Lucas 22:37 - Mixteco del suroeste de Tlaxiaco Oaxaca

³⁷ Chi káchíꞌ ni̱ꞌ nu̱u̱nꞌ rán ya̱ íyó sikúnkuvi tu̱nóꞌó yaꞌá jín nuꞌuꞌ sáni káchíꞌ rá tu̱ꞌun níso nu̱u̱nꞌ Tutuꞌ Ííꞌ: “Jee tɨɨn kuéntáꞌ rá ñɨvɨ ya̱ nuꞌuꞌ kúvi kuéntáꞌ kua̱ꞌ ɨɨn rá te̱e sáꞌá kua̱chi ni̱ꞌin”, káchíꞌ nu̱u̱nꞌ Tutuꞌ Ííꞌ sukuán, chi ntáká ya̱ káchíꞌ Tutuꞌ Ííꞌ jie̱ꞌe̱ꞌ nuꞌuꞌ sikúnkuvi maa ―nkachiꞌ Jesús.

Lucas 22:37 Referans Kwoze

2 Corintios 5:21

Chi Cristo, jee ni ntu̱ví íyó kua̱chi re̱ꞌ, soo nsa̱ꞌá Ndiosíꞌ ya̱ kuniso Cristo kua̱chi‑ó, sáva kúvi ya̱ váꞌa nu̱u̱nꞌ‑ó, sáva saꞌá re̱ꞌ ya̱ na̱a̱ꞌ kúvi‑ó sánikua̱ꞌ kúvi Ndiosíꞌ, jie̱ꞌe̱ꞌ ya̱ yɨ́ꞌɨ́‑ó nu̱u̱nꞌ Cristo.

Lucas 23:32

Jee suni náka rá soldado u̱vi̱ꞌ ka̱ꞌ rá te̱e ya̱ nsa̱ꞌá kua̱chi xéénꞌ, ya̱ kua̱ꞌa̱nꞌ jín Jesús sava kaꞌniꞌ rává ráa jín re̱ꞌ.

Gálatas 3:13

Cristo nchu̱náán nkáꞌnú re̱ꞌ nu̱u̱nꞌ Ndiosíꞌ jie̱ꞌe̱ꞌ kua̱chi sáꞌá‑ó, sáva nakani núne re̱ꞌ yó nu̱u̱nꞌ ya̱ chísónínu tu̱ꞌun ley yó. Chi nkenta nyosoni̱nu re̱ꞌ sáva kuvi ya̱ váꞌa nu̱u̱nꞌ‑ó, chi níso nu̱u̱nꞌ Tutuꞌ Tu̱ꞌun Ndiosíꞌ ya̱: “Yósóni̱nu nta̱ká ñɨvɨ níntakaa nu̱u̱nꞌ yutun.”

Juan 17:4

’Nstúvi ni̱ꞌ nu̱u̱nꞌ rá ñɨvɨ íyó iniꞌ ñɨ̱vɨ́ yaꞌá ya̱ maánú ví ya̱ máá kúñáꞌnú nasɨ́kuitɨꞌ ka̱ꞌ, chi ya̱ nsi̱jínu ni̱ꞌ ntáká tiñu ya̱ ntaji nú nu̱u̱nꞌ ni̱ꞌ saꞌá ni̱ꞌ maa.

Juan 10:35

(Jee nkúvi sijíta‑ó Tu̱ꞌun Ndiosíꞌ níso nu̱u̱nꞌ Tutuꞌ Ííꞌ.) Jee njia̱ꞌa Ndiosíꞌ tu̱ꞌun re̱ꞌ nkenta tu̱ꞌun vá nu̱u̱nꞌ rá ñɨvɨ, jee nu̱u̱nꞌ nkachiꞌ Ndiosíꞌ ya̱ kuéntáꞌ ndiosíꞌ kúvi rá ñɨvɨ nu̱u̱nꞌ nkenta tu̱ꞌun re̱ꞌ,

