Juan 8:34 - Mixteco del suroeste de Tlaxiaco Oaxaca

³⁴ Jee nna̱xiníkó Jesús nu̱u̱nꞌ ráa: ―Máá nááꞌ vá káchíꞌ ni̱ꞌ nu̱u̱nꞌ ránoꞌó, ya̱ nta̱ká rá ñɨvɨ ya̱ saꞌá kua̱chi, jee yɨ́ꞌɨ́ ráa xi̱ntíín kua̱chi kuéntáꞌ ɨɨn musúꞌ kéꞌen ñɨvɨ.

Juan 8:34 Referans Kwoze

Romanos 6:16

¿Á ntu jíníꞌ rán ya̱ retú chiꞌi rán maárán xi̱ntíín inka ñɨvɨ kuéntáꞌ ɨɨn musúꞌ kéꞌen ñɨvɨ sáva kaníjiá rán maa, saájee kúvi rán musúꞌ kéꞌen ya̱ yɨ́ꞌɨ́ rán xi̱ntíín ñɨvɨ vá ya̱ káníjiá rán? Jee suni sukuán kúvi rán musúꞌ yɨ́ꞌɨ́ rán xi̱ntíín kua̱chi retú chiꞌi rán maárán xi̱ntíín kua̱chi kaníjiá rán maa, jee kenta kuéntáꞌ jíꞌíꞌ rán nu̱u̱nꞌ Ndiosíꞌ. Áxí kúvi rán musúꞌ yɨ́ꞌɨ́ rán xi̱ntíín Ndiosíꞌ ya̱ káníjiá rán re̱ꞌ jee kenta kino̱o na̱a̱ꞌ rán nu̱u̱nꞌ re̱ꞌ.

2 Pedro 2:19

Chísóyuꞌú ráa ya̱ kuiñɨ núne rá ñɨvɨ ya̱ kuvi saꞌá rá ñɨvɨ vá néni ɨɨn tiñu ya̱ kúvi iniꞌ maá rá ñɨvɨ vá, soo maáráa chi kúvi ráa musúꞌ ya̱ yɨ́ꞌɨ́ ráa xi̱ntíín ya̱ níyo néꞌí iniꞌ ráa. Chi kúvi ñɨvɨ musúꞌ ya̱ yɨ́ꞌɨ́‑ɨ xi̱ntíín ne̱ ni ɨɨn ya̱ kúneí vá jín‑i.

Romanos 6:12

Saáva koto jiáꞌa rán ka̱ꞌ ya̱ kuneí kosoꞌ kua̱chi jín yɨkɨkúñu rán ya̱ jíꞌíꞌ‑i, sáva nkáníjiá rán ka̱ꞌ rá néꞌí níyo iniꞌ yɨkɨkúñu rán.

Romanos 6:6

Jee jíníꞌ‑ó ya̱ ya nnaanꞌ na̱ ñɨvɨ nkuvi‑ó tiempúꞌ ya̱ta̱ꞌ, chi jíꞌín‑i ni̱ꞌi̱ꞌ nkáá‑a jín Cristo nu̱u̱nꞌ kurúsiꞌ, sáva naanꞌ ya̱ kúneí kua̱chi jín ñunéꞌyúꞌ‑ó, sáva nkɨ́tíñú‑ó ka̱ꞌ nu̱u̱nꞌ kua̱chi.

Tito 3:3

Chi nékúvi sunisaá maáó nkuvi‑ó ñɨvɨ naanꞌ, jee nku̱jiááꞌ iniꞌ‑ó, jee maáó nika̱ꞌ ni̱nu̱ꞌ iniꞌ rá tu̱ꞌun xínáꞌví, jee nyɨ̱ꞌɨ‑ó chi̱ji xi̱ntíín kéꞌín ya̱ níyo iniꞌ jín xi̱ntíín kéꞌín ya̱ sɨ̱ɨ̱ꞌ iniꞌ, jee niva̱ꞌa ñaꞌnu‑ó, jee ni̱yo uꞌvi iniꞌ‑ó, jee nta̱ꞌvi̱ꞌ iniꞌ ñɨvɨ nne̱ꞌyá ráa yó, jee nta̱ꞌvi̱ꞌ iniꞌ‑ó nne̱ꞌyá‑ó ɨɨn inka‑ó.

