Lucas 18:12 - Mixteco del suroeste de Tlaxiaco Oaxaca

¹² Jee nééꞌ niteꞌ ni̱ꞌ u̱vi̱ꞌ íchí ya̱ semana, jee suni táji ni̱ꞌ u̱ji̱ꞌ ni u̱ji̱ꞌ ta sientúꞌ ntáká nu̱u̱nꞌ ya̱ níꞌínꞌ ni̱ꞌ”, nkachiꞌ fariseo vá.

Lucas 18:12 Referans Kwoze

Lucas 11:42

’¡Na̱ ka̱ꞌ xe̱e̱nꞌ kunoꞌo rán ka̱ꞌ ránoꞌó!, chi násokoꞌ rán nu̱u̱nꞌ Ndiosíꞌ ni u̱ji̱ꞌ ni u̱ji̱ꞌ ta sientúꞌ nɨꞌɨ nantíñú rán ne̱ nantíñú káyánká ne̱ yu̱ku̱ꞌ mi̱nu stíláꞌ, jín yu̱ku̱ꞌ ruda, jín ntáká ka̱ꞌ rá yuveꞌ, soo ntu sáꞌá rán kuéntáꞌ kueꞌnu na̱a̱ꞌ rán nu̱u̱nꞌ Ndiosíꞌ ni ya̱ kunu̱u̱nꞌ rán Ndiosíꞌ jín ñɨvɨ. Íyó saꞌá rán rá tiñu yaꞌá ni jín nsáꞌ xínóo rán saꞌá rán rá inka rá tiñu.

Mateo 9:14

Saájee rá te̱e súkuáꞌa Juan ráa, te̱e síkuánuté, nku̱yatin ráa nu̱u̱nꞌ Jesús, jee nkachiꞌ ráa: ―¿Na̱ kuvi chi ránuꞌuꞌ, jín suni rá te̱e yɨ́ꞌɨ́ ñujiínꞌ fariseo, jee kue̱ꞌe̱ꞌ íchí nééꞌ niteꞌ ráníꞌ, soo rá te̱e kútáꞌán jín nú súkuáꞌa nú ntu̱ví nééꞌ niteꞌ ráa?

Lucas 17:10

Jee suni sukuán ránoꞌó, sáá nɨꞌɨ rán saꞌá rán ntáká ya̱ nta̱túníꞌ Ndiosíꞌ nu̱u̱nꞌ rán, jee kachiꞌ rán: “Musúꞌ saɨn ni kúvi‑ó, chi sáꞌá‑ó kua̱chi sáni rá tiñu nte̱tuvi re̱ꞌ yó ya̱ íyó saꞌá‑ó”, kachiꞌ rán ―nkachiꞌ Jesús.

1 Timoteo 4:8

Chi sikújia‑ó yɨkɨkúñu‑ó jee íyótiñu yakuꞌ, soo retú kueꞌnu‑ó ichi na̱a̱ꞌ sáni kuíni Ndiosíꞌ íyótiñu nɨꞌɨ nu̱u̱nꞌ. Chi suꞌva ni̱ꞌi̱nꞌ‑ó ya̱ váꞌa ya̱ nchi̱sóyuꞌú Ndiosíꞌ taji re̱ꞌ ni ya̱ tékúꞌ‑ó tiempúꞌ vitan, jín tiempúꞌ kiji ichinúúnꞌ sáá kutekuꞌ‑ó nɨ́ɨ́nkání jín re̱ꞌ.

Mateo 6:1

’Kumí rán maárán ya̱ koto saꞌá rán tiñu na̱a̱ꞌ váꞌa ichinúúnꞌ rá ñɨvɨ sáva kune̱ꞌyá ráa maa, chi retú saꞌá rán maa suꞌva jee Tátáꞌ rán ya̱ nééꞌ antivɨ́ súkún nsáꞌ nataji re̱ꞌ ta̱ꞌvi̱ꞌ nu̱u̱nꞌ rán.

Efesios 2:9

Jee nsú jie̱ꞌe̱ꞌ tiñu váꞌa sáꞌá‑ó ví ya̱ nsi̱káku re̱ꞌ yó nu̱u̱nꞌ kua̱chi‑ó, jee saáva ni ɨɨn‑ó nkúvi kaꞌanꞌ téyɨ́ɨ́‑ó ya̱ kúvi sikáku‑ó maáó nu̱u̱nꞌ kua̱chi‑ó.