Lucas 18:31

Saájee ntavaꞌ sɨ́ɨ́n Jesús ni uxúꞌ u̱vi̱ꞌ (12) rá te̱e kutáꞌán jín re̱ꞌ súkuáꞌa re̱ꞌ, jee nkachiꞌ re̱ꞌ nu̱u̱nꞌ ráa: ―Kune̱ꞌyá rán. Kua̱nkaa‑ó ñuunꞌ káꞌnú Jerusalén, jee yukuán sikúnkuvi ntáká rá tu̱ꞌun ntee rá te̱e ya̱ njiáꞌa Ndiosíꞌ nu̱u̱nꞌ ráa ne̱ yanaꞌán jie̱ꞌe̱ꞌ ya̱ kunoꞌo nuꞌuꞌ ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ.

Lucas 22:22

Chi nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, máá naáꞌ nijia ya̱ kɨ̱ꞌɨ̱nꞌ ni̱ꞌ kuviꞌ ni̱ꞌ sánikua̱ꞌ ya̱ nkuna̱a̱ꞌ iniꞌ Ndiosíꞌ ya̱ sukuán koo. Soo na̱ ka̱ꞌ xe̱e̱nꞌ náꞌví ka̱ꞌ te̱e vá ya̱ naku̱ꞌva‑a nuꞌuꞌ ―nkachiꞌ Jesús.

Marcos 15:27

Jee nte̱kaa ráa u̱vi̱ꞌ rá te̱e kuíꞌná jín re̱ꞌ jee ta nu̱u̱nꞌ ráa kurúsiꞌ ráa, ɨɨn ichi kuáꞌá re̱ꞌ jee ɨɨn ichi sátín re̱ꞌ.

Lucas 22:36

Saájee nkachiꞌ re̱ꞌ nu̱u̱nꞌ ráa: ―Soo vitan jee, káchíꞌ ni̱ꞌ ya̱ ɨɨn rán ya̱ íyó ñɨɨn ñúꞌún xu̱ꞌún‑u jee keꞌen maa kunaꞌá nú. Jee suni sukuán kunaꞌá‑a ñunu‑u ñúꞌún nantíñú‑u. Jee ɨɨn ya̱ ntu kúmí‑i yuchiꞌ espada nama‑a maáa, jee xi̱kó‑o so̱kotóꞌ‑o jee keꞌen‑e ɨɨn espada.

Lucas 22:52

Jee nkachiꞌ Jesús nu̱u̱nꞌ rá su̱tu̱ꞌ kúñáꞌnú, jín rá te̱e yósóꞌ nu̱u̱nꞌ rá mayóríꞌ nu̱u̱nꞌ veñu̱ꞌun, jín rá tee ñáꞌnú nu̱u̱nꞌ ñuunꞌ vá ya̱ va̱ji ráa tɨɨn ráa re̱ꞌ: ―¿Á nkene rán va̱ji rán jín yuchiꞌ jín yutun si̱kɨ̱ꞌ nuꞌuꞌ sáva tɨɨn rán nuꞌuꞌ, kuéntáꞌ réáꞌ te̱e kuíꞌná ví ni̱ꞌ?

Lucas 24:27

Saájee nka̱jiéꞌé Jesús ne̱ nu̱u̱nꞌ rá tu̱ꞌun ntee Moisés jín rá tu̱ꞌun ntee nɨꞌɨ rá te̱e ya̱ nna̱kani tu̱ꞌun nkene yuꞌú Ndiosíꞌ ne̱ yanaꞌán jee nna̱kachiꞌ va̱ꞌa re̱ꞌ rá tu̱ꞌun jie̱ꞌe̱ꞌ maáréꞌ ya̱ níso nu̱u̱nꞌ nɨꞌɨ Tutuꞌ Ííꞌ.

Marcos 15:28

[Jee nsi̱kúnkuvi sáni ya̱ káchíꞌ nu̱u̱nꞌ Tutuꞌ níso Tu̱ꞌun Ndiosíꞌ: “Ntɨɨn kuéntáꞌ ráa ya̱ nkuvi re̱ꞌ kuéntáꞌ ɨɨn rá te̱e sáꞌá kua̱chi.”]