tu̱ꞌun ni̱ꞌ, jee suni maáníꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee kukanuun ni̱ꞌ jie̱ꞌe̱ꞌ ñɨvɨ vá, sáá niji ni̱ꞌ va̱ne̱ꞌ tu̱u̱nꞌ nasɨ́kuitɨꞌ ya̱ maa viiꞌ kúñáꞌnú ni̱ꞌ jín Tátáꞌ ni̱ꞌ Ndiosíꞌ, jín rá najiáꞌáꞌ ííꞌ re̱ꞌ.

Lucas 9:26 Referans Kwoze

2 Timoteo 2:12

Jee retú kuni̱ꞌin‑ó kuiñɨ‑ó jín re̱ꞌ sú nóꞌo‑ó jee suni tatúníꞌ‑ó jín re̱ꞌ. Soo retú kúíchi iniꞌ‑ó re̱ꞌ ya̱ nsú I̱toꞌoꞌ‑ó ví re̱ꞌ, jee suni kuichi iniꞌ re̱ꞌ kune̱ꞌyá re̱ꞌ yó ya̱ nsú ñɨvɨ re̱ꞌ kúvi‑ó.

Romanos 1:16

Chi ntu̱ví kúkanuun ni̱ꞌ jie̱ꞌe̱ꞌ tu̱ꞌun váꞌa Jesús, chi kúvi tu̱ꞌun vá fuersáꞌ ííꞌ Ndiosíꞌ sáva nátavaꞌ re̱ꞌ ntáká ñɨvɨ ya̱ kúneí iniꞌ ráa tu̱ꞌun vá nu̱u̱nꞌ kua̱chi ráa xinánitáꞌvíꞌ re̱ꞌ ráa, xíꞌnañúꞌún rá ñɨvɨ Israel jee suni rá ñɨvɨ ntu kúvi Israel.

Marcos 8:38

Chi néni ɨɨn ya̱ kúkanuun‑u jie̱ꞌe̱ꞌ nuꞌuꞌ jín jie̱ꞌe̱ꞌ tu̱ꞌun ni̱ꞌ nu̱u̱nꞌ rá ñɨvɨ kua̱chi yaꞌá, ya̱ na̱ni jie̱ꞌe̱ꞌ xínóo ráa Ndiosíꞌ, jee suni maáníꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee kukanuun ni̱ꞌ jie̱ꞌe̱ꞌ ñɨvɨ vá, sáá niji ni̱ꞌ va̱ne̱ꞌ tu̱u̱nꞌ nasɨ́kuitɨꞌ ya̱ viiꞌ kúñáꞌnú ni̱ꞌ jín Tátáꞌ ni̱ꞌ Ndiosíꞌ, jín rá najiáꞌáꞌ ííꞌ re̱ꞌ ―nkachiꞌ Jesús.

Apoclipsis 21:8

Soo rá ñɨvɨ ya̱ sɨ́ꞌɨ́ iniꞌ ráa xinóꞌo ñɨvɨ ráa jie̱ꞌe̱ꞌ tu̱ꞌun ni̱ꞌ, jín rá ñɨvɨ ya̱ ntu ínúꞌ iniꞌ ráa nuꞌuꞌ, jín rá ñɨvɨ ya̱ máá tiñu néꞌí sáꞌá ráa, jín rá ñɨvɨ ya̱ sáꞌá ráa ni̱yɨ, jín rá ñɨvɨ ya̱ kusi̱kɨ́ iniꞌ ráa sáꞌá téní ráa, jín rá ñɨvɨ sáꞌá tásɨ́, jín rá ñɨvɨ ya̱ néñu̱ꞌun ráa na̱ni nantíñú ya̱ ntu kúvi Ndiosíꞌ, jín ntáká rá ñɨvɨ túꞌún, jee kua̱íyó ráa vá íyó ni̱ꞌi̱nꞌ ráa kɨ̱ꞌɨ̱nꞌ ráa nu̱u̱nꞌ ñúꞌúnꞌ xéénꞌ iniꞌ nteñúꞌún nu̱u̱nꞌ káyúꞌ núꞌvéꞌ ñuꞌunꞌ jín sufríꞌ. Jee yukuán ví ya̱ kuviꞌ ráa ya̱ uvíꞌ íchí.

