Juan 15:4 - Mixteco del suroeste de Tlaxiaco Oaxaca

⁴ Jee íyó kuiñɨ ni̱ꞌin rán kino̱o kutú rán nu̱u̱nꞌ nuꞌuꞌ, jee nuꞌuꞌ suni kuiñɨ ni̱ꞌin ni̱ꞌ koo ni̱ꞌ jín rán. Chi ɨɨn naꞌá yokúꞌúꞌ lúlí ntu̱ví kúvi máá maáa ku̱ꞌva‑a uva, retú ntu̱ví tɨ́ɨn táꞌán‑a jín yokúꞌúꞌ káꞌnú vá. Jee suni sukuán ránoꞌó chi ntu̱ví kúvi kueꞌnu máá maárán sáni kuíni Ndiosíꞌ retú ntu̱ví íñɨ́ ni̱ꞌin rán jín nuꞌuꞌ.

Juan 15:4 Referans Kwoze

1 Juan 2:6

Jee ñɨvɨ ya̱ káchíꞌ ya̱ kino̱o kutú‑u kɨꞌɨ‑ɨ nu̱u̱nꞌ re̱ꞌ, jee íyó ya̱ kueꞌnu‑u kuéntáꞌ ñaꞌnu Jesús.

Gálatas 2:20

Taꞌanꞌ ni̱ꞌ níꞌiꞌ ni̱ꞌ nu̱u̱nꞌ kurúsiꞌ jín Cristo. Saáva nsú káꞌ nuꞌuꞌ ví ya̱ tékúꞌ, chi maá Cristo ví ya̱ tékúꞌ iniꞌ ni̱ꞌ. Jee ni tékúꞌ ni̱ꞌ iniꞌ yɨkɨkúñu ni̱ꞌ yaꞌá, jee jiáꞌnu ni̱ꞌ ichi jie̱ꞌe̱ꞌ kúneí iniꞌ ni̱ꞌ Se̱ꞌya Ndiosíꞌ. Chi Cristo ví ya̱ ñúnúunꞌ re̱ꞌ nuꞌuꞌ jee nna̱sokoꞌ re̱ꞌ maáréꞌ ya̱ níꞌiꞌ re̱ꞌ jie̱ꞌe̱ꞌ ya̱ váꞌa kuvi ni̱ꞌ.

Juan 8:31

Saájee nkachiꞌ Jesús nu̱u̱nꞌ rá ñɨvɨ Israel ya̱ nínuꞌ iniꞌ ráa re̱ꞌ: ―Retú kɨꞌɨ ni̱ꞌin rán nu̱u̱nꞌ rá tu̱ꞌun ya̱ xínéꞌénꞌ ni̱ꞌ ránoꞌó, saájee kúvi nijia rán ñɨvɨ ya̱ súkuáꞌa ni̱ꞌ ránoꞌó.

2 Juan 1:9

Nta̱ká ñɨvɨ ya̱ jiáꞌa ka̱ꞌ nu̱u̱nꞌ tu̱ꞌun na̱a̱ꞌ, jee ntu kínóo kutú ráa jín tu̱ꞌun nxi̱néꞌénꞌ Cristo, jee ntu̱ví íyó Tátáꞌ‑ó Ndiosíꞌ jín ráa. Jee ñɨvɨ ya̱ kínóo kutú‑u jín tu̱ꞌun vá jee Tátáꞌ‑ó Ndiosíꞌ jín suni máá Se̱ꞌya re̱ꞌ íyó ráa jín ñɨvɨ vá.

Juan 6:56

Chi ɨɨn ñɨvɨ ya̱ yájíꞌ‑i yɨkɨkúñu ni̱ꞌ jee jíꞌi‑i ni̱ñɨ̱ꞌ ni̱ꞌ, jee kínóo‑o yɨ́ꞌɨ́‑ɨ nu̱u̱nꞌ ni̱ꞌ, jee kínóo ni̱ꞌ yɨ́ꞌɨ́ ni̱ꞌ nu̱u̱nꞌ maáa.

Filipenses 1:11

Chi jiáꞌnu na̱a̱ꞌ víꞌí rán sáꞌá Jesús ya̱ kúvi re̱ꞌ Cristo, chi kínóo na̱a̱ꞌ rán nu̱u̱nꞌ re̱ꞌ sáꞌá re̱ꞌ, jee suꞌva stúvi re̱ꞌ ya̱ viiꞌ nasɨ́kuitɨꞌ kúñáꞌnú Ndiosíꞌ jee nakuetúꞌún ñɨvɨ maa.

