Lucas 11:26 - Mixteco del suroeste de Tlaxiaco Oaxaca

²⁶ Saájee kɨ̱ꞌɨ̱nꞌ ta̱chi̱ꞌ kíni vá, kɨ̱nake̱ꞌen‑e u̱xa̱ꞌ ka̱ꞌ rá táꞌán ta̱chi̱ꞌ kíni ya̱ xe̱e̱nꞌ ka̱ꞌ nsú káꞌ maáa, jee ki̱vɨ ráa iniꞌ ñɨvɨ vá kuneeꞌ ráa yukuán. Saájee xe̱e̱nꞌ nasɨ́kuitɨꞌ ka̱ꞌ nakunoꞌo ñɨvɨ vá nsú káꞌ kua̱ꞌ nnoꞌo‑o ne̱ xíꞌna ―nkachiꞌ Jesús.

Lucas 11:26 Referans Kwoze

Juan 5:14

Jee sáá njia̱ꞌa rá tiñu yukuán jee nna̱ketáꞌán Jesús re̱ꞌ chíkéꞌi iniꞌ veñu̱ꞌun káꞌnú, jee nkachiꞌ Jesús nu̱u̱nꞌ re̱ꞌ: ―Kune̱ꞌyá, chi ya̱ nnuvi va̱ꞌa nú. Jee koto sáꞌá nú ka̱ꞌ kua̱chi, sáva nkíji inka ka̱ꞌ tu̱nóꞌó manéátúꞌún kunoꞌo nú ―nkachiꞌ Jesús.

Mateo 12:45

Saájee kɨ̱ꞌɨ̱nꞌ ta̱chi̱ꞌ kíni vá, kɨ̱nake̱ꞌen‑e u̱xa̱ꞌ ka̱ꞌ rá táꞌán ta̱chi̱ꞌ kíni ya̱ xe̱e̱nꞌ ka̱ꞌ nsú káꞌ maáa, jee ki̱vɨ ráa iniꞌ ñɨvɨ vá kuneeꞌ ráa yukuán. Saájee xe̱e̱nꞌ nasɨ́kuitɨꞌ ka̱ꞌ nakunoꞌo ñɨvɨ vá nsú káꞌ kua̱ꞌ nnoꞌo‑o ne̱ xíꞌna. Jee suni sukuán kunoꞌo rá ñɨvɨ níváꞌa íyó yaꞌá tiempúꞌ vitan ―nkachiꞌ Jesús.

1 Juan 5:16

Retú néni ɨɨn rán néꞌyá‑a ya̱ sáꞌá ɨɨn ñanitáꞌán‑a kua̱chi, ya̱ nsáꞌ sáꞌá kua̱chi vá ya̱ koo kuéntáꞌ kuviꞌ ñanitáꞌán vá nu̱u̱nꞌ Ndiosíꞌ, jee ka̱ka̱nꞌ táꞌvíꞌ‑i nu̱u̱nꞌ Ndiosíꞌ jie̱ꞌe̱ꞌ ñanitáꞌán vá. Jee Ndiosíꞌ saꞌá ya̱ koo kuéntáꞌ natekuꞌ ñanitáꞌán vá nu̱u̱nꞌ re̱ꞌ, retú ntu kúvi kua̱chi ya̱ ni̱ꞌi̱nꞌ ñanitáꞌán vá ya̱ kuviꞌ‑i nu̱u̱nꞌ re̱ꞌ. Chi íyó kua̱chi ya̱ jíꞌíꞌ ñɨvɨ nu̱u̱nꞌ Ndiosíꞌ. Jee nsáꞌ káchíꞌ ni̱ꞌ ya̱ ka̱ka̱nꞌ táꞌvíꞌ rán jie̱ꞌe̱ꞌ rá ñɨvɨ ya̱ sáꞌá kua̱chi yaꞌá.

Mateo 23:15

’¡Na̱ ka̱ꞌ xe̱e̱nꞌ kunoꞌo rán ka̱ꞌ ránoꞌó, te̱e xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ, jín ránoꞌó te̱e kúvi fariseo!, ¡chi te̱e sansuꞌva kúvi rán! Chi ránoꞌó, jee jíkanuun rán nɨ́ɨ́nkáꞌnú, va̱ni nu̱u̱nꞌ nteñúꞌún, va̱ni nu̱u̱nꞌ ñuíchí núkú rán ɨɨn ñɨvɨ síjínúꞌ rán iniꞌ‑i rá tu̱ꞌun xinéꞌénꞌ maárán, jee retú kúneí rán síjínúꞌ rán iniꞌ ñɨvɨ vá, jee síkúniso rán ka̱ꞌ kua̱chi si̱kɨ̱ꞌ‑ɨ ya̱ ne̱ u̱vi̱ꞌ íchí ka̱ꞌ íyó ni̱ꞌi̱nꞌ‑i ya̱ kɨ̱ꞌɨ̱nꞌ‑ɨ nu̱u̱nꞌ ñúꞌúnꞌ xéénꞌ nsú káꞌ íyó kɨ̱ꞌɨ̱nꞌ ránoꞌó nu̱u̱nꞌ ñúꞌúnꞌ xéénꞌ.

Lucas 11:25

Jee sáá nnenta‑a, jee nna̱niꞌinꞌ‑i ñɨvɨ vá nu̱u̱nꞌ nyɨ́ꞌɨ‑ɨ vá, kuéntáꞌ ɨɨn veꞌi núne, ya̱ ya nna̱stá, ya̱ íyó ñunkúún‑u.

Lucas 11:27

Jee ni káꞌánꞌ i̱i̱ꞌ ka̱ꞌ Jesús rá tu̱ꞌun yaꞌá, jee ɨɨn rá ñaꞌan ya̱ íñɨ́ ña nteñu rá ñɨvɨ kue̱ꞌe̱ꞌ vá, nka̱najíín ña, jee nkachiꞌ ña nu̱u̱nꞌ Jesús: ―Na̱ ka̱ꞌ netuꞌ ka̱ꞌ kúvi ñaꞌan ya̱ nsta̱ꞌvíꞌ ña noꞌó, jee nsi̱káxínꞌ ña noꞌó ―nkachiꞌ ñaꞌan vá.