Juan 8:37 - Mixteco del suroeste de Tlaxiaco Oaxaca

³⁷ Jíníꞌ ni̱ꞌ ya̱ ichiyúkúnꞌ kéne nu̱u̱nꞌ Abraham kúvi rán, soo sú sukuán íyó jee níꞌvɨ́ꞌ iniꞌ rán kaꞌniꞌ rán nuꞌuꞌ, chi ntu̱ví jiáꞌa rán ki̱vɨ tu̱ꞌun káchíꞌ ni̱ꞌ iniꞌ ánímaꞌ rán.

Juan 8:37 Referans Kwoze

1 Corintios 2:14

Soo ñɨvɨ ya̱ ntu̱ví íyó jín Ta̱chi̱ꞌ Ííꞌ Ndiosíꞌ jee ntu̱ví tɨ́ɨn ráa tu̱ꞌun váji nu̱u̱nꞌ Ta̱chi̱ꞌ Ííꞌ re̱ꞌ, chi káꞌvi iniꞌ ñɨvɨ vá ya̱ tu̱ꞌun naanꞌ ni ví‑i, jee saáva ntu̱ví kúvi ki̱ku̱ꞌun iniꞌ‑i tu̱ꞌun vá, chi ntu̱ví íyó‑o jín Ta̱chi̱ꞌ Ííꞌ ya̱ sáꞌá ya̱ ki̱ku̱ꞌun iniꞌ‑ó maa.

Romanos 9:7

Ni nsú ntáká rá se̱ꞌya ichiyúkúnꞌ nkene nu̱u̱nꞌ Abraham kúvi nijia ráa se̱ꞌya re̱ꞌ. Chisaꞌ nkachiꞌ Ndiosíꞌ nu̱u̱nꞌ re̱ꞌ: “Nu̱u̱nꞌ se̱ꞌya nú Isaac kiji ráa ya̱ kuvi se̱ꞌya ichiyúkúnꞌ nú.”

Juan 7:1

Jee sáá njia̱ꞌa rá yaꞌá, jee Jesús jíkanuun re̱ꞌ ichi ñuunꞌ Galilea, chi ntu̱ví kuíni re̱ꞌ kakanuun re̱ꞌ ñuunꞌ Judea. Chi rá te̱e kúñáꞌnú nu̱u̱nꞌ rá ñɨvɨ Israel níꞌvɨ́ꞌ iniꞌ ráa kaꞌniꞌ ráa re̱ꞌ.

Juan 8:59

Saájee nkeꞌen ráa yu̱u̱ꞌ sáva kuun ráa re̱ꞌ. Soo ña̱kɨyuꞌuꞌ Jesús, [jee njia̱ꞌa re̱ꞌ ma̱ꞌñú nu̱u̱nꞌ íñɨ́ rá ñɨvɨ vá], jee nkene yuꞌuꞌ re̱ꞌ chíkéꞌi iniꞌ veñu̱ꞌun káꞌnú jee kua̱ꞌa̱nꞌ re̱ꞌ.

Hechos 13:26

’Ránoꞌó ñaniꞌ, ya̱ kúvi rán se̱ꞌya tataꞌ Abraham, jín rá inka ñɨvɨ, ya̱ nééꞌ nteñu rán, ya̱ ñúyúꞌví iniꞌ rán nu̱u̱nꞌ Ndiosíꞌ. Nta̱jí re̱ꞌ nu̱u̱nꞌ rán tu̱ꞌun yaꞌá ya̱ káchíꞌ ya̱ nátavaꞌ re̱ꞌ yó nu̱u̱nꞌ kua̱chi‑ó xínánitáꞌvíꞌ re̱ꞌ yó.

Juan 8:43

¿Na̱ jie̱ꞌe̱ꞌ chi ntu̱ví jiáku̱ꞌun iniꞌ rán rá tu̱ꞌun káchíꞌ ni̱ꞌ rúja? Chi ntu̱ví kuíni rán chuꞌun soꞌo rán rá tu̱ꞌun káꞌánꞌ ni̱ꞌ.

Juan 11:53

Jee saáva, ne̱ ki̱vɨ̱ꞌ yukuán jee nna̱túꞌún ráa ya̱ kaꞌniꞌ ráa Jesús.

Juan 7:19

¿Á ntu ntaji Moisés tu̱ꞌun ley ya̱ nta̱túníꞌ Ndiosíꞌ nu̱u̱nꞌ rán rúja? Jee ni ɨɨn rán ni ntu̱ví síkúnkuvi rán ya̱ tátúníꞌ tu̱ꞌun ley vá. ¿Na̱ kuvi chi níꞌvɨ́ꞌ iniꞌ rán kaꞌniꞌ rán nuꞌuꞌ? ―nkachiꞌ Jesús.

