Lucas 20:25 - Mixteco del suroeste de Tlaxiaco Oaxaca

²⁵ Saájee nkachiꞌ re̱ꞌ nu̱u̱nꞌ ráa: ―Saáva rá kúvi nantíñú te̱e nísotíñú tátúníꞌ re̱ꞌ nu̱u̱nꞌ nación Roma naku̱ꞌva rán maa nu̱u̱nꞌ te̱e tátúníꞌ nación Roma. Jee rá kúvi nantíñú Ndiosíꞌ naku̱ꞌva rán maa nu̱u̱nꞌ Ndiosíꞌ ―nkachiꞌ Jesús.

Lucas 20:25 Referans Kwoze

1 Corintios 10:31

Saáva va̱ni yájíꞌ ránú áxí va̱ni jíꞌi rán áxí na̱ jie̱ꞌe̱ꞌ tiñu sáꞌá rán, jee saꞌá rán ntáká tiñu sáva nakuetúꞌún rá ñɨvɨ jie̱ꞌe̱ꞌ Ndiosíꞌ ya̱ kuniꞌ ráa ya̱ viiꞌ nasɨ́kuitɨꞌ kúñáꞌnú re̱ꞌ.

Hechos 5:29

Soo Pedro jín rá inka te̱e kúvi apóstol nna̱xiníkó ráa, jee nkachiꞌ ráa: ―Íyó kaníjiá ránꞌ Ndiosíꞌ nsú káꞌ rá te̱e.

Marcos 12:17

I̱ña̱jée nkachiꞌ Jesús nu̱u̱nꞌ ráa: ―Rá kúvi nantíñú te̱e nísotíñú tátúníꞌ re̱ꞌ nu̱u̱nꞌ nación Roma, naku̱ꞌva rán maa nu̱u̱nꞌ te̱e tátúníꞌ nación Roma. Jee rá kúvi nantíñú Ndiosíꞌ, naku̱ꞌva rán maa nu̱u̱nꞌ Ndiosíꞌ. Jee nti̱vɨ́ xíniꞌ ráa, sáá nteso̱ꞌo ráa ya̱ nkachiꞌ re̱ꞌ.

Mateo 22:21

Jee nkachiꞌ rává: ―Te̱e tátúníꞌ nación Roma ví‑i. Saájee nkachiꞌ Jesús nu̱u̱nꞌ rává: ―Rá kúvi nantíñú te̱e nísotíñú tátúníꞌ re̱ꞌ nu̱u̱nꞌ nación Roma naku̱ꞌva rán maa nu̱u̱nꞌ te̱e tátúníꞌ nación Roma. Jee rá kúvi nantíñú Ndiosíꞌ naku̱ꞌva rán maa nu̱u̱nꞌ Ndiosíꞌ ―nkachiꞌ Jesús nu̱u̱nꞌ rává.

Mateo 17:27

Soo sáva ntu chuníní‑ó iniꞌ ráa, saáva kuáꞌán yúnteñúꞌún, jee sikéne yoꞌo núꞌníꞌ ka̱a lúlí ya̱ tɨ́ɨn tia̱ká nu̱u̱nꞌ nute, jee tia̱ká xíꞌnañúꞌún ya̱ tɨɨn ka̱a vá, jee tavaꞌ ti̱ꞌ, jee nikaꞌ nú yuꞌú ti̱ꞌ, jee yukuán naniꞌinꞌ nú ɨɨn xu̱ꞌún, jee tɨɨn maa chunáán nú nu̱u̱nꞌ rá te̱e vá, sáva kasɨꞌ nú nu̱u̱nꞌ nuꞌuꞌ jín nu̱u̱nꞌ noꞌó ―nkachiꞌ Jesús.

1 Pedro 4:11

Retú níꞌínꞌ ɨɨn ránoꞌó ɨɨn ta̱ꞌvi̱ꞌ ya̱ chíneí Ndiosíꞌ nó kaꞌanꞌ nú, jee kaꞌanꞌ sáni káꞌánꞌ nú Tu̱ꞌun Ndiosíꞌ. Jee retú ɨɨn ránoꞌó ni̱ꞌi̱nꞌ nú ta̱ꞌvi̱ꞌ ya̱ chineí nú táꞌán nú, jee saꞌá nú maa jín fuersáꞌ táji Ndiosíꞌ nu̱u̱nꞌ nú, sáva nakuetúꞌún rá ñɨvɨ Ndiosíꞌ jie̱ꞌe̱ꞌ ntáká tiñu sáꞌá rán jie̱ꞌe̱ꞌ Jesús ya̱ kúvi Cristo, jee kúñáꞌnú nasɨ́kuitɨꞌ re̱ꞌ tátúníꞌ re̱ꞌ nɨ́ɨ́nkání. Sukuán koo.

Lucas 20:24

Xinéꞌénꞌ rán ɨɨn xu̱ꞌún ka̱a nuꞌuꞌ. ¿Né ɨɨn xín nu̱u̱nꞌ te̱e ví ya̱ nééꞌ nu̱u̱nꞌ xu̱ꞌún ka̱a yaꞌá rúja?, jín, ¿né ɨɨn súví níso nu̱u̱nꞌ‑u? ―nkachiꞌ Jesús. Jee nkachiꞌ ráa: ―Te̱e tátúníꞌ nación Roma ví‑i ―nkachiꞌ ráa.