Juan 5:14 - Mixteco del suroeste de Tlaxiaco Oaxaca

¹⁴ Jee sáá njia̱ꞌa rá tiñu yukuán jee nna̱ketáꞌán Jesús re̱ꞌ chíkéꞌi iniꞌ veñu̱ꞌun káꞌnú, jee nkachiꞌ Jesús nu̱u̱nꞌ re̱ꞌ: ―Kune̱ꞌyá, chi ya̱ nnuvi va̱ꞌa nú. Jee koto sáꞌá nú ka̱ꞌ kua̱chi, sáva nkíji inka ka̱ꞌ tu̱nóꞌó manéátúꞌún kunoꞌo nú ―nkachiꞌ Jesús.

Juan 5:14 Referans Kwoze

Juan 8:11

Jee nkachiꞌ ña: ―Ni ɨɨn ráa, kátáta. Saájee nkachiꞌ Jesús nu̱u̱nꞌ ña: ―Ni nuꞌuꞌ ntu síjíta ni̱ꞌ nó. ¡Kuáꞌán, jee koto sáꞌá nú ka̱ꞌ kua̱chi! ―nkachiꞌ Jesús.

Mateo 12:45

Saájee kɨ̱ꞌɨ̱nꞌ ta̱chi̱ꞌ kíni vá, kɨ̱nake̱ꞌen‑e u̱xa̱ꞌ ka̱ꞌ rá táꞌán ta̱chi̱ꞌ kíni ya̱ xe̱e̱nꞌ ka̱ꞌ nsú káꞌ maáa, jee ki̱vɨ ráa iniꞌ ñɨvɨ vá kuneeꞌ ráa yukuán. Saájee xe̱e̱nꞌ nasɨ́kuitɨꞌ ka̱ꞌ nakunoꞌo ñɨvɨ vá nsú káꞌ kua̱ꞌ nnoꞌo‑o ne̱ xíꞌna. Jee suni sukuán kunoꞌo rá ñɨvɨ níváꞌa íyó yaꞌá tiempúꞌ vitan ―nkachiꞌ Jesús.

Marcos 2:5

Sáá niniꞌ Jesús ya̱ nku̱neí iniꞌ ráa re̱ꞌ, nkachiꞌ re̱ꞌ nu̱u̱nꞌ te̱e ya̱ ntu kúvi kantaꞌ vá: ―Se̱ꞌya, ya nne̱káꞌnú iniꞌ ni̱ꞌ noꞌó jie̱ꞌe̱ꞌ rá kua̱chi nú ―nkachiꞌ re̱ꞌ.

Juan 5:5

Jee yukuán káá ɨɨn te̱e ya̱ ya nkuvi o̱ko̱ꞌ xa̱ꞌu̱nꞌ u̱ni̱ꞌ (38) kui̱ya̱ꞌ ya̱ kúꞌvíꞌ‑i.

1 Pedro 4:3

Chi ya̱ nkuvi sukuáni ya̱ nsa̱ꞌá rán tiempúꞌ ya̱ta̱ꞌ rá tiñu niváꞌa níyo iniꞌ rá ñɨvɨ ntu jíníꞌ ráa iniꞌ Ndiosíꞌ. Ñaꞌnu rán jín rá tiñu kánéꞌí, jín rá tiñu téní sɨ̱ɨ̱ꞌ iniꞌ, jín rá tiñu jíni, rá tiñu viko néꞌí sɨ̱ɨ̱ꞌ iniꞌ, rá viko néꞌí tu̱nkánuun, jee nneñu̱ꞌun rán rá nantíñú ya̱ ntu kúvi ráa Ndiosíꞌ ya̱ kúníichiꞌ Ndiosíꞌ néꞌyá re̱ꞌ maa.

Juan 5:13

Jee te̱e ya̱ nnuvi vá, ntu̱ví jíníꞌ re̱ꞌ né ɨɨn ví‑i, chi nkene sɨ́ɨ́n Jesús nteñu rá ñɨvɨ kue̱ꞌe̱ꞌ ya̱ íñɨ́ yukuán.