Lucas 5:29 - Mixteco del suroeste de Tlaxiaco Oaxaca

²⁹ Jee nsa̱ꞌá Leví viko káꞌnú sikájíꞌ re̱ꞌ Jesús iniꞌ veꞌi re̱ꞌ, jee yukuán nééꞌ kue̱ꞌe̱ꞌ víꞌí rá ñɨvɨ ya̱ tɨ́ɨn xu̱ꞌún náneeꞌ vetíñú ñuunꞌ Roma, jee suni yukuán nééꞌ inka ka̱ꞌ rá ñɨvɨ ranika̱ꞌ yumesáꞌ yájíꞌ nkáá ráa jín re̱ꞌ.

Lucas 5:29 Referans Kwoze

Lucas 15:1

Saájee ntáká rá te̱e nákeꞌen xu̱ꞌún náneeꞌ vetíñú Roma jín rá ñɨvɨ ya̱ sáꞌá kua̱chi nákuyatin ráa nu̱u̱nꞌ Jesús sáva teso̱ꞌo ráa rá tu̱ꞌun káchíꞌ re̱ꞌ.

1 Corintios 10:27

Jee retú néni ɨɨn ñɨvɨ ya̱ ntu̱ví kúneí iniꞌ‑i Cristo, jee retú kána‑a ránoꞌó ya̱ kɨ̱ꞌɨ̱nꞌ rán kajiꞌ rán jín‑i, jee retú kuíni rán kɨ̱ꞌɨ̱nꞌ rán, jee kuvi kɨ̱ꞌɨ̱nꞌ rán jee kajiꞌ rán ntáká nu̱u̱nꞌ ya̱ chísó ráa nu̱u̱nꞌ rán kajiꞌ rán, jee koto jíkátu̱ꞌún rán retú nsókoꞌ ñɨvɨ maa nu̱u̱nꞌ rá santúꞌ, jee koto na̱ jiáni iniꞌ ánímaꞌ rán jie̱ꞌe̱ꞌ vá.

Juan 12:2

Jee yukuán nsa̱ꞌá ráa ɨɨn xíní nyajiꞌ Jesús, jee Marta nchuꞌun ña kajiꞌ ráa. Jee Lázaro nkuvi ɨɨn ráa ya̱ nééꞌ yuꞌú mesa yájíꞌ ráa jín re̱ꞌ.

Marcos 2:15

Jee sukuán nkuvi ni nééꞌ Jesús yájíꞌ‑i iniꞌ veꞌi Leví. Jee yukuán nééꞌ kue̱ꞌe̱ꞌ víꞌí rá te̱e tɨ́ɨn xu̱ꞌún náneeꞌ ñuunꞌ Roma jee suni nééꞌ kue̱ꞌe̱ꞌ rá ñɨvɨ kua̱chi. Jee nééꞌ ráa yájíꞌ nkáá ráa jín Jesús jín rá te̱e súkuáꞌa re̱ꞌ ráa, chi kue̱ꞌe̱ꞌ víꞌí ráa níkɨ́nꞌ maa.

Mateo 9:10

Jee sukuán nkuvi ni nééꞌ Jesús yumesáꞌ iniꞌ veꞌi, jee kue̱ꞌe̱ꞌ víꞌí rá te̱e tɨ́ɨn xu̱ꞌún náneeꞌ ñuunꞌ Roma, jín suni kue̱ꞌe̱ꞌ rá ñɨvɨ kua̱chi, nkenta ráa yájíꞌ nkáá ráa jín Jesús nu̱u̱nꞌ nééꞌ re̱ꞌ jín rá te̱e súkuáꞌa re̱ꞌ.

Mateo 5:46

Chi retú kunu̱u̱nꞌ rán rá ñɨvɨ ya̱ ñúnúunꞌ ráa ránoꞌó, jee, ¿na̱ ta̱ꞌvi̱ꞌ íyó ni̱ꞌi̱nꞌ rán nu̱u̱nꞌ Ndiosíꞌ rúja? ¿Á ntu suni sukuán sáꞌá ne̱ rá te̱e tíꞌñá ya̱ tɨ́ɨn xu̱ꞌún náneeꞌ ñuunꞌ Roma rúja?

Mateo 9:9

Jee sáá nkene Jesús yukuán, jee kua̱ꞌa̱nꞌ re̱ꞌ, jee niniꞌ re̱ꞌ ɨɨn te̱e naní Mateo, nééꞌ‑e vetíñú nu̱u̱nꞌ tɨ́ɨn‑ɨ xu̱ꞌún náneeꞌ ñuunꞌ Roma, jee nkachiꞌ Jesús nu̱u̱nꞌ‑u: ―Kunikɨnꞌ nuꞌuꞌ ―nkachiꞌ re̱ꞌ, jee nna̱kuiñɨꞌ‑ɨ jee nchi̱nikɨnꞌ‑ɨ Jesús kua̱ꞌa̱nꞌ‑a jín re̱ꞌ.

Mateo 11:19

Jee, nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee ntiaaꞌ ru nuꞌuꞌ jee yájíꞌ ni̱ꞌ jee jíꞌi ni̱ꞌ, jee káchíꞌ ráa: “¡Kune̱ꞌyá! Kúvi re̱ꞌ te̱e a̱sɨ̱nꞌ iniꞌ jín te̱e ka̱ꞌva̱ꞌ nixiꞌ ya̱ ma̱ni̱ꞌ re̱ꞌ jín rá te̱e tíꞌñá nákeꞌen xu̱ꞌún náneeꞌ vetíñú ñuunꞌ Roma, jín ya̱ ma̱ni̱ꞌ‑i jín rá ñɨvɨ kua̱chi”, káchíꞌ ráa. Soo ñɨvɨ ya̱ tɨ́ɨn tu̱ꞌun níchí Ndiosíꞌ ya̱ xínéꞌénꞌ ráníꞌ stúvi ráa ya̱ na̱a̱ꞌ kúvi tu̱ꞌun vá jie̱ꞌe̱ꞌ tiñu váꞌa sáꞌá ráa ―nkachiꞌ Jesús.