Juan 10:14 - Mixteco del suroeste de Tlaxiaco Oaxaca

¹⁴ ’Jee nuꞌuꞌ chi kúvi ni̱ꞌ kuéntáꞌ I̱toꞌoꞌ va̱ꞌa xí rá lanchi, ya̱ náka va̱ꞌa ni̱ꞌ rátíꞌ. Jee jíníꞌ va̱ꞌa ni̱ꞌ iniꞌ rá ñɨvɨ maáníꞌ, ya̱ kúvi ráa kuéntáꞌ lanchi ni̱ꞌ, jee suni jíníꞌ va̱ꞌa rá ñɨvɨ maáníꞌ iniꞌ nuꞌuꞌ.

Juan 10:14 Referans Kwoze

Juan 10:27

Chi rá ñɨvɨ ni̱ꞌ ya̱ kúvi ráa kuéntáꞌ lanchi ni̱ꞌ, jee suviráa vá tésóꞌo ráa ta̱chi̱yuꞌú ni̱ꞌ. Jee jíníꞌ va̱ꞌa ni̱ꞌ iniꞌ ráa. Jee níkɨ́nꞌ ráa nuꞌuꞌ.

2 Timoteo 2:19

Soo jiákɨ́nꞌ kutú Ndiosíꞌ tu̱ꞌun re̱ꞌ, nu̱u̱nꞌ jiáni kutú re̱ꞌ rá ñɨvɨ re̱ꞌ. Jee níso vá tu̱ꞌun yaꞌá kuéntáꞌ ɨɨn seyúꞌ ya̱ káchíꞌ‑i: “Jíníꞌ I̱toꞌoꞌ‑ó rá ñɨvɨ yɨ́ꞌɨ́ nu̱u̱nꞌ re̱ꞌ”, jín, “Nta̱ká ñɨvɨ ya̱ jiáꞌayuꞌú ráa ya̱ I̱toꞌoꞌ ráa ví Cristo, íyó saꞌá sɨ́ɨ́n ráa maáráa nu̱u̱nꞌ rá níváꞌa.”

Juan 10:11

’Jee nuꞌuꞌ chi kúvi ni̱ꞌ kuéntáꞌ I̱toꞌoꞌ va̱ꞌa xí rá lanchi, ya̱ náka va̱ꞌa ni̱ꞌ rátíꞌ. Chi te̱e ya̱ náka va̱ꞌa re̱ꞌ rá lanchi re̱ꞌ asúnika̱ꞌ ne̱ kuviꞌ re̱ꞌ jie̱ꞌe̱ꞌ rátíꞌ ya̱ náka va̱ꞌa re̱ꞌ rátíꞌ.

1 Juan 5:20

Soo jíníꞌ‑ó ya̱ nkiji Se̱ꞌya Ndiosíꞌ, jee nsa̱ꞌá re̱ꞌ ya̱ ki̱ku̱ꞌun iniꞌ‑ó sáva kuniꞌ‑ó maáréꞌ ya̱ kúvi nijia re̱ꞌ Ndiosíꞌ. Jee yɨ́ꞌɨ́‑ó iniꞌ naꞌá maáréꞌ ya̱ kúvi nijia Ndiosíꞌ. Yɨ́ꞌɨ́‑ó naꞌá Se̱ꞌya re̱ꞌ, Jesús ya̱ kúvi Cristo. Suvivá kúvi nijia‑a Ndiosíꞌ, jee maáa ví ya̱ sáꞌá‑a ya̱ kutekuꞌ‑ó nɨ́ɨ́nkání jín Ndiosíꞌ.

Efesios 1:17

Jíkánꞌ ni̱ꞌ nu̱u̱nꞌ Ndiosíꞌ ya̱ kúvi re̱ꞌ Ndiosíꞌ nu̱u̱nꞌ I̱toꞌoꞌ‑ó Jesús ya̱ kúvi Cristo, jee kúvi re̱ꞌ Tátáꞌ‑ó ya̱ viiꞌ nasɨ́kuitɨꞌ kúñáꞌnú re̱ꞌ. Jíkánꞌ ni̱ꞌ nu̱u̱nꞌ re̱ꞌ sáva taji re̱ꞌ ya̱ ta̱nɨ̱ꞌ ka̱ꞌ xi̱ni̱ꞌ rán saꞌá Ta̱chi̱ꞌ Ííꞌ re̱ꞌ, jín ya̱ tɨɨn rán ya̱ naáꞌ ya̱ stúvi re̱ꞌ nu̱u̱nꞌ rán jie̱ꞌe̱ꞌ re̱ꞌ, sáva kuniꞌ rán ka̱ꞌ jie̱ꞌe̱ꞌ re̱ꞌ.

