Juan 10:25 - Mixteco del suroeste de Tlaxiaco Oaxaca

²⁵ Jee nna̱xiníkó Jesús nu̱u̱nꞌ ráa: ―Ya nkachiꞌ ni̱ꞌ maa nu̱u̱nꞌ rán, soo ntu̱ví jínúꞌ iniꞌ rán maa. Jee rá tiñu va̱ꞌa a̱nasɨ́ ya̱ sáꞌá ni̱ꞌ nu̱u̱nꞌ súví Tátáꞌ ni̱ꞌ, jee rá yaꞌá jiáꞌa ya̱ naáꞌ jie̱ꞌe̱ꞌ nuꞌuꞌ.

Juan 10:25 Referans Kwoze

Juan 10:38

Soo retú sáꞌá ni̱ꞌ tiñu re̱ꞌ, asúꞌ ntu̱ví jínúꞌ iniꞌ rán nuꞌuꞌ, íyó i̱nu̱ꞌ iniꞌ rán ya̱ tiñu Tátáꞌ ni̱ꞌ ví rá tiñu sáꞌá ni̱ꞌ, sáva kukáꞌnú iniꞌ rán jee xiníꞌin rán kuniꞌ rán ya̱ yɨ́ꞌɨ́ Tátáꞌ ni̱ꞌ iniꞌ ni̱ꞌ jín ya̱ yɨ́ꞌɨ́ ni̱ꞌ iniꞌ Tátáꞌ ni̱ꞌ ―nkachiꞌ Jesús.

Juan 8:58

Jee nkachiꞌ Jesús nu̱u̱nꞌ ráa: ―Máá nááꞌ vá káchíꞌ ni̱ꞌ nu̱u̱nꞌ rán, ya̱ ne̱ ntiáꞌan ka̱ꞌ kaku Abraham, jee ya̱ íyó nuꞌuꞌ ―nkachiꞌ Jesús.

Juan 14:11

Íyó i̱nu̱ꞌ iniꞌ rán nuꞌuꞌ ya̱ yɨ́ꞌɨ́ ni̱ꞌ iniꞌ Tátáꞌ ni̱ꞌ, jín ya̱ yɨ́ꞌɨ́ Tátáꞌ ni̱ꞌ iniꞌ ni̱ꞌ. Jee retú ntu̱ví jínúꞌ iniꞌ rán ya̱ káchíꞌ ni̱ꞌ, íyó ji̱nu̱ꞌ iniꞌ rán jie̱ꞌe̱ꞌ rá tiñu ya̱ sáꞌá ni̱ꞌ.

Hebreos 2:3

Jee nu̱u̱nꞌ ni̱yo sukuán, jee maáórán, ¿na̱sa ka̱ꞌ vá saꞌá‑ó jee kaku‑ó nu̱u̱nꞌ tu̱nóꞌó vá, retú ntu nénu̱u̱nꞌ‑ó chuꞌun iniꞌ‑ó jie̱ꞌe̱ꞌ tu̱ꞌun máá ñáꞌnú káꞌ jie̱ꞌe̱ꞌ ya̱ na̱sa natavaꞌ Jesús yó nu̱u̱nꞌ kua̱chi‑ó sikáku re̱ꞌ yó rúja? Chi xíꞌna ka̱ꞌ nkachitu̱ꞌún maá I̱toꞌoꞌ‑ó Jesús tu̱ꞌun yaꞌá, jee kuíre rá te̱e ya̱ nteso̱ꞌo maa, jee nna̱stúvi ráa ya̱ naáꞌ jie̱ꞌe̱ꞌ tu̱ꞌun yaꞌá nu̱u̱nꞌ‑órán

Hechos 10:38

Jesús kúvi re̱ꞌ te̱e ñuunꞌ Nazaret. Jíníꞌ rán ya̱ ñani Ndiosíꞌ re̱ꞌ jee njia̱ꞌa‑a nu̱u̱nꞌ re̱ꞌ Ta̱chi̱ꞌ Ííꞌ‑i jín fuersáꞌ ííꞌ‑i. Jee ni̱kónúun re̱ꞌ nsa̱ꞌá re̱ꞌ ya̱ váꞌa, jee nxi̱núvi re̱ꞌ rá ñɨvɨ nóꞌo sáꞌá kui̱ꞌna̱ꞌ kúñáꞌnú, chi Ndiosíꞌ íñɨ́ jín re̱ꞌ.

Juan 20:30

Saájee kue̱ꞌe̱ꞌ nasɨ́kuitɨꞌ ka̱ꞌ rá seña a̱nasɨ́ nsa̱ꞌá Jesús ichinúúnꞌ rá te̱e ya̱ nsu̱kuáꞌa re̱ꞌ ráa jee niniꞌ ráa maa, ya̱ nsú ntáká rá seña níso ráa nu̱u̱nꞌ tutuꞌ yaꞌá.

Juan 12:37

Soo súnika̱ꞌ kue̱ꞌe̱ꞌ víꞌí rá seña a̱nasɨ́ nsa̱ꞌá Jesús nu̱u̱nꞌ ráa, soo ni ntu̱ví nínúꞌ iniꞌ ráa re̱ꞌ.

Juan 11:47

Saájee rá su̱tu̱ꞌ kúñáꞌnú jín rá te̱e ya̱ kúvi fariseo nku̱tútú ráa Junta Káꞌnú jín rá inka te̱e kúñáꞌnú, jee nkachiꞌ ráa: ―¿Ná kúvi ya̱ saꞌá‑o? Chi Jesús yaꞌá sáꞌá víꞌí re̱ꞌ rá seña a̱nasɨ́.

