Lucas 6:44 - Mixteco del suroeste de Tlaxiaco Oaxaca

⁴⁴ Chi ta ɨɨn ɨɨn yutun jee jíníꞌ‑ó né ɨɨn yutun ví‑i jie̱ꞌe̱ꞌ ya̱ vixíꞌ jiáꞌa‑a. Chi ntu nástútú ñɨvɨ ya̱ vixíꞌ higo nu̱u̱nꞌ yu̱ku̱ꞌ iñu, jee suni ni ntu nákeꞌen ráa ya̱ vixíꞌ uva xi̱ni̱ꞌ tuíñu.

Lucas 6:44 Referans Kwoze

Santiago 3:12

Ránoꞌó, rá ñaniꞌ ni̱ꞌ jín rá ku̱ꞌva ni̱ꞌ, ¿á kúvi ku̱ꞌva yutun higo rá aceituna?, áxí, ¿á kúvi ku̱ꞌva yokúꞌúꞌ uva rá higo? Ni nsáꞌ kúvi ɨɨn nu̱u̱nꞌ káku nute ku̱ꞌva‑a nute u̱ꞌva̱ꞌ jín suni nute ninuꞌun.

Mateo 12:33

’Chi ɨɨn yutun váꞌa, jee jiáꞌa‑a ya̱ vixíꞌ váꞌa, áxí ɨɨn yutun ne̱ꞌén jee suni jiáꞌa‑a ya̱ vixíꞌ ne̱ꞌén. Jee yukuán jee jíníꞌ‑ó na̱ yutun kúvi‑i jie̱ꞌe̱ꞌ rá vixíꞌ jiáꞌa‑a.

Judas 1:12

Jee rá ñɨvɨ yaꞌá ya̱ xínéꞌénꞌ tu̱ntúꞌún, jee sáá yájíꞌ tútú rán jie̱ꞌe̱ꞌ ya̱ ñúnúunꞌ rán ɨɨn inka táꞌán rán, jee máá ñɨvɨ kini sátéꞌén kúvi ráa sáá yájíꞌ ráa jín rán súka̱ꞌ ntu kúkanuun ráa. Jee kua̱chi maáráa kúmí ráa. Ntu íyótiñu ráa kuéntáꞌ ntu íyótiñu rá vi̱ko̱ꞌ ntu níso sa̱vi̱ꞌ ya̱ xínéchi ta̱chi̱ꞌ víjin maa cháꞌá chúkuán. Jee suni kúvi ráa kuéntáꞌ kúvi yutun númáꞌ ya̱ ni ntu jiáꞌa‑á ya̱ vixíꞌ, sáá kenta tiempúꞌ ya̱ kúun ya̱ vixíꞌ rá yutun. Jee sukuán kúvi ráa kuéntáꞌ yutun níꞌiꞌ ya̱ ne̱ yoꞌo‑o ntavaꞌ ñɨvɨ maa jee kuéntáꞌ ni̱ꞌi̱ꞌ‑i u̱vi̱ꞌ íchí jee ni ntu̱né íyó na̱ja nene‑e ka̱ꞌ.

Mateo 7:16

Jee jie̱ꞌe̱ꞌ tiñu sáꞌá rá ñɨvɨ vá jee kuniꞌ rán na̱ ñɨvɨ kúvi ráa, kuéntáꞌ kua̱ꞌ kuniꞌ‑ó na̱ yutun ví‑i jie̱ꞌe̱ꞌ ya̱ vixíꞌ kúun‑u. Chi, ¿á kuvi kuun uva xi̱ni̱ꞌ ɨɨn tuíñu rúja? Áxí, ¿á kuvi kuun higo xi̱ni̱ꞌ yu̱ku̱ꞌ i̱ñu̱ꞌ rúja?

Mateo 7:20

Saáva jie̱ꞌe̱ꞌ tiñu sáꞌá ráa jee kuniꞌ rán na̱ ñɨvɨ kúvi ráa kuéntáꞌ kúun yutun ya̱ vixíꞌ.