Lucas 11:40 - Mixteco del suroeste de Tlaxiaco Oaxaca

⁴⁰ Ránoꞌó te̱e naanꞌ, máá Ndiosíꞌ ya̱ nsa̱ꞌá re̱ꞌ ñunéꞌyúꞌ nú ya̱ túvi nijinꞌ, ¿á nsáꞌ maáréꞌ suni nsa̱ꞌá re̱ꞌ ta̱chi̱ꞌ káꞌánꞌ ya̱ ñúꞌún iniꞌ nú?

Lucas 11:40 Referans Kwoze

Lucas 12:20

Soo nkachiꞌ Ndiosíꞌ nu̱u̱nꞌ re̱ꞌ: “Te̱e naanꞌ, chi yakuááꞌ vitan kinake̱ꞌen ni̱ꞌ ánímaꞌ nú, jee rá nsa̱ꞌá stákoo nú, ¿né ɨɨn vá kuvi maa rúja?”, nkachiꞌ Ndiosíꞌ nu̱u̱nꞌ te̱e vá.

1 Corintios 15:36

Na̱ ka̱ꞌ naanꞌ ka̱ꞌ jiáni iniꞌ ñɨvɨ vá, chi kúvi kuéntáꞌ kúvi jín nikɨn tataꞌ ya̱ chíꞌi nú chi̱ji ñuꞌun, chi kéne yuku‑u soo xíꞌna íyó kuviꞌ ku̱ñu nikɨn vá.

Mateo 23:26

’¡Ránoꞌó fariseo, te̱e kuáá ví rán! Xíꞌna ka̱ꞌ íyó saꞌá noo rán ánímaꞌ rán, kuéntáꞌ kua̱ꞌ násánoo iniꞌ ɨɨn vasúꞌ, saájee tu̱vi nijinꞌ ya̱ nno̱noo kua̱íyó rán nu̱u̱nꞌ rá ñɨvɨ.

Hebreos 12:9

Jee suni sukuán rá tátáꞌ‑ó nu̱u̱nꞌ kéne ñunéꞌyúꞌ‑ó jee náchuꞌun na̱a̱ꞌ ráa ichi yó, jee ni̱yo ya̱ ñáꞌnú nu̱u̱nꞌ‑ó néꞌyá‑ó ráa. Jee, ¿á nsáꞌ saꞌ víꞌí káꞌ vá íyó‑ó chiꞌi‑ó maáó naꞌá Ndiosíꞌ ya̱ kúvi Tátáꞌ‑ó táji ta̱chi̱ꞌ káꞌánꞌ‑ó jee kutekuꞌ‑ó nɨ́ɨ́nkání jín re̱ꞌ rúja?

Lucas 24:25

Saájee nkachiꞌ Jesús nu̱u̱nꞌ ráa: ―¡Na̱ ka̱ꞌ te̱e naanꞌ!, ya̱ kuéé ínúꞌ iniꞌ ánímaꞌ rán ntáká rá tu̱ꞌun ya̱ nkachiꞌ rá te̱e ya̱ nna̱kani tu̱ꞌun kene yuꞌú Ndiosíꞌ.

Mateo 23:17

¡Te̱e naanꞌ te̱e kuáá ví rán!, ¿né ɨɨn ví máá ñáꞌnú ka̱ꞌ: á oro vá áxí veñu̱ꞌun káꞌnú ya̱ sáꞌá‑a i̱i̱ꞌ oro vá rúja?

Génesis 2:7

Saájee jín ti̱ka̱cha̱a̱ꞌ ñuꞌun nsa̱ꞌá I̱toꞌoꞌ‑ó Ndiosíꞌ ɨɨn ñɨvɨ. Jee ntivɨꞌ ta̱chi̱ꞌ re̱ꞌ i̱xti̱nꞌ ñɨvɨ vá jín yo̱ko̱yuꞌú re̱ꞌ ya̱ stekúꞌ‑u ñɨvɨ vá, jee nkenta kúvi ñɨvɨ vá ɨɨn ya̱ tékúꞌ.

Génesis 1:26

Jee nkachiꞌ Ndiosíꞌ: “Saꞌá‑ó ñɨvɨ ya̱ koo ráa sánikua̱ꞌ íyó‑ó, ya̱ naku ráa iniꞌ‑ó. Saꞌá‑ó ya̱ kuneí ráa kosoꞌ ráa nu̱u̱nꞌ rá tia̱ká íyó nu̱u̱nꞌ nteñúꞌún, jín nu̱u̱nꞌ rá kitɨ ya̱ jíkó rátíꞌ súkún, jín nu̱u̱nꞌ ntáká nu̱u̱nꞌ rá kitɨ, jín nu̱u̱nꞌ nɨꞌɨ ñɨ̱vɨ́, jín nu̱u̱nꞌ nɨꞌɨ rá kitɨ líꞌí ya̱ síúꞌun maáa nu̱u̱nꞌ ñu̱ꞌún.”