Juan 10:32

Jee nna̱xiníkó Jesús nu̱u̱nꞌ ráa: ―Ya nstúvi ni̱ꞌ kue̱ꞌe̱ꞌ víꞌí tiñu va̱ꞌa nu̱u̱nꞌ rán, ya̱ ntaji Tátáꞌ ni̱ꞌ nu̱u̱nꞌ ni̱ꞌ saꞌá ni̱ꞌ. Jee, ¿jie̱ꞌe̱ꞌ né ɨɨn rá tiñu váꞌa yaꞌá kúvi ya̱ kuun rán yu̱u̱ꞌ nuꞌuꞌ rúsa? ―nkachiꞌ Jesús.

Juan 8:24

Saáva nkachiꞌ ni̱ꞌ ya̱ kuniso i̱i̱ꞌ rán rá kua̱chi rán sáá kuviꞌ rán. Chi retú ntu̱ví jínúꞌ iniꞌ rán ya̱ Nuꞌuꞌ Ví‑i, ya̱ káchíꞌ ni̱ꞌ, saáva kuniso i̱i̱ꞌ rán rá kua̱chi rán sáá kuviꞌ rán ―nkachiꞌ Jesús.

Juan 8:12

Jee tukuni nkaꞌanꞌ Jesús jín rá ñɨvɨ, jee nkachiꞌ re̱ꞌ nu̱u̱nꞌ ráa: ―Nuꞌuꞌ ñuꞌunꞌ kúvi ni̱ꞌ nu̱u̱nꞌ rá ñɨvɨ ñɨ̱vɨ́ ya̱ stúúnꞌ ni̱ꞌ iniꞌ ánímaꞌ ráa, jee ɨɨn ñɨvɨ ya̱ níkɨ́nꞌ‑ɨ nuꞌuꞌ ntu̱né kaka‑a ñujiínꞌ nu̱u̱nꞌ neenꞌ, chisaꞌ kuꞌun ñuꞌunꞌ ya̱ stúúnꞌ ni̱ꞌ iniꞌ ánímaꞌ ñɨvɨ vá ya̱ sáꞌá‑a ya̱ kutekuꞌ ñɨvɨ nɨ́ɨ́nkání jín Ndiosíꞌ ―nkachiꞌ Jesús.

Juan 7:31

Jee kue̱ꞌe̱ꞌ rá ñɨvɨ ni̱nu̱ꞌ iniꞌ ráa ya̱ kúvi re̱ꞌ Cristo, jee nkachiꞌ ráa: ―Jee sáá kiji máá maá Cristo, ¿á saꞌá re̱ꞌ ka̱ꞌ seña a̱nasɨ́ nsú káꞌ te̱e yaꞌá rúja? ¡Ntu̱ví!, [saáva íyó kúvi re̱ꞌ Cristo].

Juan 3:2

Jee ña̱ꞌa̱nꞌ te̱e yaꞌá yakuááꞌ nu̱u̱nꞌ nééꞌ Jesús, jee nkachiꞌ re̱ꞌ nu̱u̱nꞌ Jesús: ―Mestrúꞌ, jíníꞌ ránꞌ ya̱ máá Ndiosíꞌ nchu̱ichí noꞌó va̱ji nú sáva xínéꞌénꞌ nú rá tu̱ꞌun re̱ꞌ, kuéntáꞌ ɨɨn Mestrúꞌ nu̱u̱nꞌ ránꞌ. Chi ni̱ꞌ ɨɨn ñɨvɨ nsáꞌ kúvi saꞌá rá seña a̱nasɨ́ sáꞌá nú, retú ntu íyó Ndiosíꞌ jín‑i.

Hechos 2:22

Jee suni nkachiꞌ Pedro nu̱u̱nꞌ ráa: ―¡Ránoꞌó tántéyɨ́ɨ́ Israel! Teso̱ꞌo rán rá tu̱ꞌun yaꞌá. Jesús, ya̱ váji ñuunꞌ Nazaret, nstúvi Ndiosíꞌ nteñu ránoꞌó ya̱ nchu̱ichí re̱ꞌ maa. Chi nsa̱ꞌá Ndiosíꞌ, ya̱ nsa̱ꞌá re̱ꞌ rá milagrúꞌ, rá tiñu a̱nasɨ́ ya̱ nsa̱ꞌá‑a ya̱ nti̱vɨ́ xíniꞌ‑ó, jín rá seña, ya̱ stúvi ya̱ kúñáꞌnú ví re̱ꞌ. Nsa̱ꞌá re̱ꞌ rá yaꞌá nteñu ránú, sáni ya̱ jíníꞌ ránú.

Juan 8:56

Jee tátáꞌ jííꞌ rán Abraham nku̱sɨ̱ɨ̱ꞌ nasɨ́kuitɨꞌ iniꞌ re̱ꞌ ya̱ kuniꞌ re̱ꞌ ki̱vɨ̱ꞌ kiji ni̱ꞌ iniꞌ ñɨ̱vɨ́ yaꞌá. Jee niniꞌ re̱ꞌ maa, jee nku̱sɨ̱ɨ̱ꞌ nasɨ́kuitɨꞌ iniꞌ re̱ꞌ ―nkachiꞌ Jesús.

Juan 10:37

Retú ntu̱ví sáꞌá ni̱ꞌ rá tiñu sáꞌá Tátáꞌ ni̱ꞌ, jee koto jínúꞌ iniꞌ rán nuꞌuꞌ.