Lucas 8:38 - Mixteco del suroeste de Tlaxiaco Oaxaca

³⁸ Soo te̱e ya̱ nkene rá kui̱ꞌna̱ꞌ iniꞌ‑i jíkánꞌ táꞌvíꞌ‑i nu̱u̱nꞌ re̱ꞌ ya̱ kutáꞌán‑a kɨ̱ꞌɨ̱nꞌ‑ɨ jín re̱ꞌ. Soo náchuichí re̱ꞌ maa, jee nkachiꞌ re̱ꞌ nu̱u̱nꞌ‑u:

Lucas 8:38 Referans Kwoze

Filipenses 1:23

Chi várésukuán jee tasáva ví ni̱ꞌ jee saꞌá ni̱ꞌ ni nuvi tiñu. Chi nóꞌónꞌ iniꞌ ni̱ꞌ ya̱ kuviꞌ ni̱ꞌ, jee kuneeꞌ ni̱ꞌ jín Cristo, nu̱u̱nꞌ ñuunꞌ íyó súkún, chi va̱ꞌa víꞌí ka̱ꞌ ví yaꞌá nu̱u̱nꞌ ni̱ꞌ.

Lucas 8:37

Saájee ntáká rá ñɨvɨ kue̱ꞌe̱ꞌ rá ñuunꞌ yɨ́ꞌɨ́ xi̱ntíín ñuunꞌ Gadara, ni̱ka̱nꞌ táꞌvíꞌ ráa nu̱u̱nꞌ Jesús ya̱ kɨ̱ꞌɨ̱nꞌ iyo re̱ꞌ yukuán, chi yúꞌví víꞌí ráa. Saájee nna̱ku̱ꞌun re̱ꞌ iniꞌ barkúꞌ sáva nikó re̱ꞌ nu̱u̱nꞌ váji re̱ꞌ.

Lucas 8:28

Jee sáá niniꞌ‑i Jesús, jee nka̱najíín‑i jee ña̱kui̱ñɨ̱ꞌ ítɨ́‑ɨ ña̱xin‑i maáa jie̱ꞌe̱ꞌ Jesús, jee kua̱neí‑i nka̱najíín‑i: ―¿Na̱kui chi kíní nú maánú jín nuꞌuꞌ, Jesús, Se̱ꞌya Ndiosíꞌ máá kúñáꞌnú nasɨ́kuitɨꞌ nu̱u̱nꞌ kua̱íyó? Jíkánꞌ táꞌvíꞌ ni̱ꞌ nu̱u̱nꞌ noꞌó ya̱ koto xínóꞌo nú nuꞌuꞌ ―nkachiꞌ‑i.

Mateo 4:24

Jee ñe̱te̱nuun tu̱ꞌun jie̱ꞌe̱ꞌ Jesús nu̱u̱nꞌ ntáká rá ñuunꞌ sánitɨ́ɨn ñuunꞌ Siria. Jee nki̱naka rá ñɨvɨ nu̱u̱nꞌ Jesús ntáká rá ñɨvɨ kúꞌvíꞌ ya̱ nóꞌo sɨ́ɨ́n sɨ́ɨ́n kéꞌín nu̱u̱nꞌ kue̱ꞌi̱ꞌ, jín rá yájíꞌ yatúꞌ, jín rá yɨ́ꞌɨ́ ta̱chi̱ꞌ kíni, jín rá jíꞌíyɨ̱ꞌɨ́ jín rá ñɨvɨ ya̱ ntu kúvi kantaꞌ ñunéꞌyúꞌ jee nxi̱núvi Jesús ráa.

Lucas 8:39

―Kuánoꞌonꞌ veꞌi nú, jee nakani nú nɨꞌɨ ya̱ nsa̱ꞌá Ndiosíꞌ jín nú ―nkachiꞌ Jesús. Saájee kua̱ꞌa̱nꞌ te̱e vá jee káchítu̱ꞌún re̱ꞌ kua̱íyó nu̱u̱nꞌ ñuunꞌ yukuán jie̱ꞌe̱ꞌ ntántúníꞌ nsa̱ꞌá Jesús jie̱ꞌe̱ꞌ re̱ꞌ.