Juan 11:55 - Mixteco del suroeste de Tlaxiaco Oaxaca

⁵⁵ Jee ya nku̱yatin tiempúꞌ viko Pascua ya̱ néñu̱ꞌun rá ñɨvɨ Israel. Jee saáva kue̱ꞌe̱ꞌ nasɨ́kuitɨꞌ rá ñɨvɨ nta̱ká ñuunꞌ yukuán kua̱ꞌa̱nꞌ ráa Jerusalén sáva xíꞌna ka̱ꞌ íyó nasaꞌá noo ráa maáráa nu̱u̱nꞌ Ndiosíꞌ.

Juan 11:55 Referans Kwoze

Juan 12:1

I̱ñu̱ꞌ ka̱ꞌ ki̱vɨ̱ꞌ kúmániꞌ kenta maa ki̱vɨ̱ꞌ viko Pascua, jee ña̱ꞌa̱nꞌ tuku Jesús ñuunꞌ Betania, nu̱u̱nꞌ nééꞌ Lázaro, te̱e ya̱ níꞌiꞌ jee nxi̱nátekuꞌ Jesús maa nkene‑e nteñu rá níꞌiꞌ.

Juan 6:4

Jee va̱kuyatin viko Pascua ya̱ sáꞌá rá ñɨvɨ Israel.

Juan 2:13

Jee ya̱ nku̱yatin ki̱vɨ̱ꞌ koo viko Pascua ya̱ sáꞌá rá ñɨvɨ Israel, jee yukuán kua̱ꞌa̱nꞌ Jesús nu̱u̱nꞌ ñuunꞌ Jerusalén.

Génesis 35:2

Saájee nkachiꞌ Jacob nu̱u̱nꞌ rá táꞌán veꞌi re̱ꞌ jín nu̱u̱nꞌ ntáká rá ñɨvɨ ya̱ kútáꞌán jín re̱ꞌ: ―Siíyo rán nɨꞌɨ rá inka ndiosíꞌ ya̱ ntu kúvi ráa máá Ndiosíꞌ tékúꞌ, ya̱ íyó ráa nteñu‑órán ya̱ kúvi ráa rá ndiosíꞌ ya̱ néñu̱ꞌun rá inka ñɨvɨ, jee nasaꞌá noo rán ñunéꞌyúꞌ rán jee sama rán saꞌma ñuꞌun rán.

Santiago 4:8

Natuꞌva rán nu̱u̱nꞌ Ndiosíꞌ, jee natuꞌva re̱ꞌ nu̱u̱nꞌ rán. ¡Ñɨvɨ kua̱chi! ¡Íyó saꞌá noo rán maárán nu̱u̱nꞌ kua̱chi sáꞌá rán! ¡Ñɨvɨ ya̱ ɨɨn u̱vi̱ꞌ ñúꞌún iniꞌ ánímaꞌ rán! ¡Jee íyó saꞌá ninuꞌun rán ánímaꞌ rán!

1 Corintios 11:28

Saájee retú sukuán íyó, jee xíꞌna ka̱ꞌ íyó kototúníꞌ va̱ꞌa ta ɨɨn ɨɨn‑ó iniꞌ maáó retú íyó kua̱chi‑ó jee nakani iniꞌ‑ó jie̱ꞌe̱ꞌ‑e, saájee kuvi kajiꞌ rán i̱xta̱tíláꞌ vá, jee kuvi koꞌo rán ya̱ ñúꞌún iniꞌ vasúꞌ vá.

Hechos 24:18

Jee nna̱niꞌinꞌ ráa nuꞌuꞌ sáá sáꞌá ni̱ꞌ sukuán, chi ya̱ nsa̱ꞌá ninuꞌun ni̱ꞌ maáníꞌ nu̱u̱nꞌ Ndiosíꞌ. Soo ntu níyo kue̱ꞌe̱ꞌ ñɨvɨ jín ni̱ꞌ, ni ntu sáꞌá ni̱ꞌ ti̱xi̱nꞌ.

Juan 18:28

Saájee nkene ráa jín Jesús veꞌi Caifás jee kua̱na̱ka ráa maa nu̱u̱nꞌ vetíñú Roma naní pretorio. Jee va̱kunijinꞌ, jee ntu nkívɨ rá te̱e Israel iniꞌ vetíñú vá sáva ntu kutéꞌén ánímaꞌ ráa, sáva kuvi kajiꞌ ráa kuxíní ráa viko Pascua.