Juan 10:31

Saájee rá te̱e kúñáꞌnú nu̱u̱nꞌ ñuunꞌ Israel nna̱keꞌen tuku ráa yu̱u̱ꞌ sáva kuun ráa maa Jesús.

Juan 8:6

Soo nkachiꞌ ráa rá tu̱ꞌun yaꞌá sáva kototúníꞌ ráa re̱ꞌ, sáva ni̱ꞌi̱nꞌ ráa na̱ jie̱ꞌe̱ꞌ kuvi xi̱kóñáꞌán ráa re̱ꞌ. Soo nna̱saꞌá nei Jesús maáréꞌ ne̱ nu̱u̱nꞌ ñuꞌun, jee ntee re̱ꞌ tu̱ꞌun nu̱u̱nꞌ ñuꞌún jín xi̱ntíín re̱ꞌ.

Juan 7:25

Saájee sava rá ñɨvɨ Jerusalén káchíꞌ ráa nu̱u̱nꞌ táꞌán ráa: ―¿Á nsú te̱e yaꞌá ví ya̱ nánukú rá te̱e kúñáꞌnú kaꞌniꞌ ráa maa?

Juan 5:44

¿Na̱sa kúvi i̱nu̱ꞌ iniꞌ rán nuꞌuꞌ?, chi yɨ́netuꞌ rán ya̱ nakuetúꞌún ɨɨn inka rán táꞌán rán, jee ntu núkú rán ya̱ nakuetúꞌún Ndiosíꞌ ránoꞌó, ya̱ métúꞌún re̱ꞌ ví Ndiosíꞌ.

Mateo 13:15

Chi nkuni̱ꞌin ánímaꞌ rá ñɨvɨ yaꞌá, jee u̱ꞌvi̱ꞌ tésóꞌo ráa, jee kuéntáꞌ násɨ́ꞌ nchinúún ráa, sáva ntu kúvi kuniꞌ ráa ya̱ nááꞌ jín nchinúún ráa, jín sáva ntu tésóꞌo ráa jín sóꞌo ráa, jee ni nkɨ́kuꞌun iniꞌ ráa jín ánímaꞌ ráa, jee ni nnákani iniꞌ ráa jee ni nkúnikɨnꞌ ráa Ndiosíꞌ, sáva ni nsáꞌ nasaꞌá va̱ꞌa ni̱ꞌ ánímaꞌ ráa, sukuán nkachiꞌ Ndiosíꞌ, nkachiꞌ Isaías.

Juan 8:33

Jee nna̱xiníkó ráa nu̱u̱nꞌ re̱ꞌ: ―Ichiyúkúnꞌ váji ne̱ nu̱u̱nꞌ Abraham kúvi ráníꞌ, jee ni ntu nkúvi kuitɨꞌ ránꞌ musúꞌ kéꞌen ñɨvɨ ya̱ yɨ́ꞌɨ́ ránꞌ xi̱ntíín ni ɨɨn ñɨvɨ. ¿Na̱ja vá kúvi kachiꞌ nú ya̱ kenta nakui̱ñɨ̱ꞌ núne rán rúja? ―nkachiꞌ ráa.

Mateo 3:9

Jee saáva koto káchíꞌ rán iniꞌ ánímaꞌ rán: “[Ka̱ku ráníꞌ] chi jííꞌ yanaꞌán ránꞌ ví Abraham.” Chi káchíꞌ ni̱ꞌ nu̱u̱nꞌ rán ya̱ Ndiosíꞌ kuvi saꞌá re̱ꞌ ya̱ nuvi ne̱ rá yu̱u̱ꞌ yaꞌá sáva kuvi ráa tataꞌ se̱ꞌya Abraham.

Juan 8:56

Jee tátáꞌ jííꞌ rán Abraham nku̱sɨ̱ɨ̱ꞌ nasɨ́kuitɨꞌ iniꞌ re̱ꞌ ya̱ kuniꞌ re̱ꞌ ki̱vɨ̱ꞌ kiji ni̱ꞌ iniꞌ ñɨ̱vɨ́ yaꞌá. Jee niniꞌ re̱ꞌ maa, jee nku̱sɨ̱ɨ̱ꞌ nasɨ́kuitɨꞌ iniꞌ re̱ꞌ ―nkachiꞌ Jesús.

1 Juan 2:14

Ntee ni̱ꞌ nu̱u̱nꞌ ránoꞌó, rá tátáꞌ, chi ma̱ni̱ꞌ rán jín maáréꞌ ya̱ ya íyó ne̱ tiempúꞌ xíꞌnañúꞌún. Ntee ni̱ꞌ nu̱u̱nꞌ ránoꞌó rá te̱e súchí, chi neí iniꞌ rán, jee kínóo kutú Tu̱ꞌun Ndiosíꞌ ñúꞌún iniꞌ ánímaꞌ rán, jee nku̱neí rán jín kui̱ꞌna̱ꞌ kúñáꞌnú.