Juan 14:12 - Mixteco del suroeste de Tlaxiaco Oaxaca

¹² Jee máá naáꞌ vá káchíꞌ ni̱ꞌ nu̱u̱nꞌ rán: Ɨɨn ñɨvɨ ya̱ kúneí iniꞌ‑i nuꞌuꞌ, jee rá tiñu ya̱ sáꞌá nuꞌuꞌ, jee suni saꞌá‑a rá tiñu vá. Jee saꞌ víꞌí káꞌ saꞌá‑a tiñu ñáꞌnú ka̱ꞌ nsú káꞌ tiñu yaꞌá, chi nuꞌuꞌ jee kɨ̱ꞌɨ̱nꞌ noꞌonꞌ ni̱ꞌ nu̱u̱nꞌ Tátáꞌ ni̱ꞌ.

Juan 14:12 Referans Kwoze

Mateo 21:21

Jee nna̱xiníkó Jesús jee nkachiꞌ re̱ꞌ nu̱u̱nꞌ ráa: ―Máá nááꞌ vá káchíꞌ ni̱ꞌ nu̱u̱nꞌ rán, ya̱ retú kúneí iniꞌ rán Ndiosíꞌ, jee koto íyó tu̱nkáꞌvi iniꞌ ánímaꞌ rán, jee kuvi sáꞌá rán tiñu a̱nasɨ́ kua̱ꞌ nsa̱ꞌá ni̱ꞌ yaꞌá, jee nsú kua̱chi sukuán, chisaꞌ suni kuvi kachiꞌ rán nu̱u̱nꞌ yuku yaꞌá: “Kuiyo jee sukuíkó maánú nu̱u̱nꞌ nteñúꞌún”, jee kuvi nijia sukuán.

Marcos 16:17

Jee rá seña yaꞌá koo jín rá ñɨvɨ, ya̱ kúneí iniꞌ ráa nuꞌuꞌ, sáva stúvi‑i ya̱ íñɨ́ ni̱ꞌ jín ráa: ya̱ nu̱u̱nꞌ súví ni̱ꞌ taníkɨ́nꞌ ráa rá ta̱chi̱ꞌ néꞌí yɨ́ꞌɨ́ ñɨvɨ. Jee kaꞌanꞌ ráa inka ka̱ꞌ nu̱u̱nꞌ tu̱ꞌun, ya̱ ntu jiáku̱ꞌun iniꞌ ráa.

Hechos 16:18

Kue̱ꞌe̱ꞌ ki̱vɨ̱ꞌ nsa̱ꞌá ña yaꞌá, jee nku̱níní víꞌí iniꞌ Pablo. Jee nna̱ikó re̱ꞌ jee nkachiꞌ re̱ꞌ nu̱u̱nꞌ ta̱chi̱ꞌ kíni vá: ―Nu̱u̱nꞌ súví Jesús ya̱ kúvi Cristo, tátúníꞌ ni̱ꞌ nu̱u̱nꞌ nú, kene nú ñasúchí vá. Jee kuísá nkene‑e ña.

Hechos 9:34

Jee nkachiꞌ Pedro nu̱u̱nꞌ‑u: ―Eneas. Jesús, ya̱ kúvi Cristo chi, nxi̱núvi re̱ꞌ noꞌó. Nako̱o. Jee nasaꞌá stákoo i̱to nú. Jee kuísá ntañúꞌún nnako̱o re̱ꞌ.

Hechos 19:12

jee ne̱ rá pañúꞌ áxí saꞌma, ya̱ níkɨnꞌ yɨkɨkúñu re̱ꞌ, jee jiánaka ráa maa nu̱u̱nꞌ rá kúꞌvíꞌ, jee núvi ráa, jee kéne rá ta̱chi̱ꞌ kini yɨ́ꞌɨ́ ñɨvɨ ranika̱ꞌ.

Hechos 9:40

I̱ña̱jée ntavaꞌ Pedro nɨꞌɨ ráa chíkéꞌi. Jee ña̱kui̱ñɨ̱ꞌ ítɨ́ re̱ꞌ jee nkaꞌanꞌ re̱ꞌ jín Ndiosíꞌ. Sáá nna̱koto re̱ꞌ nu̱u̱nꞌ ñunéꞌyúꞌ ña, jee nkachiꞌ re̱ꞌ: ―Tabita. Nako̱o. Jee nna̱kune nchinúún ña, jee sáá niniꞌ ña Pedro jee nnako̱o ña nna̱kuneeꞌ ña.

Hechos 8:7

Chi nxi̱núvi re̱ꞌ kue̱ꞌe̱ꞌ ñɨvɨ yɨ́ꞌɨ́ ta̱chi̱ꞌ kíni. Jee sáá kéne rá ta̱chi̱ꞌ kíni vá nka̱najíín ni̱ꞌin‑i. Jee nxi̱núvi re̱ꞌ kue̱ꞌe̱ꞌ ñɨvɨ ntu kúvi kantaꞌ jín kue̱ꞌe̱ꞌ ñɨvɨ lénkó.