Juan 17:3

Jee suꞌva kúvi ya̱ kutekuꞌ ñɨvɨ nɨ́ɨ́nkání jín‑ó: ya̱ kuniꞌ ráa iniꞌ noꞌó, ya̱ métúꞌún maánú vá kúvi nijia maá Ndiosíꞌ nijia, jín ya̱ suni kuniꞌ ráa iniꞌ nuꞌuꞌ, ya̱ maáníꞌ vá kúvi Jesús ya̱ níso ni̱ꞌ tiñu Cristo ya̱ nchu̱ichí nú nuꞌuꞌ va̱ji ni̱ꞌ jín tiñu ntaji nú níso ni̱ꞌ.

Apoclipsis 2:2

Jee jíníꞌ ni̱ꞌ ntáká tiñu váꞌa sáꞌá rán, jee íñɨ́ yɨ́ɨ́ rán yɨ́tíñú rán nu̱u̱nꞌ ni̱ꞌ, jín ya̱ káꞌnú íyó iniꞌ rán kúníꞌin rán íñɨ́ rán jín nuꞌuꞌ. Jee suni jíníꞌ ni̱ꞌ ya̱ ntu kúvi keꞌneꞌ iniꞌ rán ya̱ koo ñɨvɨ kánéꞌén nteñu rán. Jee jítotúníꞌ rán rá te̱e xínáꞌví ya̱ káchíꞌ ráa nika̱ꞌ ya̱ apóstol kúvi ráa ya̱ nchu̱ichí Ndiosíꞌ ráa, soo ntu̱ví, jee saáva jíníꞌ rán ya̱ kúvi ráa te̱e túꞌún ni.

2 Timoteo 1:12

Saáva nóꞌo ni̱ꞌ suꞌva. Soo ntu̱ví kúkanuun ni̱ꞌ, chi jíníꞌ ni̱ꞌ né ɨɨn ví ya̱ kúneí iniꞌ ni̱ꞌ, jee jínúꞌ kájí iniꞌ ni̱ꞌ ya̱ suvire̱ꞌ kúvi kumí váꞌa re̱ꞌ tiñu nte̱tíñú re̱ꞌ nuꞌuꞌ, ne̱ ki̱vɨ̱ꞌ nikó tuku re̱ꞌ.

Filipenses 3:8

Jee víꞌí ka̱ꞌ nsú káꞌ yaꞌá, tɨ́ɨn ni̱ꞌ kuéntáꞌ, ya̱ nɨꞌɨ nantíñú ntu̱náꞌ yɨ́yáꞌvi nu̱u̱nꞌ ni̱ꞌ, chi yɨ́yáꞌvi ka̱ꞌ nu̱u̱nꞌ nɨꞌɨ ví ya̱ íyó mániꞌ Cristo Jesús jín ni̱ꞌ ya̱ kúvi re̱ꞌ I̱toꞌoꞌ ni̱ꞌ. Jie̱ꞌe̱ꞌ re̱ꞌ nsu̱kuíta ni̱ꞌ nɨꞌɨ rá tiñu vá, jee tɨ́ɨn kuéntáꞌ ni̱ꞌ, ya̱ nɨꞌɨ vá kúvi ya̱ká ni, sáva ni̱ꞌi̱nꞌ ni̱ꞌ ya̱ yɨ́yáꞌvi ka̱ꞌ ya̱ koo Cristo jín ni̱ꞌ.