Juan 13:1

Saájee chi̱ji viko Pascua jee ya̱ jíníꞌ Jesús ya̱ nkenta ki̱vɨ̱ꞌ ya̱ kene re̱ꞌ iniꞌ ñɨ̱vɨ́ yaꞌá kɨ̱ꞌɨ̱nꞌ re̱ꞌ nu̱u̱nꞌ Tátáꞌ re̱ꞌ. Jee ñúnúunꞌ re̱ꞌ rá ñɨvɨ maáréꞌ [ya̱ súkuáꞌa re̱ꞌ ráa] ya̱ nééꞌ iniꞌ ñɨ̱vɨ́, jee ñúnúunꞌ re̱ꞌ ráa ne̱ ki̱vɨ̱ꞌ nu̱u̱nꞌ nɨ́ꞌɨ ntekuꞌ re̱ꞌ iniꞌ ñɨ̱vɨ́ yaꞌá.

Juan 5:1

Jee sáá njia̱ꞌa rá tiñu yukuán, jee íyó ɨɨn viko ya̱ sáꞌá rá ñɨvɨ Israel. Jee kua̱ꞌa̱nꞌ Jesús nu̱u̱nꞌ ñuunꞌ Jerusalén.

Juan 2:6

Jee yukuán íñɨ́ i̱ñu̱ꞌ rá ki̱sɨ yu̱u̱ꞌ nu̱u̱nꞌ chúꞌun ráa nute sánikua̱ꞌ rá costumbre sáꞌá rá ñɨvɨ Israel ya̱ jiátíñú ráa maa sáva saꞌá ninuꞌun ráa maáráa nu̱u̱nꞌ Ndiosíꞌ. Jee kánta ñúꞌún yatin ku̱mi̱xiko (80) áxí ɨɨn sientúꞌ (100) litro nute iniꞌ ta ɨɨn rá ki̱sɨ yu̱u̱ꞌ vá.

Marcos 14:1

I̱ña̱jée ni̱yo u̱vi̱ꞌ ka̱ꞌ ki̱vɨ̱ꞌ jee koo viko Pascua jín viko yájíꞌ ráa i̱xta̱tíláꞌ ya̱ ntu yɨ́ꞌɨ́ levadura. Jee rá su̱tu̱ꞌ kúñáꞌnú jín rá te̱e xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ yanaꞌán, núkú ráa na̱sa kuvi xináꞌví ráa Jesús, jee tɨɨn ráa re̱ꞌ, jee kaꞌniꞌ ráa re̱ꞌ.

Mateo 26:1

Jee sáá nkuvi nkaꞌanꞌ Jesús jie̱ꞌe̱ꞌ ntáká rá tu̱ꞌun vá, jee nkachiꞌ re̱ꞌ nu̱u̱nꞌ rá te̱e ya̱ súkuáꞌa re̱ꞌ ráa:

Mateo 26:2

―Ya jíníꞌ rán ya̱ u̱vi̱ꞌ ni ka̱ꞌ ki̱vɨ̱ꞌ kúníꞌ jee koo viko Pascua, jee nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee naku̱ꞌva rá ñɨvɨ nuꞌuꞌ sáva kuntakaa ni̱ꞌ nu̱u̱nꞌ kurúsiꞌ ―nkachiꞌ Jesús.

Lucas 22:1

Saájee ya kua̱kuyatin ki̱vɨ̱ꞌ koo viko yájíꞌ rá ñɨvɨ i̱xta̱tíláꞌ ya̱ ntu yɨ́ꞌɨ́ levadura, viko ya̱ naní Pascua.

Hechos 21:24

Kɨ̱ꞌɨ̱nꞌ so̱ko̱ꞌ nú sa̱na̱ꞌ jín ráa, sáva nonoo ráa nu̱u̱nꞌ Ndiosíꞌ. Jee chunáán nú ya̱ távíꞌ ráa, sáva kuvi seté xi̱ni̱ꞌ ráa sánikua̱ꞌ costumbre‑ó. Jee kuniꞌ nɨꞌɨ rá ñɨvɨ ya̱ ntu̱náꞌ íyó ya̱ naáꞌ tu̱ꞌun nteso̱ꞌo ráa xi̱ni̱ꞌ nú. Soo suni síkúnkuvi nú ya̱ káchíꞌ tu̱ꞌun ley.

Hechos 21:26

I̱ña̱jée Pablo nku̱táꞌán jín ni ku̱mi̱ꞌ rá te̱e vá, ki̱vɨ̱ꞌ steñu̱ꞌún. Jee sáá nonoo ráa nu̱u̱nꞌ Ndiosíꞌ, jee nki̱vɨ ráa veñu̱ꞌun káꞌnú, jee nkachiꞌ ráa na̱ ki̱vɨ̱ꞌ nɨꞌɨ tiempúꞌ nno̱noo ráa nu̱u̱nꞌ Ndiosíꞌ, sáva kuvi so̱ko̱ꞌ ta ɨɨn ráa sa̱na̱ꞌ nu̱u̱nꞌ Ndiosíꞌ ki̱vɨ̱ꞌ vá.