Lucas 17:2 - Mixteco del suroeste de Tlaxiaco Oaxaca

² Chi va̱ꞌa ka̱ꞌ kúvi‑i retánꞌ sukuán jee kunuꞌniꞌ su̱ku̱nꞌ‑u ɨɨn yu̱u̱ꞌ molínúꞌ máá káꞌnú jee kɨ̱sikéne maa nu̱u̱nꞌ nteñúꞌún, nsú káꞌ retú xinínkava‑a ɨɨn rá su̱chí lúlí yaꞌá xinóo‑o ichi nuꞌuꞌ.

Lucas 17:2 Referans Kwoze

Marcos 9:42

’Ré íyó ɨɨn su̱chí lúlí suꞌva ya̱ kúneí iniꞌ‑i nuꞌuꞌ, jee néni ɨɨn ñɨvɨ xinínkava ɨɨn rá su̱chí lúlí yaꞌá xinóo‑o ichi nuꞌuꞌ, jee íyó va̱ꞌa ka̱ꞌ ré kuꞌniꞌ su̱ku̱nꞌ ñɨvɨ vá nu̱u̱nꞌ ɨɨn yu̱u̱ꞌ molínúꞌ máá káꞌnú ya̱ síkótíyu burrúꞌ maa, jee sikéne ráa ñɨvɨ vá nu̱u̱nꞌ nteñúꞌún.

Mateo 18:14

Jee suni sukuán, ntu̱ví kuíni Tátáꞌ rán ya̱ nééꞌ antivɨ́ súkún, ya̱ kinaanꞌ ni ɨɨn rá su̱chí lúlí yaꞌá.

Mateo 18:10

’Jee koto kúníichiꞌ iniꞌ rán ni ɨɨn rá su̱chí lúlí yaꞌá. Chi nuꞌuꞌ káchíꞌ ni̱ꞌ nu̱u̱nꞌ rán, ya̱ rá najiáꞌáꞌ ííꞌ ya̱ íyó ne̱ antivɨ́ súkún, ya̱ kúmí ráa rá su̱chí lúlí yaꞌá, jee sukuáni íñɨ́ rá najiáꞌáꞌ vá ichinúúnꞌ Tátáꞌ ni̱ꞌ ya̱ íyó ne̱ antivɨ́ súkún nákani ráa jie̱ꞌe̱ꞌ rává.

1 Corintios 9:22

Jee sáá nééꞌ ni̱ꞌ jín rá ñaniꞌ‑ó ya̱ táyáꞌ iniꞌ tu̱jiáni iniꞌ ráa jie̱ꞌe̱ꞌ ya̱ ntiáꞌan kujia iniꞌ ráa nu̱u̱nꞌ Tu̱ꞌun Ndiosíꞌ, jee suni sukuán jiáꞌnu ni̱ꞌ sáni jiáꞌnu maáráa ya̱ táyáꞌ iniꞌ, sáva ni̱ꞌi̱nꞌ ni̱ꞌ ya̱ sijínúꞌ ni̱ꞌ iniꞌ ráa tu̱ꞌun vá. Jee sukuán násaꞌá ni̱ꞌ maáníꞌ, chi jiáꞌnu ni̱ꞌ sánikua̱ꞌ jiáꞌnu ntáká nu̱u̱nꞌ ñɨvɨ, sáva sú na̱ja ka̱ꞌ kuneí sijínúꞌ ni̱ꞌ iniꞌ sava ráa ji̱nu̱ꞌ iniꞌ ráa Jesús jee natavaꞌ re̱ꞌ ráa nu̱u̱nꞌ kua̱chi ráa sikáku re̱ꞌ ráa.

Mateo 26:24

Nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, máá naáꞌ nijia kɨ̱ꞌɨ̱nꞌ ni̱ꞌ kuviꞌ ni̱ꞌ sánikua̱ꞌ ya̱ níso nu̱u̱nꞌ Tutuꞌ níso Tu̱ꞌun Ndiosíꞌ jie̱ꞌe̱ꞌ nuꞌuꞌ, soo ¡na̱ ka̱ꞌ xe̱e̱nꞌ náꞌví ka̱ꞌ te̱e vá ya̱ naku̱ꞌva‑a nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ! Va̱ꞌa ka̱ꞌ retánꞌ ntu nkáku te̱e yukuán nékúvi, [chi xe̱e̱nꞌ kunoꞌo re̱ꞌ] ―nkachiꞌ Jesús.

1 Corintios 9:15

Soo nuꞌuꞌ chi ni ntu̱náꞌ ni̱ka̱nꞌ ni̱ꞌ ya̱ taji rán nu̱u̱nꞌ ni̱ꞌ ya̱ íyó ni̱ꞌi̱nꞌ ni̱ꞌ ya̱ taji rán ya̱ kutekuꞌ ni̱ꞌ. Jee ntu tée ni̱ꞌ tu̱ꞌun yaꞌá nu̱u̱nꞌ rán sáva sukuán taji rán ya̱ kutekuꞌ ni̱ꞌ. Chi va̱ꞌa ka̱ꞌ ví nu̱u̱nꞌ nuꞌuꞌ ya̱ retánꞌ kuviꞌ ni̱ꞌ nsú ká kasɨꞌ ɨɨn ñɨvɨ nu̱u̱nꞌ nuꞌuꞌ ya̱ kúvi káꞌánꞌ téyɨ́ɨ́ ni̱ꞌ jie̱ꞌe̱ꞌ ya̱ ntu níꞌínꞌ ni̱ꞌ ya̱ kutekuꞌ ni̱ꞌ nu̱u̱nꞌ rán.

Juan 21:15

Sáá nkuvi nya̱siniꞌ ráa, jee nkachiꞌ Jesús nu̱u̱nꞌ Simón Pedro: ―Simón, se̱ꞌya Jonás, ¿á ñúnúunꞌ nú ka̱ꞌ nuꞌuꞌ nsú káꞌ rá yaꞌá? Jee nkachiꞌ Pedro nu̱u̱nꞌ re̱ꞌ: ―Saá I̱toꞌoꞌ, ya̱ jíníꞌ nú ya̱ ñúnúunꞌ ni̱ꞌ noꞌó. Jee nkachiꞌ Jesús nu̱u̱nꞌ re̱ꞌ: ―Kumí rá ñɨvɨ yɨ́ꞌɨ́ xi̱ntíín ni̱ꞌ ya̱ kúvi kuéntáꞌ rá lanchi lúlí ni̱ꞌ.

Mateo 17:27

Soo sáva ntu chuníní‑ó iniꞌ ráa, saáva kuáꞌán yúnteñúꞌún, jee sikéne yoꞌo núꞌníꞌ ka̱a lúlí ya̱ tɨ́ɨn tia̱ká nu̱u̱nꞌ nute, jee tia̱ká xíꞌnañúꞌún ya̱ tɨɨn ka̱a vá, jee tavaꞌ ti̱ꞌ, jee nikaꞌ nú yuꞌú ti̱ꞌ, jee yukuán naniꞌinꞌ nú ɨɨn xu̱ꞌún, jee tɨɨn maa chunáán nú nu̱u̱nꞌ rá te̱e vá, sáva kasɨꞌ nú nu̱u̱nꞌ nuꞌuꞌ jín nu̱u̱nꞌ noꞌó ―nkachiꞌ Jesús.