Hechos 5:15

Saáva ña̱na̱ka rá ñɨvɨ rá kúꞌvíꞌ iniꞌ ichi, jee yákɨ́nꞌ ráa rává nu̱u̱nꞌ i̱to jín nu̱u̱nꞌ tu̱nchi̱só. Sáva sa̱naanꞌ jia̱ꞌa xi̱ne̱ꞌñu̱ꞌ Pedro nu̱u̱nꞌ káá kéꞌín rává, sáá kua̱jia̱ꞌa re̱ꞌ.

Hechos 2:41

Saájee ña̱nuté rá ñɨvɨ ntɨɨn tu̱ꞌun re̱ꞌ. Jee ki̱vɨ̱ꞌ yukuán, nku̱kueꞌeꞌ ka̱ꞌ yatin u̱ni̱ꞌ mil (3000) ñɨvɨ vá.

Hechos 4:4

Soo kue̱ꞌe̱ꞌ víꞌí rá ñɨvɨ ya̱ nteso̱ꞌo ráa tu̱ꞌun vá, ni̱nu̱ꞌ iniꞌ ráa. Jee nkenta yatin u̱ꞌu̱nꞌ mil (5000) rá te̱e kúneí iniꞌ ráa Jesús.

Juan 16:7

Soo káchíꞌ ni̱ꞌ ya̱ naáꞌ nu̱u̱nꞌ rán ya̱ va̱ꞌa ka̱ꞌ kúvi nu̱u̱nꞌ ránoꞌó ya̱ kɨ̱ꞌɨ̱nꞌ noꞌonꞌ ni̱ꞌ, chi retánꞌ nkɨ̱ꞌɨ́nꞌ ni̱ꞌ, jee nsáꞌ kiji maáréꞌ ya̱ chineí chituvi re̱ꞌ nachuꞌun neí re̱ꞌ iniꞌ ánímaꞌ rán. Soo retú kɨ̱ꞌɨ̱nꞌ ni̱ꞌ, jee chuichí ni̱ꞌ re̱ꞌ kiji re̱ꞌ nu̱u̱nꞌ ránoꞌó.

Hechos 2:33

Saáva Ndiosíꞌ nxi̱náa re̱ꞌ Jesús nu̱u̱nꞌ kúñáꞌnú‑u ya̱ nééꞌ‑e ichi kuáꞌá re̱ꞌ. Jee Ndiosíꞌ, Tááꞌ Jesús, njia̱ꞌa re̱ꞌ tiñu nu̱u̱nꞌ Jesús ya̱ tetíñú‑u Ta̱chi̱ꞌ Ííꞌ, sáni nchi̱sóyuꞌú re̱ꞌ, sáva sikúténuun‑u Ta̱chi̱ꞌ Ííꞌ nu̱u̱nꞌ rá ñɨvɨ. Jee yaꞌá ví ya̱ néꞌyá rán jín ya̱ tésóꞌo rán.

Juan 7:39

Soo nkachiꞌ Jesús rá tu̱ꞌun yaꞌá jie̱ꞌe̱ꞌ Ta̱chi̱ꞌ Ííꞌ Ndiosíꞌ, chi rá ñɨvɨ ya̱ kúneí iniꞌ ráa re̱ꞌ, jee ni̱ꞌi̱nꞌ ráa Ta̱chi̱ꞌ Ííꞌ Ndiosíꞌ kɨꞌɨ‑ɨ iniꞌ ánímaꞌ ráa. Chi ni ntiáꞌan taji Ndiosíꞌ Ta̱chi̱ꞌ Ííꞌ re̱ꞌ, chi jie̱ꞌe̱ꞌ ntiáné kɨ̱naa Jesús antivɨ́ súkún nu̱u̱nꞌ kúñáꞌnú re̱ꞌ.

Juan 7:33

Saájee nkachiꞌ Jesús: ―Yakuꞌ ni ka̱ꞌ tiempúꞌ íyó kuneeꞌ ni̱ꞌ jín rán, jee kɨ̱noꞌonꞌ ni̱ꞌ nu̱u̱nꞌ maáréꞌ ya̱ nta̱jí nuꞌuꞌ va̱ji ni̱ꞌ.

Romanos 15:19

jín ya̱ káꞌánꞌ ni̱ꞌ jie̱ꞌe̱ꞌ ya̱ nsa̱ꞌá re̱ꞌ jín ni̱ꞌ rá seña ya̱ níso fuersáꞌ ííꞌ jín rá a̱nasɨ́ sáva stúvi ya̱ kúñáꞌnú re̱ꞌ, chi Ta̱chi̱ꞌ Ííꞌ re̱ꞌ nsa̱ꞌá maa jín fuersáꞌ ííꞌ níso re̱ꞌ. Nsa̱ꞌá re̱ꞌ nɨꞌɨ yaꞌá sáva sikúnkuvi ni̱ꞌ stekútu̱ꞌún ni̱ꞌ tu̱ꞌun váꞌa jie̱ꞌe̱ꞌ Cristo ne̱ ñuunꞌ Jerusalén, jín ntáká rá ñuunꞌ ya̱ káá ni̱kótíyu ntáká ichi yukuán, kénta kua̱íyó ne̱ rá ñuunꞌ ya̱ sánitɨ́ɨn ñuunꞌ Ilírico.

