Lucas 22:69 - Mixteco del suroeste de Tlaxiaco Oaxaca

⁶⁹ Soo ne̱ vitan jee nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee kuneeꞌ ni̱ꞌ xiín ichi kuáꞌá Ndiosíꞌ ya̱ níso fuersáꞌ ííꞌ nu̱u̱nꞌ nɨꞌɨ, nu̱u̱nꞌ kúñáꞌnú ni̱ꞌ jín re̱ꞌ ―nkachiꞌ Jesús.

Lucas 22:69 Referans Kwoze

Hebreos 1:3

Jee ne̱ tu̱u̱nꞌ maá Se̱ꞌya re̱ꞌ viiꞌ kúñáꞌnú‑u mákua kúñáꞌnú re̱ꞌ, chi nuún náku‑u iniꞌ re̱ꞌ, chi ɨɨn ni kuvi ni núvíꞌ ráa. Jee tu̱ꞌun káꞌánꞌ Se̱ꞌya re̱ꞌ níso fuersáꞌ ííꞌ jee jín tu̱ꞌun tátúníꞌ Se̱ꞌya re̱ꞌ íyó kutú nɨꞌɨ ya̱ íyó. Jee sáá nkuvi nna̱sánoo‑o yó nu̱u̱nꞌ kua̱chi‑ó jie̱ꞌe̱ꞌ ya̱ nsa̱ꞌá‑a, jee nna̱kuneeꞌ‑e ichi kuáꞌá nu̱u̱nꞌ nééꞌ re̱ꞌ kúñáꞌnú re̱ꞌ tátúníꞌ re̱ꞌ ne̱ antivɨ́ súkún.

Marcos 16:19

Saájee sáá njia̱ꞌa ya̱ nkaꞌanꞌ maá I̱toꞌoꞌ‑ó Jesús jín ráa, jee nxi̱náa Ndiosíꞌ Jesús súkún. Jee ña̱kuneeꞌ re̱ꞌ ichi kuáꞌá Ndiosíꞌ nu̱u̱nꞌ tátúníꞌ re̱ꞌ jín‑i.

Marcos 14:62

Jee nkachiꞌ Jesús: ―Nuꞌuꞌ ví‑i. Jee nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, kuniꞌ rán nuꞌuꞌ kuneeꞌ ni̱ꞌ xiín ichi kuáꞌá Ndiosíꞌ ya̱ níso fuersáꞌ ííꞌ nu̱u̱nꞌ nɨꞌɨ, nu̱u̱nꞌ kúñáꞌnú ni̱ꞌ jín re̱ꞌ. Jee kuniꞌ rán niji ni̱ꞌ nteñu vi̱ko̱ꞌ súkún ―nkachiꞌ re̱ꞌ nu̱u̱nꞌ ráa.

Mateo 26:64

Jee nkachiꞌ Jesús nu̱u̱nꞌ re̱ꞌ: ―Nuꞌuꞌ ví‑i sáni nkachiꞌ kí nú maa, soo káchíꞌ ni̱ꞌ nu̱u̱nꞌ rán ya nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee ne̱ vitan kuniꞌ rán nuꞌuꞌ kuneeꞌ ni̱ꞌ xiín ichi kuáꞌá Ndiosíꞌ ya̱ níso fuersáꞌ ííꞌ nu̱u̱nꞌ nɨꞌɨ, nu̱u̱nꞌ kúñáꞌnú ni̱ꞌ jín re̱ꞌ, jee kuniꞌ rán niji ni̱ꞌ nu̱u̱nꞌ vi̱ko̱ꞌ súkún ―nkachiꞌ Jesús.

Mateo 22:44

Nkachiꞌ maá I̱toꞌoꞌ‑ó Ndiosíꞌ nu̱u̱nꞌ I̱toꞌoꞌ ni̱ꞌ: “Kuneeꞌ xiín ichi kuáꞌá ni̱ꞌ nu̱u̱nꞌ tatúníꞌ nú jín ni̱ꞌ, jee kuneeꞌ nú yukuán ne̱kua̱ꞌ kuneí ni̱ꞌ jín rá ñɨvɨ jíníꞌ u̱ꞌvi̱ꞌ néꞌyá ráa noꞌó, kakɨnꞌ ni̱ꞌ ráa chi̱ji jie̱ꞌe̱ꞌ nú”, nkachiꞌ Ndiosíꞌ, nkachiꞌ David.

Apoclipsis 22:1

Saájee najiáꞌáꞌ ííꞌ vá nxi̱néꞌénꞌ re̱ꞌ nuꞌuꞌ máá maá ntekáꞌnú jín nute ya̱ sáꞌá‑a ya̱ kutekuꞌ rá ñɨvɨ nɨ́ɨ́nkání. Jee máá nute kuíí xúꞌún nijia ví‑i kuéntáꞌ cristal kéne‑e teyuꞌ nu̱u̱nꞌ nééꞌ Ndiosíꞌ tátúníꞌ re̱ꞌ jín maáréꞌ ya̱ kúvi re̱ꞌ Lanchi Lúlí.

