Juan 8:48 - Mixteco del suroeste de Tlaxiaco Oaxaca

⁴⁸ Saájee nna̱xiníkó rá ñɨvɨ Israel, jee nkachiꞌ ráa nu̱u̱nꞌ Jesús: ―¿Á ntu su va̱tu̱ni káchíꞌ ránꞌ ya̱ kúvi nú ɨɨn te̱e ñuunꞌ Samaria, jín ya̱ yɨ́ꞌɨ́ ɨɨn kui̱ꞌna̱ꞌ iniꞌ nú? ―nkachiꞌ ráa.

Juan 8:48 Referans Kwoze

Juan 7:20

Jee nna̱xiníkó rá ñɨvɨ kue̱ꞌe̱ꞌ vá nu̱u̱nꞌ Jesús, jee nkachiꞌ ráa: ―Ta̱chi̱ꞌ kíni yɨ́ꞌɨ́ noꞌó. ¿Né ɨɨn níꞌvɨ́ꞌ iniꞌ‑i kaꞌniꞌ‑i noꞌó?

Juan 8:52

Saájee rá te̱e kúñáꞌnú nu̱u̱nꞌ rá ñɨvɨ Israel nkachiꞌ ráa nu̱u̱nꞌ Jesús: ―Vitan jee jíníꞌ va̱ꞌa rán ya̱ yɨ́ꞌɨ́ ta̱chi̱ꞌ kíni iniꞌ nú. Chi Abraham jee ni̱ꞌi̱ꞌ‑i, jín suni rá te̱e nna̱kani ráa tu̱ꞌun nkene yuꞌú Ndiosíꞌ ne̱ yanaꞌán, jee suni ni̱ꞌi̱ꞌ ráa. Jee noꞌó chi káchíꞌ nú ya̱: “Néni ɨɨn ñɨvɨ ya̱ chuꞌun iniꞌ tu̱ꞌun ni̱ꞌ, jee ni̱ꞌ nsáꞌ kuviꞌ‑i”, káchíꞌ nú.

Juan 10:20

Jee kue̱ꞌe̱ꞌ ráa nkachiꞌ: ―Ta̱chi̱ꞌ kini yɨ́ꞌɨ́ iniꞌ re̱ꞌ, jee sáná xíniꞌ re̱ꞌ vá káꞌánꞌ re̱ꞌ sukuán. ¿Na̱ kuvi chi tésóꞌo rán nu̱u̱nꞌ káꞌánꞌ re̱ꞌ? ―nkachiꞌ ráa.

Juan 4:9

Saájee ñaꞌan ñuunꞌ Samaria vá nkachiꞌ ña nu̱u̱nꞌ Jesús: ―Noꞌó ya̱ kúvi nú te̱e Israel jee, ¿na̱ja chi jíkánꞌ nú nute koꞌo nú nu̱u̱nꞌ nuꞌuꞌ ya̱ kúvi ni̱ꞌ ɨɨn ñaꞌan ñuunꞌ Samaria rúja? ―nkachiꞌ ña sukuán chi rá ñɨvɨ Israel jín rá ñɨvɨ Samaria jee ntu káꞌánꞌ ma̱ni̱ꞌ ráa.

Mateo 15:7

¡Te̱e sansuꞌva ni kuvi rán! Máá nááꞌ vá nkachiꞌ Isaías sáá nna̱kani re̱ꞌ tu̱ꞌun nkene yuꞌú Ndiosíꞌ yanaꞌán, jie̱ꞌe̱ꞌ ránoꞌó suꞌva:

Mateo 12:24

Soo sáá nteso̱ꞌo rá te̱e yɨ́ꞌɨ́ ñujiínꞌ fariseo tu̱ꞌun yaꞌá, jee nkachiꞌ ráa: ―Te̱e yaꞌá chi, nsú Ndiosíꞌ chíneí‑i maáréꞌ táváꞌ re̱ꞌ rá kui̱ꞌna̱ꞌ iniꞌ ñɨvɨ, chi kua̱chi táváꞌ re̱ꞌ rá kui̱ꞌna̱ꞌ jín fuersáꞌ njiáꞌa Beelzebú nu̱u̱nꞌ re̱ꞌ. Beelzebú, kúvi Satanás, i̱toꞌoꞌ rá kui̱ꞌna̱ꞌ ―nkachiꞌ ráa.

Mateo 10:25

Jee te̱e ya̱ kútúꞌva, íyó va̱ꞌani ya̱ kuvi re̱ꞌ kuéntáꞌ kua̱ꞌ mestrúꞌ re̱ꞌ. Jee suni sukuán ɨɨn musúꞌ, suni íyó va̱ꞌani retú kuvi re̱ꞌ kuéntáꞌ kua̱ꞌ i̱toꞌoꞌ‑o. Saáva retú kachiꞌ rá ñɨvɨ ya̱ i̱toꞌoꞌ xí veꞌi ví Beelzebú, ya̱ kúvi kui̱ꞌna̱ꞌ kúñáꞌnú, jee si̱kɨ̱ꞌ ká kaꞌanꞌ niva̱ꞌa ráa kune̱ꞌyá ráa rá ñɨvɨ táꞌán veꞌi re̱ꞌ.