Mateo 16:27

Chi nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee kiji tuku ni̱ꞌ iniꞌ ñɨ̱vɨ́ yaꞌá, jee viiꞌ víꞌí kuñáꞌnú ni̱ꞌ jín tiñu níso ni̱ꞌ kuéntáꞌ kua̱ꞌ kúñáꞌnú maá Tátáꞌ ni̱ꞌ Ndiosíꞌ, jee kiji ni̱ꞌ jín rá najiáꞌáꞌ ííꞌ ni̱ꞌ. Saájee nachunáán ni̱ꞌ nu̱u̱nꞌ ta ɨɨn rá ñɨvɨ sánikua̱ꞌ na̱ja íyó tiñu nsa̱ꞌá ráa.

Mateo 25:31

’Chi sáá niji tuku ni̱ꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee viiꞌ víꞌí kuñáꞌnú ni̱ꞌ, jee nɨꞌɨ rá najiáꞌáꞌ ííꞌ kutáꞌán ráa jín ni̱ꞌ, saájee ki̱kuneeꞌ ni̱ꞌ teyuꞌ nu̱u̱nꞌ tatúníꞌ ni̱ꞌ nu̱u̱nꞌ viiꞌ ñáꞌnú nasɨ́kuitɨꞌ.

Juan 12:43

Nsa̱ꞌá rá te̱e kúñáꞌnú sukuán, chi táꞌánꞌ ka̱ꞌ iniꞌ ráa ya̱ sáꞌá rá ñɨvɨ ya̱ kúñáꞌnú ráa, nsú ya̱ saꞌá Ndiosíꞌ ya̱ kúñáꞌnú ráa.

Apoclipsis 20:11

Jee niniꞌ ni̱ꞌ ɨɨn teyuꞌ kuíjín kúñáꞌnú nu̱u̱nꞌ kuna̱a̱ꞌ tiñu. Jee yukuán nééꞌ Ndiosíꞌ ya̱ tátúníꞌ re̱ꞌ tiñu. Jee nkuiyo ñɨ̱vɨ́ jín súkún nu̱u̱nꞌ re̱ꞌ. Chi ntu̱ví ka̱ꞌ né núꞌ koo ráa nu̱u̱nꞌ re̱ꞌ.

Judas 1:14

Jee suni nkachiꞌ ya̱chi̱ꞌ Enoc tu̱ꞌun nkene yuꞌú maá Ndiosíꞌ ya̱ nkaꞌanꞌ‑a jie̱ꞌe̱ꞌ rá te̱e túꞌún yaꞌá. Jee ne̱ nu̱u̱nꞌ Adán nkene se̱ꞌya re̱ꞌ jee ni̱yo se̱ꞌya se̱ꞌya re̱ꞌ jee suꞌva níkɨ́nꞌ va̱ji ichinúúnꞌ nkenta u̱xa̱ꞌ táꞌ ráa ne̱ sáá nkaku Enoc. Jee nkachiꞌ Enoc: “Kune̱ꞌyá, kiji I̱toꞌoꞌ jín kue̱ꞌe̱ꞌ víꞌí mil rá najiáꞌáꞌ ííꞌ re̱ꞌ,

2 Timoteo 1:12

Saáva nóꞌo ni̱ꞌ suꞌva. Soo ntu̱ví kúkanuun ni̱ꞌ, chi jíníꞌ ni̱ꞌ né ɨɨn ví ya̱ kúneí iniꞌ ni̱ꞌ, jee jínúꞌ kájí iniꞌ ni̱ꞌ ya̱ suvire̱ꞌ kúvi kumí váꞌa re̱ꞌ tiñu nte̱tíñú re̱ꞌ nuꞌuꞌ, ne̱ ki̱vɨ̱ꞌ nikó tuku re̱ꞌ.

