Lucas 11:36 - Mixteco del suroeste de Tlaxiaco Oaxaca

³⁶ Jee saáva, retú ñúꞌún tu̱ꞌun váꞌa ni̱ꞌ iniꞌ ánímaꞌ rán, kuéntáꞌ túúnꞌ nuva ñuꞌunꞌ nu̱u̱nꞌ nɨꞌɨ iniꞌ nú, jee ntu̱náꞌ íyó neenꞌ iniꞌ ánímaꞌ nú, chi túúnꞌ tu̱ꞌun vá nɨꞌɨ iniꞌ nú, kuéntáꞌ stúúnꞌ nuva ñuꞌunꞌ nu̱u̱nꞌ nú ―nkachiꞌ Jesús

Lucas 11:36 Referans Kwoze

2 Corintios 4:6

Chi Ndiosíꞌ ví ya̱ nta̱túníꞌ re̱ꞌ ya̱ tu̱u̱nꞌ ñuꞌunꞌ nu̱u̱nꞌ neenꞌ sáá nsa̱ꞌá re̱ꞌ ñɨ̱vɨ́. Suni maá Ndiosíꞌ ví ya̱ stúúnꞌ re̱ꞌ iniꞌ ánímaꞌ‑ó sáva tu̱u̱nꞌ iniꞌ ánímaꞌ‑ó ya̱ kuniꞌ‑ó ya̱ viiꞌ nasɨ́kuitɨꞌ kúñáꞌnú re̱ꞌ chi jíníꞌ‑ó iniꞌ Jesús ya̱ kúvi Cristo, kuéntáꞌ jiánu̱te̱ꞌ nu̱u̱nꞌ re̱ꞌ.

2 Pedro 3:18

Chisaꞌ íyó kujia iniꞌ rán kueꞌnu rán jín Jesús ya̱ kúvi Cristo ya̱ máníꞌ iniꞌ re̱ꞌ chineí re̱ꞌ ka̱ꞌ ránoꞌó jee íyó kujia iniꞌ rán ka̱ꞌ jín tu̱ꞌun re̱ꞌ sáva kuniꞌ rán ka̱ꞌ iniꞌ re̱ꞌ. Jesús ví ya̱ nna̱tavaꞌ re̱ꞌ yó nu̱u̱nꞌ kua̱chi‑ó nsi̱káku re̱ꞌ yó. Nákuetúꞌún‑ó re̱ꞌ vitan jín nɨ́ɨ́nkání. Sukuán koo. Amén.

Colosenses 3:16

Saájee íyó kuꞌun kutú nasɨ́kuitɨꞌ ka̱ꞌ tu̱ꞌun jie̱ꞌe̱ꞌ Cristo iniꞌ ánímaꞌ rán, jee suꞌva xinéꞌénꞌ rán jee nakutíñú rán nu̱u̱nꞌ rá táꞌán rán jín nta̱ká tu̱ꞌun níchí. Jee ne̱ jín ánímaꞌ rán kata rán nu̱u̱nꞌ rá yaaꞌ Tu̱ꞌun Ndiosíꞌ naní salmo, jín rá yaaꞌ himno ya̱ nákuetúꞌún rán Cristo, jín rá yaaꞌ ííꞌ jie̱ꞌe̱ꞌ Ndiosíꞌ, jee nakuatáꞌví rán re̱ꞌ.

Santiago 1:25

Soo ɨɨn ñɨvɨ chúꞌun iniꞌ‑i tu̱ꞌun ley na̱a̱ꞌ Jesús, ya̱ sáꞌá‑a ya̱ nakui̱ñɨ̱ꞌ núne‑ó nkɨ́ꞌɨ‑ó nu̱u̱nꞌ kua̱chi‑ó, jee nákuíñɨꞌ ni̱ꞌin‑i, jee nsáꞌ kua̱chi tésóꞌo‑o tu̱ꞌun vá, jee nsáꞌ náánꞌ iniꞌ‑i tu̱ꞌun vá, chisaꞌ sáꞌá‑a ya̱ káchíꞌ tu̱ꞌun vá, saájee na̱ ka̱ꞌ netuꞌ ka̱ꞌ kúvi ñɨvɨ vá jín ya̱ sáꞌá‑a.

Hebreos 5:14

Chisaꞌ rá ñɨvɨ jíjia iniꞌ ráa nu̱u̱nꞌ Tu̱ꞌun Ndiosíꞌ jee kuéntáꞌ yájíꞌ ráa neyu, chi súkuáꞌa ráa kueꞌnu na̱a̱ꞌ ráa, sáva koo tu̱ꞌva ráa ka̱ji ánímaꞌ ráa jie̱ꞌe̱ꞌ ya̱ váꞌa jín ya̱ niváꞌa.

Efesios 4:14

Sáva nkúvi‑ó ka̱ꞌ kuéntáꞌ rá súchí lúlí ya̱ ntu ɨɨn ni jiáni iniꞌ ráa, jee sáva ntu kúvi‑ó ka̱ꞌ kuéntáꞌ ɨɨn nantíñú xínó xíníji ta̱chi̱ꞌ víjin chínaꞌá‑a cháꞌá chúkuán ya̱ súkuíkó‑o, chi nsáꞌ síkívɨ inka tu̱ꞌun ka̱ꞌ maáó yaꞌá yukuán, ya̱ xínéꞌénꞌ rá te̱e xínáꞌví cháꞌá chúkuán, ya̱ nito nasɨ́kuitɨꞌ íyó ráa jee máñáꞌ ráa jín tu̱ꞌun jíta xínéꞌénꞌ ráa.

Mateo 13:52

Saájee nkachiꞌ re̱ꞌ nu̱u̱nꞌ ráa: ―Saáva ntáká te̱e kúvi mestrúꞌ xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ, jee súkuáꞌa ráa tu̱ꞌun ni̱ꞌ, jee ki̱vɨ ráa xi̱ntíín Ndiosíꞌ nééꞌ antivɨ́ tátúníꞌ re̱ꞌ nu̱u̱nꞌ ráa, jee kúvi ráa kuéntáꞌ ɨɨn te̱e kúvi i̱toꞌoꞌ xí veꞌi, ya̱ nteñu rá nantíñú yɨ́yáꞌvi chúꞌun va̱ꞌa‑a nátavaꞌ‑a rá nantíñú jiáá jín rá nantíñú túꞌú.

Mateo 5:15

Jee suni ntu nátee ñɨvɨ ñuꞌunꞌ ɨɨn kantil jee túví‑i vá chi̱ji ɨɨn ñenkóꞌó, chisaꞌ chísó súkún‑u vá, sáva kutuunꞌ‑u nu̱u̱nꞌ nɨꞌɨ rá ñɨvɨ nééꞌ iniꞌ veꞌi.

Lucas 11:35

Saáva kumí nú maánú ya̱ tu̱u̱nꞌ tu̱ꞌun va̱ꞌa ni̱ꞌ iniꞌ ánímaꞌ nú jee ntu íyó koo neenꞌ ánímaꞌ nú.

Lucas 11:37

Jee sáá nkuvi nkaꞌanꞌ Jesús, jee ɨɨn te̱e yɨ́ꞌɨ́ ñujiínꞌ fariseo ni̱ka̱nꞌ táꞌvíꞌ‑i nu̱u̱nꞌ Jesús ya̱ kɨ̱kajiꞌ‑i jín re̱ꞌ neyu veꞌi‑i. Jee nki̱vɨ re̱ꞌ iniꞌ veꞌi‑i, jee ña̱kuneeꞌ re̱ꞌ yuꞌú mesa kajiꞌ re̱ꞌ.