Lucas 1:45 - Mixteco del suroeste de Tlaxiaco Oaxaca

⁴⁵ ¡Na̱ ka̱ꞌ netuꞌ ka̱ꞌ kúvi nú ya̱ ni̱nu̱ꞌ iniꞌ nú chi sikúnkuvi I̱toꞌoꞌ‑ó Ndiosíꞌ ya̱ nkachiꞌ re̱ꞌ nu̱u̱nꞌ nú! ―nkachiꞌ Elisabet.

Lucas 1:45 Referans Kwoze

Juan 20:29

Jee nkachiꞌ Jesús nu̱u̱nꞌ re̱ꞌ: ―Tomás, ¿á jínúꞌ iniꞌ nú chi niniꞌ nú nuꞌuꞌ? Na̱ ka̱ꞌ netuꞌ ka̱ꞌ kúvi rá ñɨvɨ ya̱ ntu néꞌyá ráa nuꞌuꞌ jee kúneí iniꞌ ránuꞌuꞌ.

Juan 11:40

Soo nkachiꞌ Jesús: ―¿Á nsáꞌ nkachiꞌ ni̱ꞌ nu̱u̱nꞌ nú ya̱ retú jínúꞌ iniꞌ nú nuꞌuꞌ jee kuniꞌ nú ya̱ kúñáꞌnú nasɨ́kuitɨꞌ ví Ndiosíꞌ? ―nkachiꞌ Jesús.

Lucas 1:20

Soo vitan jee kasɨꞌ ta̱chi̱ꞌ nú kuñɨ́ꞌɨ́nꞌ nú jee ni nsáꞌ kuvi kaꞌanꞌ nú ne̱kua̱ꞌ kenta máá ki̱vɨ̱ꞌ kuvi yaꞌá ya̱ nkachiꞌ ni̱ꞌ, chi ntu nínúꞌ iniꞌ nú rá tu̱ꞌun ya̱ nkachiꞌ ni̱ꞌ. Jee tu̱ꞌun vá sikúnkuvi máá tiempúꞌ nka̱ji Ndiosíꞌ ―nkachiꞌ najiáꞌáꞌ ííꞌ vá.

Lucas 1:44

Kuniꞌ, ¡chi kua̱chi kuitɨꞌ sáá nteso̱ꞌo ni̱ꞌ ya̱ nkaꞌanꞌ nú nuꞌuꞌ jee né nna̱nava nchíkɨ́n ni̱ꞌ iniꞌ ni̱ꞌ ya̱ nku̱sɨ̱ɨ̱ꞌ iniꞌ‑i!

Lucas 1:48

Chi ntɨɨn kuéntáꞌ re̱ꞌ néꞌyá re̱ꞌ nuꞌuꞌ ñaꞌan láꞌví, ya̱ kúvi ni̱ꞌ musúꞌ re̱ꞌ sikúnkuvi ni̱ꞌ ya̱ nkachiꞌ re̱ꞌ. Jee kuniꞌ, jee ne̱ vitan jín ne̱ ntáká tiempúꞌ ichinúúnꞌ ka̱ꞌ jee rá ñɨvɨ kutekuꞌ ráa, jee kachiꞌ ráa ya̱ na̱ ka̱ꞌ netuꞌ kúvi ni̱ꞌ,