Efesios 2:2

Jee sukuán ñaꞌnu rán tiempúꞌ ya̱ta̱ꞌ nékúvi ne̱ sáá ñaꞌnu rán ichi ñujiínꞌ sáni jiáꞌnu rá ñɨvɨ ñɨ̱vɨ́ yaꞌá ya̱ ntu̱ví yɨ́ꞌɨ́ ráa xi̱ntíín Ndiosíꞌ. Sukuán ñaꞌnu rán sánikua̱ꞌ kuíni kui̱ꞌna̱ꞌ kúñáꞌnú ya̱ kúvi i̱toꞌoꞌ rá ta̱chi̱ꞌ kíni ya̱ jíkanuun ráa nu̱u̱nꞌ ta̱chi̱ꞌ víjin ñɨ̱vɨ́ yaꞌá. Jee kúvi re̱ꞌ ta̱chi̱ꞌ kíni ya̱ sátíñú iniꞌ rá ñɨvɨ kújiááꞌ iniꞌ ráa nu̱u̱nꞌ Ndiosíꞌ.

Romanos 7:25

¡Nkútaꞌviꞌ‑ó nu̱u̱nꞌ Ndiosíꞌ!, jie̱ꞌe̱ꞌ ya̱ nsa̱ꞌá I̱toꞌoꞌ‑ó Jesús ya̱ kúvi Cristo. Saáva jín antúníꞌ ni̱ꞌ yɨ́tíñú ni̱ꞌ nu̱u̱nꞌ ley tátúníꞌ Ndiosíꞌ, jee jín máá maá fuersáꞌ ni̱ꞌ ntu kúvi, chi jín ya̱ níyo iniꞌ ni̱ꞌ jín yɨkɨkúñu kua̱chi ni̱ꞌ yɨ́tíñú ni̱ꞌ nu̱u̱nꞌ ya̱ tátúníꞌ kua̱chi.

Romanos 8:21

ne̱ máá maá ntáká rá íyó ñɨ̱vɨ́ yaꞌá ya̱ suni nakani núne Ndiosíꞌ maa nu̱u̱nꞌ yɨ́ꞌɨ́‑ɨ xi̱ntíín tu̱ꞌun tívɨ́ ráa, sáva nakui̱ñɨ̱ꞌ núne ráa jín rá se̱ꞌya Ndiosíꞌ sáá viiꞌ kuñáꞌnú‑ó saꞌá Ndiosíꞌ.

Romanos 7:14

Chi jíníꞌ‑ó ya̱ va̱ji ley nu̱u̱nꞌ Ta̱chi̱ꞌ Ííꞌ, jee nuꞌuꞌ kúvi ni̱ꞌ ñɨvɨ ñunéꞌyúꞌ, ya̱ yɨ́ꞌɨ́ ni̱ꞌ xi̱ntíín kua̱chi kuéntáꞌ kúvi ni̱ꞌ musúꞌ ya̱ nkuya̱ꞌvi.

Hechos 8:23

Chi jíníꞌ ni̱ꞌ, ya̱ ñúꞌún táꞌvi iniꞌ nú kúneí‑i jín noꞌó, jee yɨ́ꞌɨ́ nú xi̱ntíín ya̱ kánéꞌén ya̱ ñúꞌún iniꞌ nú.

Juan 3:3

Saájee nna̱xiníkó Jesús jee nkachiꞌ‑i nu̱u̱nꞌ re̱ꞌ: ―Máá nááꞌ vá káchíꞌ ni̱ꞌ nu̱u̱nꞌ nú ya̱ retú ntu nákaku jiáá tuku ɨɨn ñɨvɨ nu̱u̱nꞌ Ndiosíꞌ, jee ni̱ꞌ nsáꞌ kúvi kuniꞌ‑i na̱ kúvi ya̱ kɨꞌɨ‑ɨ naꞌá Ndiosíꞌ ya̱ tátúníꞌ re̱ꞌ nu̱u̱nꞌ‑u ―nkachiꞌ Jesús.

Mateo 5:18

Chi maá nááꞌ nijia ví ya̱ káchíꞌ ni̱ꞌ nu̱u̱nꞌ ránoꞌó, ya̱ ni íyó súkún jín ñɨ̱vɨ́ yaꞌá ne̱ ntiáꞌan naanꞌ ráa, jee ni ɨɨn letra jín ni ɨɨn puntúꞌ níso nu̱u̱nꞌ tu̱ꞌun ley Ndiosíꞌ jee ni ntu xitá maa, nekuaꞌ kuvi nɨꞌɨ ya̱ káchíꞌ‑i.