Apoclipsis 3:5

’Ñɨvɨ ya̱ kuneí‑i si̱kɨ̱ꞌ ya̱ níváꞌa jín nu̱u̱nꞌ kui̱ꞌna̱ꞌ kúñáꞌnú, saájee naku̱ꞌun‑u saꞌma kuíjín. Jee ni nsáꞌ xinónoo ni̱ꞌ súví ñɨvɨ vá nu̱u̱nꞌ tutuꞌ ya̱ níso súví rá ñɨvɨ ya̱ kutekuꞌ ráa nɨ́ɨ́nkání jín nuꞌuꞌ. Jee stúvi ni̱ꞌ nu̱u̱nꞌ Tátáꞌ ni̱ꞌ jín nu̱u̱nꞌ rá najiáꞌáꞌ ííꞌ re̱ꞌ, ya̱ yɨ́ꞌɨ́ nijia ñɨvɨ vá nu̱u̱nꞌ nuꞌuꞌ.

Apoclipsis 1:7

¡Kune̱ꞌyá rán!, chi nenta Cristo nu̱u̱nꞌ viko, jee ntáká rá ñɨvɨ kuniꞌ jín núunꞌ ráa re̱ꞌ, jee suni ne̱ rá ñɨvɨ ya̱ nkaanꞌ ráa yaviꞌ re̱ꞌ ñaꞌniꞌ ráa re̱ꞌ kuniꞌ jínúunꞌ ráa re̱ꞌ. Saájee suni ne̱ ntáká rá tataꞌ rá ñɨvɨ íyó kua̱íyó iniꞌ ñɨ̱vɨ́ yaꞌá, jee jiaku iniꞌ ráa kunaꞌyuꞌ ráa ya̱ ntu ni̱nu̱ꞌ iniꞌ ráa kaníjiá ráa re̱ꞌ. Saá nijia, sukuán koo.

Gálatas 6:14

Soo maáníꞌ ntu̱náꞌ káꞌánꞌ téyɨ́ɨ́ ni̱ꞌ. Kua̱chi káꞌánꞌ téyɨ́ɨ́ ni̱ꞌ jie̱ꞌe̱ꞌ ya̱ níꞌiꞌ I̱toꞌoꞌ‑ó Jesucristo nu̱u̱nꞌ kurúsiꞌ jie̱ꞌe̱ꞌ‑ó. Chi jie̱ꞌe̱ꞌ yukuán jee kúvi kuéntáꞌ níꞌiꞌ rá ñujiínꞌ jiáꞌnu ñɨvɨ ñɨ̱vɨ́ nu̱u̱nꞌ kurúsiꞌ nu̱u̱nꞌ ni̱ꞌ. Chi suni kúvi kuéntáꞌ níꞌiꞌ ni̱ꞌ nu̱u̱nꞌ rá ñujiínꞌ vá, chi ntu yɨ́ꞌɨ́ ni̱ꞌ ka̱ꞌ chi̱ji naꞌá rává.

Mateo 26:64

Jee nkachiꞌ Jesús nu̱u̱nꞌ re̱ꞌ: ―Nuꞌuꞌ ví‑i sáni nkachiꞌ kí nú maa, soo káchíꞌ ni̱ꞌ nu̱u̱nꞌ rán ya nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee ne̱ vitan kuniꞌ rán nuꞌuꞌ kuneeꞌ ni̱ꞌ xiín ichi kuáꞌá Ndiosíꞌ ya̱ níso fuersáꞌ ííꞌ nu̱u̱nꞌ nɨꞌɨ, nu̱u̱nꞌ kúñáꞌnú ni̱ꞌ jín re̱ꞌ, jee kuniꞌ rán niji ni̱ꞌ nu̱u̱nꞌ vi̱ko̱ꞌ súkún ―nkachiꞌ Jesús.

Hebreos 13:13

Jee saáva íyó kene rán nu̱u̱nꞌ ñujiínꞌ jiáꞌnu rá ñɨvɨ ya̱ ntu ínúꞌ iniꞌ ráa Jesús jee íyó kuiñɨ ni̱ꞌin rán jín re̱ꞌ, kuéntáꞌ kene‑ó yuñúúnꞌ kɨ̱ꞌɨ̱nꞌ‑ó nu̱u̱nꞌ re̱ꞌ. Jee íyó keꞌneꞌ iniꞌ rán ya̱ jiáꞌa ñɨvɨ tu̱nkánuun nu̱u̱nꞌ rán jie̱ꞌe̱ꞌ kúneí iniꞌ rán Jesús.

