Juan 2:12 - Mixteco del suroeste de Tlaxiaco Oaxaca

¹² Jee sáá njia̱ꞌa ya̱ nkuvi rá tiñu yaꞌá, jee kuíre kua̱ꞌa̱nꞌ re̱ꞌ nu̱u̱nꞌ ñuunꞌ Capernaum, jín nánáꞌ re̱ꞌ, jín rá ñaniꞌ re̱ꞌ, jín rá te̱e súkuáꞌa re̱ꞌ ráa. Jee nééꞌ ráa yakuꞌ ni ki̱vɨ̱ꞌ yukuán.

Juan 2:12 Referans Kwoze

Mateo 12:46

Jee ni káꞌánꞌ ka̱ꞌ Jesús jín rá ñɨvɨ kue̱ꞌe̱ꞌ, saájee nkenta nánáꞌ re̱ꞌ jín rá ñaniꞌ re̱ꞌ íñɨ́ ráa ta̱ve̱ꞌí, jee kuíni ráa kaꞌanꞌ ráa jín re̱ꞌ.

Gálatas 1:19

Soo ntu níníꞌ ni̱ꞌ ni ɨɨn rá inka te̱e níso ráa tiñu apóstol. Kua̱chi Jacobo niniꞌ ni̱ꞌ ya̱ kúvi re̱ꞌ ñaniꞌ I̱toꞌoꞌ‑ó Jesús.

1 Corintios 9:5

Jee, ¿á nsáꞌ íyó kuvi kunaka ráníꞌ ñasɨ́ꞌɨ́ ya̱ jínúꞌ iniꞌ ráa tu̱ꞌun jie̱ꞌe̱ꞌ Jesús sáva kutáꞌán ráa jín ránꞌ ré né núꞌ kua̱ꞌa̱nꞌ ránꞌ, kuéntáꞌ íyó ñasɨ́ꞌɨ́ rá inka ka̱ꞌ rá tée kúvi apóstol, jín rá te̱e ya̱ kúvi ñaniꞌ I̱toꞌoꞌ‑ó, jín suni Pedro rúja?

Marcos 6:3

¿Á nsú te̱e chutáꞌán yutun ví te̱e yaꞌá, rúsa? Jín, ¿á nsú se̱ꞌya María kúvi re̱ꞌ?, jee, ¿á nsú kúvi re̱ꞌ ñaniꞌ Jacobo, José, Judas, jín Simón? Jee, ¿á suni nsáꞌ nééꞌ rá ku̱ꞌva re̱ꞌ yaꞌá nteñu‑ó, rúsa? ―nkachiꞌ rá ñɨvɨ ñuunꞌ yukuán. Saájee nku̱níní iniꞌ ráa jie̱ꞌe̱ꞌ re̱ꞌ.

Mateo 4:13

Jee nxi̱nóo re̱ꞌ ñuunꞌ Nazaret jee kua̱ꞌa̱nꞌ re̱ꞌ kuneeꞌ re̱ꞌ ñuunꞌ Capernaum, ya̱ káá yúnteñúꞌún, nu̱u̱nꞌ káá ñuꞌun rá ñɨvɨ ya̱ kúvi ráa rá se̱ꞌya ichiyúkúnꞌ nkene ráa nu̱u̱nꞌ Zabulón jín Neftalí.

Juan 6:17

Jee nki̱vɨ ráa iniꞌ ɨɨn barkúꞌ, jee kua̱ꞌa̱nꞌ ráa íyo ka̱ꞌ ichi yúnteñúꞌún nu̱u̱nꞌ káá ñuunꞌ Capernaum. Jee ya nku̱neenꞌ, jee ntiáꞌan nenta Jesús nu̱u̱nꞌ ráa.

Mateo 11:23

Jee ránoꞌó ñɨvɨ ñuunꞌ Capernaum, ¿á kúñáꞌnú nasɨ́kuitɨꞌ rán ka̱ꞌ ne̱ kusúkún rán kua̱nkaa rán ne̱ antivɨ́ súkún? Soo ntu̱ví, chisaꞌ kɨ̱núún nú ne̱ nu̱u̱nꞌ nútútú ánímaꞌ rá ni̱yɨ. Chi retánꞌ sukuán jee nu̱u̱nꞌ ñuunꞌ Sodoma nsa̱ꞌá ni̱ꞌ rá tiñu a̱nasɨ́ ya̱ nsa̱ꞌá ni̱ꞌ nu̱u̱nꞌ rá ñuunꞌ ránú, jee ma̱káꞌ ya̱ kino̱o ñuunꞌ vá ne̱ vitan nékúvi.

Juan 2:2

Jee suni nkana rá ñɨvɨ vá Jesús jín rá te̱e súkuáꞌa re̱ꞌ ráa ya̱ kɨ̱ꞌɨ̱nꞌ ráa viko tánáꞌá vá.

Juan 4:46

Saájee nni̱kó tuku Jesús kua̱ꞌa̱nꞌ re̱ꞌ nu̱u̱nꞌ ñuunꞌ Caná, ya̱ kúvi ɨɨn ñuunꞌ tɨ́ɨn Galilea, nu̱u̱nꞌ nna̱saꞌá Jesús nute nuvi‑i nixiꞌ nu̱xi uva. Jee íyó ɨɨn te̱e ñuunꞌ Capernaum ya̱ níso re̱ꞌ tiñu ya̱ njia̱ꞌa te̱e tátúníꞌ Roma nu̱u̱nꞌ re̱ꞌ. Jee kúꞌvíꞌ se̱ꞌya re̱ꞌ.