Juan 14:9 - Mixteco del suroeste de Tlaxiaco Oaxaca

⁹ Jee nkachiꞌ Jesús nu̱u̱nꞌ re̱ꞌ: ―Ya nku̱kueꞌeꞌ víꞌí tiempúꞌ ya̱ nééꞌ ni̱ꞌ jín rán ví, Felipe, jee, ¿á ni ntiáꞌan kuniꞌ nú né ɨɨn kúvi nuꞌuꞌ résa? Chi ɨɨn ya̱ niniꞌ‑i nuꞌuꞌ, jee suni ya̱ niniꞌ‑i Tátáꞌ ni̱ꞌ. Saájee, ¿na̱ kuvi chi kachiꞌ nú ya̱: “Xinéꞌénꞌ Tátáꞌ nú nu̱u̱nꞌ ránuꞌuꞌ”, résa?

Juan 14:9 Referans Kwoze

Colosenses 1:15

Maá Se̱ꞌya Ndiosíꞌ ɨɨn ni kúvi re̱ꞌ jín Ndiosíꞌ, jee nkiji re̱ꞌ ñɨ̱vɨ́ yaꞌá sáva tu̱vi nijinꞌ sáá íyó Ndiosíꞌ ya̱ ntu̱ví túvi kuniꞌ nijinꞌ‑ó. Jee kúñáꞌnú Se̱ꞌya re̱ꞌ ka̱ꞌ nu̱u̱nꞌ nta̱ká ya̱ nsa̱ꞌá re̱ꞌ kuéntáꞌ ɨɨn se̱ꞌya xíꞌnañúꞌún.

Juan 12:45

Jee ñɨvɨ ya̱ néꞌyá‑a nuꞌuꞌ, jee suni néꞌyá‑a maáréꞌ ya̱ nchu̱ichí re̱ꞌ nuꞌuꞌ.

Juan 14:7

Retú jíníꞌ rán iniꞌ nuꞌuꞌ, jee suni ya̱ niniꞌ rán iniꞌ Tátáꞌ ni̱ꞌ. Jee ne̱ vitan jee ya jíníꞌ rán iniꞌ re̱ꞌ jee ya néꞌyá rán maa.

Hebreos 1:3

Jee ne̱ tu̱u̱nꞌ maá Se̱ꞌya re̱ꞌ viiꞌ kúñáꞌnú‑u mákua kúñáꞌnú re̱ꞌ, chi nuún náku‑u iniꞌ re̱ꞌ, chi ɨɨn ni kuvi ni núvíꞌ ráa. Jee tu̱ꞌun káꞌánꞌ Se̱ꞌya re̱ꞌ níso fuersáꞌ ííꞌ jee jín tu̱ꞌun tátúníꞌ Se̱ꞌya re̱ꞌ íyó kutú nɨꞌɨ ya̱ íyó. Jee sáá nkuvi nna̱sánoo‑o yó nu̱u̱nꞌ kua̱chi‑ó jie̱ꞌe̱ꞌ ya̱ nsa̱ꞌá‑a, jee nna̱kuneeꞌ‑e ichi kuáꞌá nu̱u̱nꞌ nééꞌ re̱ꞌ kúñáꞌnú re̱ꞌ tátúníꞌ re̱ꞌ ne̱ antivɨ́ súkún.

Juan 10:30

Chi nuꞌuꞌ jín Tátáꞌ ni̱ꞌ, jee ɨɨn ni̱ꞌ kúvi ránꞌ ―nkachiꞌ Jesús.

Juan 1:14

Jee maáréꞌ ya̱ kúvi Tu̱ꞌun vá nkenta nkuvi re̱ꞌ ɨɨn te̱e ñunéꞌyúꞌ jee nneeꞌ re̱ꞌ nteñu‑ó. Jee niniꞌ ránꞌ ya̱ viiꞌ nasɨ́kuitɨꞌ kúñáꞌnú re̱ꞌ. Kúñáꞌnú re̱ꞌ chi Se̱ꞌya métúꞌún Ndiosíꞌ kúvi re̱ꞌ ya̱ váji ne̱ nu̱u̱nꞌ Tátáꞌ‑ó Ndiosíꞌ. Jee ntántúníꞌ íyó mániꞌ iniꞌ re̱ꞌ néꞌyá re̱ꞌ yó jee mani kúvi re̱ꞌ ya̱ nááꞌ ya̱ saꞌ víꞌí káꞌ stúvi ya̱ nááꞌ jie̱ꞌe̱ꞌ Ndiosíꞌ.

Filipenses 2:6

Chi sú kúvi re̱ꞌ Ndiosíꞌ ya̱ ɨɨn nuún kúvi re̱ꞌ jín Ndiosíꞌ, soo ntu nñúꞌun iniꞌ re̱ꞌ ya̱ nuni̱ꞌin re̱ꞌ ya̱ kino̱o re̱ꞌ ya̱ ɨɨn nuún kúñáꞌnú re̱ꞌ jín Ndiosíꞌ.