Hebreos 11:26

Chi nñu̱ꞌun iniꞌ re̱ꞌ ya̱ yɨ́yáꞌvi víꞌí ka̱ꞌ ví ya̱ ku̱ꞌva rá ñɨvɨ tu̱nkánuun re̱ꞌ kuéntáꞌ kua̱ꞌ nito u̱ꞌvi̱ꞌ ráa Cristo, nsú káꞌ kukúká re̱ꞌ jín rá nantíñú yɨ́yáꞌvi íyó ñuunꞌ Egipto. Chi nneenu̱u̱nꞌ re̱ꞌ ya̱ ni̱ꞌi̱nꞌ re̱ꞌ ta̱ꞌvi̱ꞌ ya̱ ku̱ꞌva Ndiosíꞌ nu̱u̱nꞌ re̱ꞌ.

2 Corintios 12:10

Saáva kúsɨ́ɨꞌ iniꞌ ni̱ꞌ jie̱ꞌe̱ꞌ ya̱ táyáꞌ iniꞌ ni̱ꞌ, jín ya̱ ténúunꞌ ñɨvɨ nuꞌuꞌ, jín sáá kúmániꞌ nu̱u̱nꞌ ni̱ꞌ, jín sáá jíto u̱ꞌvi̱ꞌ ñɨvɨ nuꞌuꞌ, jín sáá táꞌánꞌ ni̱ꞌ tu̱nóꞌó, jie̱ꞌe̱ꞌ sátíñú ni̱ꞌ nu̱u̱nꞌ Cristo. Chi sáá táyáꞌ iniꞌ ni̱ꞌ saájee nátají Cristo fuersáꞌ nu̱u̱nꞌ ni̱ꞌ.

Juan 5:44

¿Na̱sa kúvi i̱nu̱ꞌ iniꞌ rán nuꞌuꞌ?, chi yɨ́netuꞌ rán ya̱ nakuetúꞌún ɨɨn inka rán táꞌán rán, jee ntu núkú rán ya̱ nakuetúꞌún Ndiosíꞌ ránoꞌó, ya̱ métúꞌún re̱ꞌ ví Ndiosíꞌ.

Hechos 10:22

Jee nna̱xiníkó ráa: ―Capitán Cornelio kúvi re̱ꞌ te̱e na̱a̱ꞌ nu̱u̱nꞌ Ndiosíꞌ, jee ñúyúꞌví iniꞌ re̱ꞌ néñu̱ꞌun re̱ꞌ Ndiosíꞌ. Jee nɨꞌɨ rá ñɨvɨ Israel jiáꞌa ráa ya̱ naáꞌ ya̱ kúvi re̱ꞌ suꞌva. Ɨɨn najiáꞌáꞌ ííꞌ Ndiosíꞌ nkachiꞌ‑i nu̱u̱nꞌ re̱ꞌ, ya̱ kána re̱ꞌ nó kɨ̱ꞌɨ̱nꞌ nú nu̱u̱nꞌ veꞌi re̱ꞌ, sáva teso̱ꞌo re̱ꞌ tu̱ꞌun ya̱ kachiꞌ nú nu̱u̱nꞌ re̱ꞌ ―nkachiꞌ ráa nu̱u̱nꞌ Pedro.

1 Timoteo 5:21

Ichinúúnꞌ Ndiosíꞌ, jín Cristo Jesús, jín rá najiáꞌáꞌ ííꞌ Ndiosíꞌ ya̱ nka̱ji re̱ꞌ ráa, tétuvi ni̱ꞌin ni̱ꞌ noꞌó, ya̱ sikúnkuvi nú tu̱ꞌun yaꞌá, jee koto jiáni ya̱chi̱ꞌ iniꞌ nú. Koto sáꞌá nú kuéntáꞌ né ɨɨn kúvi ñɨvɨ, sáá saꞌá nú maa, chisaꞌ ɨɨn nuún ni koo ñɨvɨ nu̱u̱nꞌ nú.