Efesios 3:19

Jee suni sukuán jíkánꞌ táꞌvíꞌ ni̱ꞌ ya̱ kuniꞌ va̱ꞌa rán jie̱ꞌe̱ꞌ tu̱ꞌun ñúnúunꞌ Cristo yó, ya̱ ntántúníꞌ nasɨ́kuitɨꞌ ka̱ꞌ jiáꞌa‑a nu̱u̱nꞌ nɨꞌɨ, ya̱ nsú kua̱ꞌ kenta‑ó ki̱ku̱ꞌun iniꞌ‑ó nɨꞌɨ‑ɨ. Sukuán jíkánꞌ táꞌvíꞌ ni̱ꞌ sáva kua̱íyó ya̱ íyó Ndiosíꞌ kukánáa ánímaꞌ rán ne̱ natɨɨn rán iniꞌ maáréꞌ.

Juan 17:8

Chi ntáká rá tu̱ꞌun ya̱ ntaji nú nu̱u̱nꞌ ni̱ꞌ, jee njia̱ꞌa ni̱ꞌ maa nu̱u̱nꞌ ráa. Jee ntɨɨn ráa ñúꞌún iniꞌ ráa maa, chi nku̱káꞌnú iniꞌ ráa ya̱ máá naáꞌ nijia kúvi ya̱ ne̱ nu̱u̱nꞌ maánú nkene ni̱ꞌ va̱ji ni̱ꞌ, jee suni ni̱nu̱ꞌ iniꞌ ráa ya̱ maánú nchu̱ichí nú nuꞌuꞌ va̱ji ni̱ꞌ jín tiñu sáꞌá ni̱ꞌ.

Apoclipsis 2:19

Jee jíníꞌ ni̱ꞌ rá tiñu sáꞌá rán, chi ñúnúunꞌ rán ɨɨn inka táꞌán rán. Jee jínúꞌ nijia iniꞌ rán nuꞌuꞌ. Jee saꞌá rán tiñu ni̱ꞌ, jee káꞌnú íyó iniꞌ rán kúníꞌin rán íñɨ́ rán nu̱u̱nꞌ nuꞌuꞌ. Jee jíníꞌ ni̱ꞌ ya̱ saꞌ víꞌí ka̱ꞌ sáꞌá rán tiñu váꞌa vitan nsú káꞌ rá tiñu xíꞌnañúꞌún nsa̱ꞌá rán sáá nka̱jiéꞌé jínúꞌ iniꞌ rán nuꞌuꞌ.

Apoclipsis 2:13

[Jee jíníꞌ ni̱ꞌ ntáká tiñu váꞌa sáꞌá rán.] Jee jíníꞌ ni̱ꞌ ya̱ nééꞌ rán nu̱u̱nꞌ tátúníꞌ kui̱ꞌna̱ꞌ kúñáꞌnú naní Satanás. Soo súka̱ꞌ sukuán soo íñɨ́ ni̱ꞌin rán níkɨ́nꞌ na̱a̱ꞌ rán nuꞌuꞌ. Jee ni ntu nníkó iniꞌ rán ya̱ jínúꞌ iniꞌ rán nuꞌuꞌ, ni súnika̱ꞌ sáá nkuvi rá ki̱vɨ̱ꞌ nneeꞌ Antipas nteñu rán, ɨɨn te̱e ya̱ nsi̱kúnkuvi na̱a̱ꞌ re̱ꞌ nna̱kani na̱a̱ꞌ re̱ꞌ tu̱ꞌun ni̱ꞌ, jee ñaꞌniꞌ ráa maa nteñu rán yukuán ñuunꞌ nu̱u̱nꞌ nééꞌ Satanás.

2 Corintios 4:6

Chi Ndiosíꞌ ví ya̱ nta̱túníꞌ re̱ꞌ ya̱ tu̱u̱nꞌ ñuꞌunꞌ nu̱u̱nꞌ neenꞌ sáá nsa̱ꞌá re̱ꞌ ñɨ̱vɨ́. Suni maá Ndiosíꞌ ví ya̱ stúúnꞌ re̱ꞌ iniꞌ ánímaꞌ‑ó sáva tu̱u̱nꞌ iniꞌ ánímaꞌ‑ó ya̱ kuniꞌ‑ó ya̱ viiꞌ nasɨ́kuitɨꞌ kúñáꞌnú re̱ꞌ chi jíníꞌ‑ó iniꞌ Jesús ya̱ kúvi Cristo, kuéntáꞌ jiánu̱te̱ꞌ nu̱u̱nꞌ re̱ꞌ.