Apoclipsis 3:21

’Jee ñɨvɨ ya̱ kuneí‑i si̱kɨ̱ꞌ ya̱ níváꞌa jín nu̱u̱nꞌ kui̱ꞌna̱ꞌ kúñáꞌnú, jee ku̱ꞌva ni̱ꞌ ya̱ kuneeꞌ ñɨvɨ vá jín nuꞌuꞌ nu̱u̱nꞌ teyuꞌ ni̱ꞌ nu̱u̱nꞌ tátúníꞌ ni̱ꞌ, kuéntáꞌ kua̱ꞌ nku̱neí ni̱ꞌ si̱kɨ̱ꞌ tiñu níváꞌa jee nééꞌ ni̱ꞌ jín Tááꞌ ni̱ꞌ nu̱u̱nꞌ teyuꞌ re̱ꞌ nu̱u̱nꞌ tátúníꞌ re̱ꞌ.

1 Pedro 3:22

Jee nnaa Cristo kua̱noꞌonꞌ‑o antivɨ́ súkún, jee nééꞌ re̱ꞌ ichi kuáꞌá Ndiosíꞌ nu̱u̱nꞌ kúñáꞌnú nasɨ́kuitɨꞌ re̱ꞌ tátúníꞌ re̱ꞌ, jee rá najiáꞌáꞌ ííꞌ, jín rá nísotíñú, jín rá níso fuersáꞌ, nchiꞌi Ndiosíꞌ ráa xi̱ntíín re̱ꞌ.

Hebreos 12:2

Kunenu̱u̱nꞌ‑ó Jesús ya̱ nu̱u̱nꞌ maáréꞌ va̱ji ya̱ kuneí iniꞌ‑ó re̱ꞌ, jee síkújia re̱ꞌ iniꞌ‑ó ya̱ kuneí va̱ꞌa iniꞌ‑ó re̱ꞌ ne̱ nu̱u̱nꞌ nɨꞌɨ. Chi ñeꞌneꞌ iniꞌ re̱ꞌ nnoꞌo re̱ꞌ nu̱u̱nꞌ kurúsiꞌ, jee ntu ntɨ́ɨn kuéntáꞌ re̱ꞌ ya̱ ku̱ꞌva rá ñɨvɨ tu̱nkánuun nu̱u̱nꞌ re̱ꞌ ya̱ kuviꞌ re̱ꞌ sukuán, chi njia̱ꞌa Ndiosíꞌ re̱ꞌ ya̱ kusɨ̱ɨ̱ꞌ víꞌí iniꞌ re̱ꞌ ichinúúnꞌ jee suni nna̱kuneeꞌ re̱ꞌ ichi kuáꞌá teyuꞌ nu̱u̱nꞌ nééꞌ Ndiosíꞌ tátúníꞌ‑i.

Hebreos 8:1

Jee saáva ya̱ ñáꞌnú nasɨ́kuitɨꞌ ka̱ꞌ kúvi jie̱ꞌe̱ꞌ rá tu̱ꞌun ya̱ káchíꞌ ráníꞌ kúvi ya̱ íyó ɨɨn su̱tu̱ꞌ kúñáꞌnú‑ó, sáni nkachiꞌ ránꞌ, ya̱ maáréꞌ ví ya̱ ña̱kuneeꞌ re̱ꞌ ichi kuáꞌá teyuꞌ nu̱u̱nꞌ nééꞌ Ndiosíꞌ kúñáꞌnú tátúníꞌ‑i ne̱ antivɨ́.

Colosenses 3:1

Saájee nu̱u̱nꞌ nna̱tekuꞌ rán jín Cristo nsa̱ꞌá Ndiosíꞌ, kuéntáꞌ nxi̱nákóo re̱ꞌ yó jín Cristo nteñu rá níꞌiꞌ, saáva kuꞌun iniꞌ rán ya̱ kuneenu̱u̱nꞌ rán ya̱ íyó nu̱u̱nꞌ ñuunꞌ íyó súkún, nu̱u̱nꞌ nééꞌ Cristo ichi kuáꞌá Ndiosíꞌ, nu̱u̱nꞌ kúñáꞌnú Cristo.

Romanos 8:34

¿Né ɨɨn vá sijíta‑a yó nu̱u̱nꞌ Ndiosíꞌ résa? ¡Ntu̱ví!, chi maá Cristo Jesús ví ya̱ níꞌiꞌ re̱ꞌ jie̱ꞌe̱ꞌ‑ó, jee suni maáréꞌ ví ya̱ nna̱tekuꞌ re̱ꞌ jee nnako̱o re̱ꞌ nkene re̱ꞌ nteñu rá ni̱yɨ. Jee nééꞌ re̱ꞌ ichi kuáꞌá Ndiosíꞌ nu̱u̱nꞌ tátúníꞌ re̱ꞌ, jee suni yɨ́tuvi re̱ꞌ jíkánꞌ táꞌvíꞌ re̱ꞌ jie̱ꞌe̱ꞌ‑ó nu̱u̱nꞌ Ndiosíꞌ.

Lucas 22:68

Jee retánꞌ katu̱ꞌún ni̱ꞌ ránoꞌó ɨɨn tu̱ꞌun, jee ni nsáꞌ naxiníkó rán nu̱u̱nꞌ ni̱ꞌ, [jee ni nsáꞌ siaáꞌ rán nuꞌuꞌ].