Lucas 3:8 - Mixteco del suroeste de Tlaxiaco Oaxaca

⁸ Jee saáva íyó saꞌá rán tiñu na̱a̱ꞌ váꞌa, ya̱ stúvi nijia rán ya̱ nna̱kani nijia iniꞌ rán nxi̱nóo rán tiñu niváꞌa. Jee suꞌva kuvi rán kuéntáꞌ yutun kúun ya̱ vixíꞌ váꞌa. Jee saáva koto káchíꞌ rán iniꞌ maárán: “[Ka̱ku ráníꞌ] chi jííꞌ yanaꞌán ránꞌ ví Abraham.” Chi káchíꞌ ni̱ꞌ nu̱u̱nꞌ rán ya̱ Ndiosíꞌ kuvi saꞌá re̱ꞌ ya̱ nuvi ne̱ rá yu̱u̱ꞌ yaꞌá sáva kuvi ráa tataꞌ se̱ꞌya Abraham, ya̱ kaníjiá ráa re̱ꞌ.

Lucas 3:8 Referans Kwoze

Hechos 26:20

Jee xíꞌnañúꞌún nste̱kútu̱ꞌún ni̱ꞌ nu̱u̱nꞌ rá ñɨvɨ ñuunꞌ Damasco, jín suni nu̱u̱nꞌ rá ñɨvɨ ñuunꞌ Jerusalén, jín nu̱u̱nꞌ nɨꞌɨ sánitɨ́ɨn Judea, jín nu̱u̱nꞌ rá inka nación, ya̱ nakani iniꞌ ráa jee nakunikɨnꞌ ráa Ndiosíꞌ. Jee nste̱kútu̱ꞌún ni̱ꞌ, ya̱ saꞌá ráa rá tiñu váꞌa, ya̱ stúvi ya̱ nna̱kani nijia iniꞌ ráa.

Mateo 21:43

Jee saáva káchíꞌ ni̱ꞌ nu̱u̱nꞌ rán ya̱ siíyo Ndiosíꞌ ya̱ tatúníꞌ re̱ꞌ nu̱u̱nꞌ rán ya̱ nkúvi ki̱vɨ rán xi̱ntíín re̱ꞌ, jee naku̱ꞌva re̱ꞌ maa nu̱u̱nꞌ inka ñɨvɨ ya̱ sikúnkuvi ráa sáni kuíni re̱ꞌ.

Filipenses 1:11

Chi jiáꞌnu na̱a̱ꞌ víꞌí rán sáꞌá Jesús ya̱ kúvi re̱ꞌ Cristo, chi kínóo na̱a̱ꞌ rán nu̱u̱nꞌ re̱ꞌ sáꞌá re̱ꞌ, jee suꞌva stúvi re̱ꞌ ya̱ viiꞌ nasɨ́kuitɨꞌ kúñáꞌnú Ndiosíꞌ jee nakuetúꞌún ñɨvɨ maa.

Romanos 9:7

Ni nsú ntáká rá se̱ꞌya ichiyúkúnꞌ nkene nu̱u̱nꞌ Abraham kúvi nijia ráa se̱ꞌya re̱ꞌ. Chisaꞌ nkachiꞌ Ndiosíꞌ nu̱u̱nꞌ re̱ꞌ: “Nu̱u̱nꞌ se̱ꞌya nú Isaac kiji ráa ya̱ kuvi se̱ꞌya ichiyúkúnꞌ nú.”

Romanos 4:16

Saáva ni̱ꞌi̱nꞌ ñɨvɨ ta̱ꞌvi̱ꞌ ya̱ nchi̱sóyuꞌú Ndiosíꞌ jie̱ꞌe̱ꞌ ya̱ kúneí iniꞌ ráa re̱ꞌ, sáva kúvi ta̱ꞌvi̱ꞌ vá ya̱ síkútaꞌviꞌ re̱ꞌ nu̱u̱nꞌ‑ó sú ntu íyó ni̱ꞌi̱nꞌ‑ó maa. Síkútaꞌviꞌ re̱ꞌ maa sáva kino̱o kutú ya̱ nchi̱sóyuꞌú re̱ꞌ nu̱u̱nꞌ nta̱ká rá ñɨvɨ ya̱ kúvi ichiyúkúnꞌ Abraham. Soo síkútaꞌviꞌ re̱ꞌ maa nsú kua̱chi kuitɨꞌ nu̱u̱nꞌ rá ñɨvɨ Israel ya̱ yɨ́ꞌɨ́ ráa nu̱u̱nꞌ ley, chisaꞌ suni nu̱u̱nꞌ nta̱ká rá ñɨvɨ ya̱ kúneí iniꞌ ráa Ndiosíꞌ kuéntáꞌ kua̱ꞌ Abraham. Sukuán suvire̱ꞌ kúvi tátáꞌ ntáká‑órán ichinúúnꞌ Ndiosíꞌ.

Lucas 19:40

Jee nna̱xiníkó Jesús: ―Káchíꞌ ni̱ꞌ nu̱u̱nꞌ ránoꞌó ya̱ retú níín kuvi rá ñɨvɨ yaꞌá jee kanajíín rá yu̱u̱ꞌ yaꞌá ―nkachiꞌ Jesús.