Mateo 10:5

Jee ni uxúꞌ u̱vi̱ꞌ (12) rá te̱e yaꞌá nchu̱ichí Jesús ráa, jee nta̱túníꞌ re̱ꞌ nu̱u̱nꞌ ráa: ―Koto kívɨ rán rá ñuunꞌ nu̱u̱nꞌ nééꞌ rá ñɨvɨ ya̱ ntu kúvi ñɨvɨ Israel, jee suni koto kívɨ rán rá ñuunꞌ ñuꞌun Samaria.

Santiago 2:19

¿Á jínúꞌ iniꞌ nú ya̱ íyó métúꞌún ni Ndiosíꞌ? Va̱tu̱ni sáꞌá nú. Soo suni ne̱ rá ta̱chi̱ꞌ kíni jínúꞌ iniꞌ maa, jee ne̱ nɨ́ꞌɨn ráa ya̱ yúꞌví ráa.

Romanos 15:3

Chi ne̱ maá Cristo, jee nsáꞌ nsa̱ꞌá re̱ꞌ tiñu sáva kuva̱ꞌa iniꞌ maáréꞌ. Chisaꞌ nsa̱ꞌá re̱ꞌ sánikua̱ꞌ káchíꞌ tu̱ꞌun ya̱ níso nu̱u̱nꞌ Tutuꞌ Ííꞌ: “Ntáká tu̱ꞌun niváꞌa ya̱ ténúunꞌ ráa si̱kɨ̱ꞌ noꞌó jee nna̱kuniꞌi‑i si̱kɨ̱ꞌ ni̱ꞌ.”

Juan 13:13

Chi ránoꞌó jee káchíꞌ rán ya̱ Mestrúꞌ jín I̱toꞌoꞌ kúvi ni̱ꞌ. Soo va̱tu̱ni káchíꞌ nijia rán maa, chi maáníꞌ kúvi nijia sukuán.

Hebreos 13:13

Jee saáva íyó kene rán nu̱u̱nꞌ ñujiínꞌ jiáꞌnu rá ñɨvɨ ya̱ ntu ínúꞌ iniꞌ ráa Jesús jee íyó kuiñɨ ni̱ꞌin rán jín re̱ꞌ, kuéntáꞌ kene‑ó yuñúúnꞌ kɨ̱ꞌɨ̱nꞌ‑ó nu̱u̱nꞌ re̱ꞌ. Jee íyó keꞌneꞌ iniꞌ rán ya̱ jiáꞌa ñɨvɨ tu̱nkánuun nu̱u̱nꞌ rán jie̱ꞌe̱ꞌ kúneí iniꞌ rán Jesús.

Mateo 12:31

’Jee saáva káchíꞌ ni̱ꞌ nu̱u̱nꞌ rán ya̱ kúvi kunekáꞌnú iniꞌ Ndiosíꞌ jie̱ꞌe̱ꞌ ntáká nu̱u̱nꞌ kua̱chi sáꞌá rá ñɨvɨ, jín suni rá tu̱ꞌun níváꞌa káꞌánꞌ rá ñɨvɨ si̱kɨ̱ꞌ Ndiosíꞌ. Soo ni nsáꞌ kunekáꞌnú iniꞌ Ndiosíꞌ tu̱ꞌun káꞌánꞌ niva̱ꞌa rá ñɨvɨ si̱kɨ̱ꞌ Ta̱chi̱ꞌ Ííꞌ re̱ꞌ.

Mateo 11:18

Chi nkiji Juan, jee kue̱ꞌe̱ꞌ íchí nneeꞌ niteꞌ re̱ꞌ, ntu̱ví nyájíꞌ re̱ꞌ jee ni ntu̱ví níꞌi re̱ꞌ nixiꞌ, jee nkachiꞌ ráa: “Ta̱chi̱ꞌ kíni yɨ́ꞌɨ́ iniꞌ re̱ꞌ.”

Juan 1:19

Jee rá tee nísotíñú nu̱u̱nꞌ rá ñɨvɨ Israel nchu̱ichí ráa sava rá su̱tu̱ꞌ jín sava rá te̱e tataꞌ Leví, ya̱ sátíñú nu̱u̱nꞌ veñu̱ꞌun káꞌnú, ne̱ nu̱u̱nꞌ ñuunꞌ Jerusalén kɨ̱ꞌɨ̱nꞌ ráa nu̱u̱nꞌ Juan sáva katu̱ꞌún ráa re̱ꞌ: ―¿Né ɨɨn kúvi nú? Jee yaꞌá ví ya̱ naáꞌ njia̱ꞌa Juan.

Juan 8:22

Saájee rá te̱e kúñáꞌnú nu̱u̱nꞌ rá ñɨvɨ Israel nkachiꞌ ɨɨn inka ráa: ―¿Á kaꞌniꞌ máá te̱e yaꞌá maáa, ya̱ káchíꞌ‑i ya̱: “Nsáꞌ kuvi kɨ̱ꞌɨ̱nꞌ rán nu̱u̱nꞌ kɨ̱ꞌɨ̱nꞌ ni̱ꞌ kuneeꞌ ni̱ꞌ”? ―nkachiꞌ ráa.