Hechos 6:7

Jee ñe̱te̱nuun Tu̱ꞌun Ndiosíꞌ. Jee kúkueꞌeꞌ rá ñɨvɨ ñuunꞌ Jerusalén tɨ́ɨn ráa Tu̱ꞌun Ndiosíꞌ. Jee kue̱ꞌe̱ꞌ víꞌí rá su̱tu̱ꞌ káníjiá ráa tu̱ꞌun ya̱ kúneí iniꞌ ráa Jesús.

Hechos 4:16

jee nkachiꞌ ráa: ―¿Ná saꞌá‑ó jín rá te̱e yaꞌá, rúsa? Chi nkuvi nijia ɨɨn seña a̱nasɨ́ máá ñáꞌnú nsa̱ꞌá ráa. Jee nɨꞌɨ rá ñɨvɨ nééꞌ ñuunꞌ Jerusalén jíníꞌ maa. Jee nsáꞌ kuvi kachiꞌ‑ó ya̱ nsáꞌ nááꞌ ví.

Juan 14:28

’Ya nteso̱ꞌo rán ya̱ nkachiꞌ ni̱ꞌ nu̱u̱nꞌ rán: “Kɨ̱ꞌɨ̱nꞌ ni̱ꞌ, jee niji ni̱ꞌ nu̱u̱nꞌ rán.” Jee retú ñúnúunꞌ rán nuꞌuꞌ, yukuán re íyó tu̱ꞌun kusɨ̱ɨ̱ꞌ iniꞌ ánímaꞌ rán ya̱ kɨ̱ꞌɨ̱nꞌ noꞌonꞌ ni̱ꞌ nu̱u̱nꞌ Tátáꞌ ni̱ꞌ. Chi Tátáꞌ ni̱ꞌ vá kúñáꞌnú nasɨ́kuitɨꞌ ka̱ꞌ nsú káꞌ nuꞌuꞌ.

Hechos 10:46

Chi nteso̱ꞌo ráa, ya̱ káꞌánꞌ rá ñɨvɨ ntu kúvi Israel inka nu̱u̱nꞌ rá tu̱ꞌun, ya̱ ntu káꞌánꞌ ráa, jín ya̱ nákuetúꞌún ráa Ndiosíꞌ.

Hechos 4:33

Jín fuersáꞌ ííꞌ nasɨ́kuitɨꞌ níso Ndiosíꞌ, nna̱stúvi rá te̱e kúvi apóstol ya̱ naáꞌ nu̱u̱nꞌ rá ñɨvɨ, ya̱ I̱toꞌoꞌ‑ó Jesús nnako̱o tuku‑u jee nna̱tekuꞌ‑u. Jee íyó mániꞌ nasɨ́kuitɨꞌ iniꞌ re̱ꞌ néꞌyá re̱ꞌ ntáká ráa.

Marcos 11:13

Ne̱ íká ka̱ꞌ niniꞌ re̱ꞌ ɨɨn yutun higo ya̱ nééꞌ naꞌá yu̱ku̱ꞌ, jee ña̱ꞌa̱nꞌ nne̱ꞌyá re̱ꞌ ré nínta ya̱ vixíꞌ nu̱u̱nꞌ‑u. Sáá nkenta re̱ꞌ ntu̱náꞌ nnániꞌinꞌ re̱ꞌ, kua̱chi naꞌá yu̱ku̱ꞌ ni nééꞌ, chi nsú tiempúꞌ kúun higo ví‑i.

Juan 4:37

Chi ya̱ naáꞌ vá káchíꞌ tu̱ꞌun káꞌánꞌ: “Ɨɨn ñɨvɨ ví ya̱ táji tataꞌ, jee inka ñɨvɨ ví ya̱ nástútú maa.”

Juan 5:20

Chi Tátáꞌ ni̱ꞌ ñúnúunꞌ re̱ꞌ nuꞌuꞌ, ya̱ kúvi ni̱ꞌ Se̱ꞌya re̱ꞌ, jee xínéꞌénꞌ re̱ꞌ nuꞌuꞌ nta̱ká tiñu sáꞌá re̱ꞌ. Jee xinéꞌénꞌ re̱ꞌ nuꞌuꞌ rá máá tiñu kúñáꞌnú ka̱ꞌ nsú káꞌ tiñu yaꞌá, ya̱ ti̱vɨ́ xíniꞌ rán saꞌá‑a.