Juan 14:20

Jee ki̱vɨ̱ꞌ yukuán jee kuniꞌ rán ya̱ yɨ́ꞌɨ́ ni̱ꞌ iniꞌ Tátáꞌ ni̱ꞌ jín ya̱ yɨ́ꞌɨ́ rán nu̱u̱nꞌ ni̱ꞌ, jín ya̱ yɨ́ꞌɨ́ ni̱ꞌ iniꞌ ránoꞌó.

Marcos 9:19

Jee nna̱xiníkó Jesús nu̱u̱nꞌ ráa: ―¡Na̱ ka̱ꞌ rá ñɨvɨ yaꞌá ya̱ ntu ínúꞌ iniꞌ ráa Ndiosíꞌ! ¿Na̱ja ka̱ꞌ tiempúꞌ vá íyó kuneeꞌ ni̱ꞌ jín ránoꞌó? ¿Na̱ja ka̱ꞌ tiempúꞌ vá íyó keꞌneꞌ iniꞌ ni̱ꞌ nu̱u̱nꞌ ránoꞌó ya̱ ntu ínúꞌ iniꞌ rán Ndiosíꞌ? Kínaka rán se̱ꞌya yɨ́ɨ́ nú nu̱u̱nꞌ ni̱ꞌ ―nkachiꞌ re̱ꞌ.

Lucas 12:56

Ñɨvɨ sansuꞌva kúvi rán, chi jie̱ꞌe̱ꞌ na̱ja túvi ñuꞌun jín súkún jee jíníꞌ va̱ꞌa rán nákuniꞌ rán na̱ja jiáꞌa súkún tiempúꞌ. Soo ¿na̱ja kúvi ya̱ ntu jíníꞌ rán nakuniꞌ rán na̱ja jiáꞌa tiempúꞌ vitan rúja?

1 Corintios 15:12

Soo retú káchítu̱ꞌún ránuꞌuꞌ tu̱ꞌun váꞌa jie̱ꞌe̱ꞌ Cristo ya̱ nnátekuꞌ i̱i̱ꞌ re̱ꞌ nxi̱nákóo Ndiosíꞌ re̱ꞌ nkene re̱ꞌ nteñu rá ni̱yɨ, jee, ¿na̱ kuvi chi káchíꞌ sava ñɨvɨ nteñu rán ya̱ ntu̱ví natekuꞌ i̱i̱ꞌ rá ni̱yɨ rúja?

Génesis 26:9

Saájee nta̱jí Abimelec ya̱ kana ráa Isaac jee nkachiꞌ re̱ꞌ nu̱u̱nꞌ‑u: ―Na̱a̱ꞌ nijia ya̱ ñasɨ́ꞌɨ́ nú kúvi ña, saájee, ¿na̱ jie̱ꞌe̱ꞌ chi nkachiꞌ nú ya̱ “ku̱ꞌva ni̱ꞌ kúvi ña?” ―nkachiꞌ Abimelec nu̱u̱nꞌ Isaac. Jee nna̱xiníkó Isaac jee nkachiꞌ re̱ꞌ nu̱u̱nꞌ‑u: ―Nkaꞌvi iniꞌ ni̱ꞌ ya̱ kuviꞌ ni̱ꞌ jie̱ꞌe̱ꞌ ña ―nkachiꞌ Isaac.

Juan 8:19

Saájee suviráa nkachiꞌ nu̱u̱nꞌ re̱ꞌ: ―¿Né núꞌ íyó Tátáꞌ nú résa? Jee nna̱xiníkó Jesús: ―Ni ntu̱ví jíníꞌ ránú né ɨɨn kúvi nuꞌuꞌ, jee suni ni ntu̱ví jíníꞌ rán iniꞌ Tátáꞌ ni̱ꞌ. Chi retánꞌ jíníꞌ rán né ɨɨn kúvi nuꞌuꞌ jee yukuán jee suni kuniꞌ rán iniꞌ re̱ꞌ ―nkachiꞌ Jesús.

1 Juan 5:20

Soo jíníꞌ‑ó ya̱ nkiji Se̱ꞌya Ndiosíꞌ, jee nsa̱ꞌá re̱ꞌ ya̱ ki̱ku̱ꞌun iniꞌ‑ó sáva kuniꞌ‑ó maáréꞌ ya̱ kúvi nijia re̱ꞌ Ndiosíꞌ. Jee yɨ́ꞌɨ́‑ó iniꞌ naꞌá maáréꞌ ya̱ kúvi nijia Ndiosíꞌ. Yɨ́ꞌɨ́‑ó naꞌá Se̱ꞌya re̱ꞌ, Jesús ya̱ kúvi Cristo. Suvivá kúvi nijia‑a Ndiosíꞌ, jee maáa ví ya̱ sáꞌá‑a ya̱ kutekuꞌ‑ó nɨ́ɨ́nkání jín Ndiosíꞌ.