Lucas 11:28 - Mixteco del suroeste de Tlaxiaco Oaxaca

²⁸ Jee nkachiꞌ Jesús: ―¡Ntu̱ví! Chisaꞌ na̱ ka̱ꞌ netuꞌ ka̱ꞌ kúvi rá ñɨvɨ ya̱ tésóꞌo ráa Tu̱ꞌun Ndiosíꞌ, jee síkúnkuvi ráa maa ―nkachiꞌ re̱ꞌ.

Lucas 11:28 Referans Kwoze

Lucas 8:21

Jee nna̱xiníkó Jesús: ―Nánáꞌ ni̱ꞌ jín rá ñaniꞌ ni̱ꞌ kúvi rá ñɨvɨ ya̱ tésóꞌo ráa Tu̱ꞌun Ndiosíꞌ jee síkúnkuvi ráa maa ―nkachiꞌ re̱ꞌ.

Juan 13:17

Retú jiáku̱ꞌun iniꞌ rán rá tu̱ꞌun yaꞌá, jee na̱ ka̱ꞌ va̱ꞌa ka̱ꞌ kúvi rán retú sikúnkuvi rán maa.

Apoclipsis 22:14

Saáva na̱ ka̱ꞌ netuꞌ ka̱ꞌ kuvi rá ñɨvɨ ya̱ nasánoo ráa iniꞌ ánímaꞌ ráa nu̱u̱nꞌ ya̱ níváꞌa, jee yukuán kúvi kuéntáꞌ nakete ráa saꞌma ráa. Jee sukuán íyó ni̱ꞌi̱nꞌ ráa ya̱ kuvi kajiꞌ ráa ya̱ vixíꞌ kúun yutun ya̱ sáꞌá ya̱ kutekuꞌ ráa nɨ́ɨ́nkání yukuán, jee íyó ni̱ꞌi̱nꞌ ráa ya̱ kuvi ki̱vɨ ráa rá yuvéꞌí ñuunꞌ ííꞌ yukuán.

Apoclipsis 1:3

Jee na̱ ka̱ꞌ netuꞌ kuvi ɨɨn ñɨvɨ ya̱ káꞌvi rá tu̱ꞌun níso nu̱u̱nꞌ tutuꞌ yaꞌá ya̱ nkene yuꞌú máá maá Ndiosíꞌ, jín rá ñɨvɨ tésóꞌo maa, jee chúꞌun iniꞌ ráa rá tu̱ꞌun níso nu̱u̱nꞌ tutuꞌ yaꞌá. Chi ya̱ kua̱kuyatin tiempúꞌ ya̱ koo ntáká rá tiñu ya̱ nééꞌ nu̱u̱nꞌ tutuꞌ yaꞌá.