Juan 14:20

Jee ki̱vɨ̱ꞌ yukuán jee kuniꞌ rán ya̱ yɨ́ꞌɨ́ ni̱ꞌ iniꞌ Tátáꞌ ni̱ꞌ jín ya̱ yɨ́ꞌɨ́ rán nu̱u̱nꞌ ni̱ꞌ, jín ya̱ yɨ́ꞌɨ́ ni̱ꞌ iniꞌ ránoꞌó.

Lucas 8:15

Soo rá nikɨn tataꞌ ya̱ ñákava nu̱u̱nꞌ ñu̱ꞌún váꞌa, suvi kúvi rá ñɨvɨ ya̱ jín ánímaꞌ na̱a̱ꞌ va̱ꞌa tésóꞌo ráa Tu̱ꞌun Ndiosíꞌ, jee chúꞌun iniꞌ ráa maa síkúnkuvi ráa maa jee kúníꞌin ráa jíjia ráa jín tu̱ꞌun vá jee suꞌva jiáꞌa tataꞌ sáꞌá.

2 Corintios 13:5

Kototúníꞌ rán maárán, sáva kuniꞌ rán retú máá naáꞌ nijia kúneí iniꞌ rán Cristo. Kototúníꞌ rán maárán. ¿Á ntu tɨ́ɨn kuéntáꞌ rán ya̱ yɨ́ꞌɨ́ Cristo iniꞌ rán rúja? Áxí, ¿á ni̱ta rán ntu kéne na̱a̱ꞌ ya̱ máá naáꞌ nijia kúneí iniꞌ rán Cristo rúja?

Colosenses 2:6

Jee saáva sánikua̱ꞌ njia̱ꞌayuꞌú rán ya̱ Cristo Jesús kúvi I̱toꞌoꞌ rán, jee suni sukuán kaka rán ichi na̱a̱ꞌ nu̱u̱nꞌ re̱ꞌ.

Colosenses 1:27

Jee nkuini iniꞌ re̱ꞌ ya̱ sikúkáꞌnú re̱ꞌ iniꞌ ráa, ya̱ na̱ ka̱ꞌ viiꞌ kúñáꞌnú yɨ́yáꞌvi ka̱ꞌ ví ya̱ váꞌa, ya̱ níso tu̱ꞌun yuꞌuꞌ yaꞌá, ya̱ jiáꞌa re̱ꞌ nu̱u̱nꞌ rá ñɨvɨ ntu kúvi Israel. Tu̱ꞌun yaꞌá kúvi ya̱ yɨ́ꞌɨ́ Cristo iniꞌ ánímaꞌ rán. Jee saáva íyó tu̱ꞌun neí iniꞌ‑ó ya̱ kuneeꞌ‑ó nɨ́ɨ́nkání jín re̱ꞌ, ya̱ nu̱u̱nꞌ viiꞌ nasɨ́kuitɨꞌ ví‑i.

Hechos 14:22

Yukuán, nna̱chituvi ráa ánímaꞌ rá ñɨvɨ yɨ́ꞌɨ́ nu̱u̱nꞌ Jesús. Nna̱xiníꞌvɨ́ꞌ ráa iniꞌ rává kuni̱ꞌin rává kúneí iniꞌ rává Jesús. Nkachiꞌ ráa: ―Kue̱ꞌe̱ꞌ tu̱nóꞌó nínísaá kunoꞌo‑ó jee ki̱vɨ‑ó nu̱u̱nꞌ tátúníꞌ Ndiosíꞌ.

Juan 17:23

Nuꞌuꞌ, jee yɨ́ꞌɨ́ ni̱ꞌ iniꞌ ráa, jee noꞌó, yɨ́ꞌɨ́ nú iniꞌ nuꞌuꞌ, sáva kenta kuna̱a̱ꞌ nuún koo iniꞌ ráa, sáva kuniꞌ rá ñɨvɨ ñɨ̱vɨ́ ya̱ maánú nchu̱ichí nú nuꞌuꞌ, jín ya̱ ñúnúunꞌ nú ráa kuéntáꞌ ñúnúunꞌ nú nuꞌuꞌ.

