Lucas 23:27 - Mixteco del suroeste de Tlaxiaco Oaxaca

²⁷ Jee kue̱ꞌe̱ꞌ nasɨ́kuitɨꞌ rá ñɨvɨ kua̱ꞌa̱nꞌ níkɨ́nꞌ ya̱ta̱ꞌ Jesús, jee suni kua̱ꞌa̱nꞌ kue̱ꞌe̱ꞌ rá ñaꞌan níkɨ́nꞌ ráa ya̱ta̱ꞌ Jesús jee náꞌyúꞌ ráa ya̱ jiáku iniꞌ ráa jie̱ꞌe̱ꞌ re̱ꞌ.

Lucas 23:27 Referans Kwoze

Lucas 8:52

Jee ntáká rá ñɨvɨ nééꞌ veꞌi Jairo náꞌyúꞌ ráa jee íyó tu̱nkuíꞌyáꞌ iniꞌ ráa jie̱ꞌe̱ꞌ ñalúlí vá. Soo nkachiꞌ Jesús nu̱u̱nꞌ ráa: ―Koto náꞌyúꞌ rán, chi nsáꞌ ni̱ꞌi̱ꞌ ña, chisaꞌ kíxíꞌ ña ―nkachiꞌ re̱ꞌ.

Lucas 8:2

Jee suni kútáꞌán sava rá ñaꞌan jín re̱ꞌ ya̱ nxi̱núvi re̱ꞌ ráa sáá ntavaꞌ re̱ꞌ ta̱chi̱ꞌ kíni yɨ́ꞌɨ́ iniꞌ ráña, jín sava ráña nxi̱núvi re̱ꞌ ráa nu̱u̱nꞌ rá kue̱ꞌi̱ꞌ nóꞌo ráa. Jee ɨɨn ráñá ví María ya̱ naní ña ñaꞌan ñuunꞌ Magdala, jee maáña vá nkene u̱xa̱ꞌ ta̱chi̱ꞌ kíni iniꞌ ña.

Marcos 15:40

Jee suni ni̱ñɨ rá ñaꞌan nne̱ꞌyá íká ráa. Jee nteñu ráa ni̱ñɨ María ñuunꞌ Magdala, jín Salomé, jín María, nánáꞌ José jín Jacobo, ya̱ súchí ka̱ꞌ.

Lucas 23:55

Jee rá ñaꞌan ya̱ nnikɨnꞌ ráña Jesús ne̱ ñuunꞌ Galilea, jee nchi̱nikɨnꞌ ráña José, jee niniꞌ ráña yaviꞌ veꞌi ni̱yɨ vá jee niniꞌ va̱ꞌa ráña na̱sa ñakɨnꞌ ráa ñunéꞌyúꞌ Jesús iniꞌ‑i.

Mateo 27:55

Jee yukuán íñɨ́ kue̱ꞌe̱ꞌ rá ñaꞌan néꞌyá íká ráña, jee suviráña vá nchi̱nikɨnꞌ ráña Jesús ne̱ ñuꞌun Galilea sáva chineí ráa re̱ꞌ.

Mateo 11:17

jee káchíꞌ ráa: “Tívɨ́ꞌ ráníꞌ xi̱kiꞌli nu̱u̱nꞌ ránú soo ni ntu̱ví kátiéꞌé ránú. Jee jíta ráníꞌ yaaꞌ jíta kuéká, soo ni ntu náꞌyúꞌ ránú.”

Lucas 23:28

Soo nna̱kune̱ꞌyá Jesús nu̱u̱nꞌ ráña jee nkachiꞌ re̱ꞌ nu̱u̱nꞌ ráa: ―Ránoꞌó ñaꞌan ya̱ kúvi se̱ꞌya ñuunꞌ Jerusalén, koto náꞌyúꞌ rán jie̱ꞌe̱ꞌ nuꞌuꞌ, chisaꞌ kunaꞌyuꞌ rán jie̱ꞌe̱ꞌ maáránoꞌó jín jie̱ꞌe̱ꞌ rá se̱ꞌya rán,

Juan 16:20

Máá nááꞌ vá káchíꞌ ni̱ꞌ nu̱u̱nꞌ rán, ya̱ kunaꞌyuꞌ rán jee nukuéká iniꞌ rán, soo rá ñɨvɨ ñɨ̱vɨ́ chisaꞌ kusɨ̱ɨ̱ꞌ iniꞌ ráa. Soo súka̱ꞌ kukuéká iniꞌ rán, jee tu̱nkuéká iniꞌ rán vá nuvi‑i tu̱ꞌun sɨ́ɨ́ꞌ iniꞌ rán.