Lucas 17:33 - Mixteco del suroeste de Tlaxiaco Oaxaca

³³ Chi néni ɨɨn ñɨvɨ ya̱ ntu níkɨ́nꞌ nuꞌuꞌ núkú‑u kutekuꞌ va̱ꞌa jín ya̱ kaku‑u nu̱u̱nꞌ tu̱nóꞌó kiji nu̱u̱nꞌ‑u jie̱ꞌe̱ꞌ níkɨ́nꞌ‑ɨ nuꞌuꞌ, jee sukuíta‑a kutekuꞌ‑u jín Ndiosíꞌ. Soo néni ɨɨn ñɨvɨ ya̱ níkɨ́nꞌ‑ɨ nuꞌuꞌ súka̱ꞌ nóꞌo‑o tu̱nóꞌó ne̱ kuviꞌ‑i jie̱ꞌe̱ꞌ níkɨ́nꞌ‑ɨ nuꞌuꞌ, jee ka̱ku nijia‑a chi ni̱ꞌi̱nꞌ‑i ya̱ kutekuꞌ‑u nɨ́ɨ́nkání jín Ndiosíꞌ saꞌá re̱ꞌ.

Lucas 17:33 Referans Kwoze

Juan 12:25

Jee sukuán koo jín ránoꞌó chi ɨɨn ñɨvɨ ya̱ ñúnúunꞌ‑u maáa ni, jee sukuán kenta sukuíta‑a maáa nu̱u̱nꞌ Ndiosíꞌ. Jee ɨɨn ñɨvɨ ya̱ táꞌvi iniꞌ‑i néꞌyá‑a na̱sa níyo iniꞌ‑i rá nantíñú ñɨ̱vɨ́ yaꞌá, jee ni̱ꞌi̱nꞌ‑i ya̱ kutekuꞌ‑u nɨ́ɨ́nkání jín Ndiosíꞌ.

Mateo 10:39

Jee ɨɨn ñɨvɨ ya̱ jiáꞌnu‑u sáni ya̱ va̱ꞌa nu̱u̱nꞌ maáa sáva ka̱ku‑u nu̱u̱nꞌ tu̱nóꞌó kiji nu̱u̱nꞌ‑u jie̱ꞌe̱ꞌ níkɨ́nꞌ‑ɨ nuꞌuꞌ, jee sukuíta‑a kutekuꞌ‑u jín Ndiosíꞌ. Soo ɨɨn ñɨvɨ ya̱ níkɨ́nꞌ‑ɨ nuꞌuꞌ súka̱ꞌ nóꞌo‑o tu̱nóꞌó ne̱ kuviꞌ‑i jie̱ꞌe̱ꞌ níkɨ́nꞌ‑ɨ nuꞌuꞌ, jee ka̱ku nijia‑a chi ni̱ꞌi̱nꞌ‑i ya̱ kutekuꞌ‑u jín Ndiosíꞌ.

Mateo 16:25

Chi néni ɨɨn ñɨvɨ ya̱ ntu níkɨ́nꞌ nuꞌuꞌ chi níyo iniꞌ‑i kutekuꞌ va̱ꞌa jín ya̱ kaku‑u tu̱nóꞌó kiji nu̱u̱nꞌ‑u jie̱ꞌe̱ꞌ níkɨ́nꞌ‑ɨ nuꞌuꞌ, jee sukuíta‑a ya̱ kutekuꞌ jín Ndiosíꞌ. Soo néni ɨɨn ñɨvɨ ya̱ níkɨ́nꞌ‑ɨ nuꞌuꞌ súka̱ꞌ nóꞌo‑o tu̱nóꞌó ne̱ kuviꞌ‑i jie̱ꞌe̱ꞌ níkɨ́nꞌ‑ɨ nuꞌuꞌ jín jie̱ꞌe̱ꞌ tɨ́ɨn‑ɨ tu̱ꞌun váꞌa ni̱ꞌ, jee ka̱ku nijia‑a chi ni̱ꞌi̱nꞌ‑i ya̱ kutekuꞌ‑u jín Ndiosíꞌ.

Apoclipsis 2:10

Soo koto yúꞌví rán jie̱ꞌe̱ꞌ rá tu̱nóꞌó kunoꞌo rán. Chi kui̱ꞌna̱ꞌ kúñáꞌnú, jee saꞌá‑a ya̱ chiꞌi ñɨvɨ sava ránoꞌó veka̱a sáva kototúníꞌ‑i ránoꞌó retú kunikɨnꞌ nijia rán nuꞌuꞌ áxí ntu̱ví, jee kunoꞌo rán tu̱nóꞌó u̱ji̱ꞌ ki̱vɨ̱ꞌ. Soo kuiñɨ ni̱ꞌin rán sikúnkuvi na̱a̱ꞌ rán súka̱ꞌ ne̱ kuviꞌ rán, saájee taji ni̱ꞌ ta̱ꞌvi̱ꞌ nu̱u̱nꞌ rán, ya̱ suvi kuvi ya̱ ni̱ꞌi̱nꞌ rán ya̱ saꞌá Ndiosíꞌ ya̱ kutekuꞌ rán jín ni̱ꞌ nɨ́ɨ́nkání.

Lucas 17:34

Chi káchíꞌ ni̱ꞌ nu̱u̱nꞌ rán ya̱ yakuááꞌ ki̱vɨ̱ꞌ yukuán nenta ni̱ꞌ, jee nu̱u̱nꞌ kíxíꞌ nkáá u̱vi̱ꞌ ñɨvɨ ɨɨn nu̱u̱nꞌ íto, jee ɨɨn ráa nakeꞌen ni̱ꞌ jee inka ka̱ꞌ kino̱o.