Efesios 3:17

Sáva kɨꞌɨ Cristo iniꞌ ánímaꞌ rán jie̱ꞌe̱ꞌ ya̱ kúneí iniꞌ rán re̱ꞌ, sáva kuiñɨ ni̱ꞌin rán kuꞌun tu̱ꞌun ñúnúunꞌ re̱ꞌ iniꞌ ránoꞌó, kuéntáꞌ kúkutú yoꞌo yutun jín kuéntáꞌ veꞌi yósóꞌ kutú nu̱u̱nꞌ koo sámáꞌ,

Hechos 11:23

Sáá nkenta re̱ꞌ yukuán, niniꞌ re̱ꞌ ya̱ va̱ꞌa nsa̱ꞌá Ndiosíꞌ nu̱u̱nꞌ ráa chi ma̱ni̱ꞌ re̱ꞌ néꞌyá re̱ꞌ ráa. Jee nnusɨ̱ɨ̱ꞌ iniꞌ Bernabé. Jee nna̱chuꞌun neí re̱ꞌ iniꞌ ráa kukáñá víꞌí iniꞌ ánímaꞌ ráa ya̱ kuiñɨ na̱a̱ꞌ ráa jín I̱toꞌoꞌ‑ó.

Colosenses 1:23

Jee sukuán sáꞌá re̱ꞌ, nu̱u̱nꞌ na̱a̱ꞌ nijia ya̱ kúníꞌin rán kúkutú rán kúneí iniꞌ rán Cristo, jee íñɨ́ ni̱ꞌin rán. Jee ntu núsɨ́ɨ́n rán nu̱u̱nꞌ ya̱ íyó tu̱ꞌun neí iniꞌ‑ó ya̱ nanitáꞌvíꞌ‑ó, ya̱ táji tu̱ꞌun váꞌa jie̱ꞌe̱ꞌ Cristo nu̱u̱nꞌ‑ó, ya̱ nteso̱ꞌo rán. Chi tu̱ꞌun váꞌa yaꞌá tékútu̱ꞌún‑u kua̱íyó rá ñuunꞌ ñɨ̱vɨ́ yaꞌá. Jee nuꞌuꞌ Pablo nkenta kúvi ni̱ꞌ ɨɨn ya̱ jiátíñú Ndiosíꞌ nuꞌuꞌ stékútu̱ꞌún ni̱ꞌ tu̱ꞌun váꞌa vá.

1 Tesalonicenses 3:5

Saájee, sáá ntu nkúvi kuneí ka̱ꞌ iniꞌ ni̱ꞌ kunetu ni̱ꞌ, jee nchu̱ichí ni̱ꞌ Timoteo, sáva kukáꞌnú iniꞌ ni̱ꞌ jie̱ꞌe̱ꞌ na̱ja jiáꞌnu rán ichi ya̱ kúneí iniꞌ rán Cristo. Chi Satanás ya̱ kúñáꞌnú nu̱u̱nꞌ rá ta̱chi̱ꞌ kíni, síkúvi re̱ꞌ iniꞌ ñɨvɨ. Jee nániꞌvɨꞌ iniꞌ ni̱ꞌ ya̱ sa̱naanꞌ nsi̱kúvi re̱ꞌ iniꞌ ránoꞌó. Jee suꞌva nkenta kúvi tiñu ka̱ꞌá, nékúvi, tiñu nsa̱ꞌá ránꞌ nteñu ránoꞌó, ya̱ nkachitu̱ꞌún ráníꞌ tu̱ꞌun Cristo.

Hebreos 10:39

Soo maáórán, chi ntu kúvi‑ó táꞌán rá ñɨvɨ ya̱ níkóyátá ráa kɨ̱naanꞌ ráa. Chisaꞌ kúvi‑ó ñɨvɨ ya̱ kúneí iniꞌ‑ó Cristo jee sáva koo kutú váꞌa ánímaꞌ‑ó xi̱ntíín re̱ꞌ.

Mateo 12:33

’Chi ɨɨn yutun váꞌa, jee jiáꞌa‑a ya̱ vixíꞌ váꞌa, áxí ɨɨn yutun ne̱ꞌén jee suni jiáꞌa‑a ya̱ vixíꞌ ne̱ꞌén. Jee yukuán jee jíníꞌ‑ó na̱ yutun kúvi‑i jie̱ꞌe̱ꞌ rá vixíꞌ jiáꞌa‑a.