Gálatas 1:14

Jee nkaa ni̱ꞌ ka̱ꞌ kúñáꞌnú ni̱ꞌ nu̱u̱nꞌ ñujiínꞌ Judaísmo, nsú káꞌ rá inka táꞌán ni̱ꞌ jiáꞌnu nkáá jín ni̱ꞌ. Nku̱káñá iniꞌ ni̱ꞌ nsi̱kúnkuvi ni̱ꞌ rá costumbre ya̱ nxi̱nóo rá jííꞌ yanaꞌán ni̱ꞌ nu̱u̱nꞌ ránꞌ.

1 Corintios 1:29

Jee sukuán nsa̱ꞌá Ndiosíꞌ sáva ni ɨɨn ñɨvɨ nkúvi kutéyɨ́ɨ́ iniꞌ ráa jie̱ꞌe̱ꞌ maáráa ichinúúnꞌ Ndiosíꞌ.

Romanos 3:27

Resa̱a jee, ¿né núꞌ íyó ya̱ káꞌánꞌ téyɨ́ɨ́‑ó jie̱ꞌe̱ꞌ maáó, résa? ¡Ntu kúvi kuitɨꞌ! ¿Na̱chi ntu kúvi kaꞌanꞌ téyɨ́ɨ́‑ó jie̱ꞌe̱ꞌ maáó? ¿Á ntu kúvi kaꞌanꞌ téyɨ́ɨ́‑ó jie̱ꞌe̱ꞌ ya̱ sáꞌá‑ó tiñu váꞌa? ¡Ntu̱ví kuitɨꞌ!, chisaꞌ tátúníꞌ Ndiosíꞌ ya̱ íyó kuneí iniꞌ‑ó Cristo.

Mateo 6:16

’Jee sáá nééꞌ niteꞌ rán sáá néñu̱ꞌun rán Ndiosíꞌ, jee koto sáꞌá xií rán, kuéntáꞌ sáꞌá rá ñɨvɨ íyó sansuꞌva, chi nínta xií nu̱u̱nꞌ ráa sáva stúvi ráa nu̱u̱nꞌ rá ñɨvɨ ya̱ nééꞌ niteꞌ ráa. Soo máá naáꞌ vá káchíꞌ ni̱ꞌ nu̱u̱nꞌ rán, ya̱ nɨꞌɨ ta̱ꞌvi̱ꞌ ya̱ ni̱ꞌi̱nꞌ ráa ví kua̱chi nákuetúꞌún ñɨvɨ ráa, [jee nsú ta̱ꞌvi̱ꞌ jiáꞌa Ndiosíꞌ].

Mateo 6:5

’Jee sáá káꞌánꞌ rán jín Ndiosíꞌ, jee koto íyó rán kuéntáꞌ sáꞌá rá ñɨvɨ sansuꞌva, chi táꞌánꞌ iniꞌ ráa kuiñɨ nichiꞌ ráa iniꞌ rá veꞌi sinagoga nu̱u̱nꞌ kútútú rá ñɨvɨ Israel, jín rá nu̱u̱nꞌ náketáꞌán rá ichi, jee káꞌánꞌ ráa jín Ndiosíꞌ, sáva kune̱ꞌyá rá ñɨvɨ ráa. Soo máá naáꞌ vá káchíꞌ ni̱ꞌ nu̱u̱nꞌ rán ya̱ nɨꞌɨ ta̱ꞌvi̱ꞌ ya̱ ni̱ꞌi̱nꞌ ráa ví kua̱chi nákuetúꞌún ñɨvɨ ráa, jee nsú ta̱ꞌvi̱ꞌ jiáꞌa Ndiosíꞌ.

Mateo 5:20

Chi káchíꞌ ni̱ꞌ nu̱u̱nꞌ rán ya̱ íyó kino̱o na̱a̱ꞌ rán ka̱ꞌ sáni kuíni Ndiosíꞌ nsú káꞌ rá te̱e xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ yanaꞌán, jín rá te̱e yɨ́ꞌɨ́ ñujiínꞌ fariseo, soo retú ntu̱ví jee ni nsáꞌ ki̱vɨ rán naꞌá Ndiosíꞌ nééꞌ antivɨ́ súkún ya̱ tátúníꞌ re̱ꞌ nu̱u̱nꞌ rán.