Apoclipsis 3:15

’Jíníꞌ ni̱ꞌ ntáká tiñu sáꞌá rán. [Ni ntu sáꞌá rán ya̱ ne̱kuva̱ꞌa iniꞌ ánímaꞌ ñɨvɨ kuéntáꞌ] sáꞌá nute vi̱jin nékúváꞌa iniꞌ ñɨvɨ, [ni ntu násaváꞌa rán iniꞌ ánímaꞌ ñɨvɨ kuéntáꞌ xínúvi] nute íꞌní rá ñɨvɨ. Kuíni ni̱ꞌ ya̱ kuéntáꞌ maá vi̱jin kuvi rán, áxí kuéntáꞌ maá íꞌní.

Apoclipsis 3:8

Jíníꞌ ni̱ꞌ ntáká tiñu váꞌa ya̱ sáꞌá rán. Kune̱ꞌyá, chi kuéntáꞌ ñani ni̱ꞌ ɨɨn yuvéꞌí núne ichinúúnꞌ rán ki̱vɨ rán nu̱u̱nꞌ nééꞌ ni̱ꞌ, jee ni ɨɨn ntu̱náꞌ kúvi kasɨꞌ maa nu̱u̱nꞌ rán. Chi súka̱ꞌ yakuꞌ fuersáꞌ níso rán, soo íñɨ́ ni̱ꞌin rán níkɨ́nꞌ rán tu̱ꞌun ni̱ꞌ, jee ni ntu nkáchíꞌ rán retú ntu jínúꞌ iniꞌ rán nuꞌuꞌ.

Apoclipsis 2:9

[Jee jíníꞌ ni̱ꞌ nta̱ká tiñu váꞌa sáꞌá rán] jee jíníꞌ ni̱ꞌ rá tu̱nóꞌó nóꞌo rán, jín suni jie̱ꞌe̱ꞌ tu̱nláꞌví nóꞌo rán. Soo súka̱ꞌ sukuán kúvi, soo kúká rán jín nɨꞌɨ ya̱ váꞌa níso tu̱ꞌun ni̱ꞌ, chi jínúꞌ iniꞌ rán maa. Jee suni jíníꞌ ni̱ꞌ ya̱ káꞌánꞌ niva̱ꞌa rá ñɨvɨ si̱kɨ̱ꞌ rán. Jee rá ñɨvɨ vá káchíꞌ ráa ya̱ ñɨvɨ ñuunꞌ Israel kúvi ráa ya̱ ñɨvɨ Ndiosíꞌ kúvi ráa, soo nsú ñɨvɨ Ndiosíꞌ kúvi ráa, jee kútútú ráa veꞌi sinagoga nu̱u̱nꞌ kútútú rá ñɨvɨ Israel soo ñɨvɨ ya̱ yɨ́ꞌɨ́ xi̱ntíín kui̱ꞌna̱ꞌ kúñáꞌnú naní Satanás kúvi ráa.

Apoclipsis 3:1

’Jee tee nú nu̱u̱nꞌ tutuꞌ kɨ̱ꞌɨ̱nꞌ nu̱u̱nꞌ ya̱ kúñáꞌnú nu̱u̱nꞌ grupo rá ñɨvɨ ya̱ jínúꞌ iniꞌ ráa nuꞌuꞌ, jee suviráa ví ya̱ nééꞌ ráa nu̱u̱nꞌ ñuunꞌ Sardes: “Nuꞌuꞌ ví ya̱ kúmí ni̱ꞌ ni uxáꞌ espíritu Ndiosíꞌ ya̱ ntu túvi nijinꞌ jín ni uxáꞌ tiu̱u̱nꞌ. Suꞌva káchíꞌ nuꞌuꞌ: Jíníꞌ ni̱ꞌ rá tiñu sáꞌá rán, jee súka̱ꞌ káchíꞌ rá ñɨvɨ ya̱ tékúꞌ rán, soo nu̱u̱nꞌ nuꞌuꞌ chi kuéntáꞌ ni̱yɨ kúvi rán.

Juan 10:13

Jee sukuán jínu re̱ꞌ chi kúvi re̱ꞌ musúꞌ ya̱ íyó ya̱ꞌvi, jee ntu̱náꞌ ítú iniꞌ re̱ꞌ néꞌyá re̱ꞌ rá lanchi.