Juan 8:33

Jee nna̱xiníkó ráa nu̱u̱nꞌ re̱ꞌ: ―Ichiyúkúnꞌ váji ne̱ nu̱u̱nꞌ Abraham kúvi ráníꞌ, jee ni ntu nkúvi kuitɨꞌ ránꞌ musúꞌ kéꞌen ñɨvɨ ya̱ yɨ́ꞌɨ́ ránꞌ xi̱ntíín ni ɨɨn ñɨvɨ. ¿Na̱ja vá kúvi kachiꞌ nú ya̱ kenta nakui̱ñɨ̱ꞌ núne rán rúja? ―nkachiꞌ ráa.

Juan 8:39

Jee nna̱xiníkó ráa jee nkachiꞌ ráa: ―Tátáꞌ jííꞌ yanaꞌán ránꞌ kúvi Abraham. Jee nkachiꞌ Jesús nu̱u̱nꞌ ráa: ―Retánꞌ kúvi nijia rán tataꞌ ichiyúkúnꞌ váji ne̱ nu̱u̱nꞌ Abraham jee yukuán jee saꞌá rán tiñu váꞌa kuéntáꞌ nsa̱ꞌá Abraham tiñu váꞌa nékúvi. [Soo ntu sáꞌá rán maa.]

Mateo 3:8

’Saáva íyó saꞌá rán tiñu na̱a̱ꞌ váꞌa, ya̱ stúvi nijia rán ya̱ nna̱kani nijia iniꞌ rán nxi̱nóo rán tiñu niváꞌa. Jee suꞌva kuvi rán kuéntáꞌ yutun kúun ya̱ vixíꞌ váꞌa.

Mateo 3:9

Jee saáva koto káchíꞌ rán iniꞌ ánímaꞌ rán: “[Ka̱ku ráníꞌ] chi jííꞌ yanaꞌán ránꞌ ví Abraham.” Chi káchíꞌ ni̱ꞌ nu̱u̱nꞌ rán ya̱ Ndiosíꞌ kuvi saꞌá re̱ꞌ ya̱ nuvi ne̱ rá yu̱u̱ꞌ yaꞌá sáva kuvi ráa tataꞌ se̱ꞌya Abraham.

Lucas 5:21

Saájee rá te̱e xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ jín rá fariseo vá, nka̱jiéꞌé ráa jiáni iniꞌ ráa: “¿Né ɨɨn kúvi te̱e yaꞌá ya̱ káꞌánꞌ re̱ꞌ tu̱níváꞌa néꞌyá re̱ꞌ Ndiosíꞌ? Chi, ¿né ɨɨn kúvi ya̱ nékáꞌnú iniꞌ kua̱chi sáꞌá ñɨvɨ rúja? Chisaꞌ métúꞌún ni Ndiosíꞌ ví ya̱ nékáꞌnú iniꞌ re̱ꞌ jie̱ꞌe̱ꞌ kua̱chi sáꞌá ñɨvɨ rúja.”

Lucas 13:25

Chi kuéntáꞌ ɨɨn te̱e xí veꞌi nakuiñɨꞌ re̱ꞌ jee nakasɨꞌ re̱ꞌ yuvéꞌí, jee sáá nakasɨꞌ re̱ꞌ yuvéꞌí, jee kino̱o rán kuiñɨ rán ta̱ve̱ꞌí, jee sikájián rán yuvéꞌí, jee kachiꞌ rán: “I̱toꞌoꞌ, kune nú sáva ki̱vɨ ráníꞌ”, jee kachiꞌ re̱ꞌ nu̱u̱nꞌ ránú: “Ntu jíníꞌ ni̱ꞌ ránoꞌó ni né núꞌ va̱ji rán”, kachiꞌ re̱ꞌ.

Lucas 13:26

Saájee kajiéꞌé rán kachiꞌ rán: “Nyajiꞌ ránꞌ niꞌi rán jín nú, jee nxi̱néꞌénꞌ nú Tu̱ꞌun Ndiosíꞌ iniꞌ ichi yɨ́ꞌɨ́ nu̱u̱nꞌ ñuunꞌ ráníꞌ”, kachiꞌ ránú.

Lucas 14:9

Jee kenta ñɨvɨ nkana noꞌó jín ñɨvɨ kúñáꞌnú vá nu̱u̱nꞌ nú, jee kachiꞌ‑i nu̱u̱nꞌ nú: “Ku̱ꞌva nu̱u̱nꞌ nééꞌ nú kuneeꞌ ñɨvɨ yaꞌá.” Saájee kukanuun nú jee kɨ̱ꞌɨ̱nꞌ nú kuneeꞌ nú ne̱ nu̱u̱nꞌ nɨ́ꞌɨ ka̱ꞌ.

Lucas 19:9

Jee nkachiꞌ Jesús nu̱u̱nꞌ re̱ꞌ: ―Vitan nkenta natavaꞌ Ndiosíꞌ ɨɨn ñɨvɨ veꞌi yaꞌá nu̱u̱nꞌ kua̱chi‑i nsi̱káku re̱ꞌ maa, chi kúvi nijia‑a se̱ꞌya tataꞌ ichiyúkúnꞌ nkene nu̱u̱nꞌ Abraham.