Hechos 9:18 - Mixteco del suroeste de Tlaxiaco Oaxaca

¹⁸ Kuísá ntañúꞌún nkoyo rá nantíñú ya̱ íyó kuéntáꞌ íyó meeriáꞌ tia̱ká nchinúún re̱ꞌ, jee nu̱nijínꞌ nchinúún re̱ꞌ. Jee nnako̱o re̱ꞌ jee ña̱nuté re̱ꞌ.

Hechos 9:18 Referans Kwoze

2 Corintios 3:14

Soo yúú antúníꞌ rá ñɨvɨ vá. Chi ne̱ vitan jee sáá káꞌvi ráa tratúꞌ túꞌú ñakɨnꞌ Ndiosíꞌ ne̱ yanaꞌán, kuéntáꞌ kínóo saꞌma vá jiásɨ́ꞌ antúníꞌ ráa jee ntu kuíyo‑o, chi kua̱chi kuíyo saꞌma vá sáá kɨꞌɨ ɨɨn ñɨvɨ nu̱u̱nꞌ Cristo.

Hechos 22:16

Jee ntañúꞌún, ¿ná nétu nú? Nakuiñɨꞌ jee kuanuté. Ka̱ka̱nꞌ táꞌvíꞌ nu̱u̱nꞌ I̱toꞌoꞌ‑ó jee nasánoo re̱ꞌ jie̱ꞌe̱ꞌ kua̱chi nú”, suꞌva nkachiꞌ Ananías ―nkachiꞌ Pablo.

Hechos 2:38

Jee nna̱xiníkó Pedro nu̱u̱nꞌ ráa: ―Nakani iniꞌ rán kua̱chi rán, jee kuanuté rán, sáva stúvi rán ya̱ ya nki̱vɨ rán nu̱u̱nꞌ Jesús ya̱ kúvi Cristo, sáva kunekáꞌnú iniꞌ Ndiosíꞌ kua̱chi rán, jee kutaꞌviꞌ rán Ta̱chi̱ꞌ Ííꞌ re̱ꞌ.

2 Corintios 4:6

Chi Ndiosíꞌ ví ya̱ nta̱túníꞌ re̱ꞌ ya̱ tu̱u̱nꞌ ñuꞌunꞌ nu̱u̱nꞌ neenꞌ sáá nsa̱ꞌá re̱ꞌ ñɨ̱vɨ́. Suni maá Ndiosíꞌ ví ya̱ stúúnꞌ re̱ꞌ iniꞌ ánímaꞌ‑ó sáva tu̱u̱nꞌ iniꞌ ánímaꞌ‑ó ya̱ kuniꞌ‑ó ya̱ viiꞌ nasɨ́kuitɨꞌ kúñáꞌnú re̱ꞌ chi jíníꞌ‑ó iniꞌ Jesús ya̱ kúvi Cristo, kuéntáꞌ jiánu̱te̱ꞌ nu̱u̱nꞌ re̱ꞌ.

Hechos 2:41

Saájee ña̱nuté rá ñɨvɨ ntɨɨn tu̱ꞌun re̱ꞌ. Jee ki̱vɨ̱ꞌ yukuán, nku̱kueꞌeꞌ ka̱ꞌ yatin u̱ni̱ꞌ mil (3000) ñɨvɨ vá.

Hechos 9:8

Nna̱kuiñɨꞌ Saulo, jee sáá nna̱kune rá nchinúún re̱ꞌ, ntu̱náꞌ néꞌyá re̱ꞌ ka̱ꞌ. Jee ntɨɨn ráa naꞌá re̱ꞌ, jee ña̱na̱ka ráa re̱ꞌ nu̱u̱nꞌ ñuunꞌ Damasco.

Hechos 9:17

Saájee ña̱ꞌa̱nꞌ Ananías jee nki̱vɨ re̱ꞌ veꞌi nu̱u̱nꞌ nééꞌ Saulo. Jee nchi̱só re̱ꞌ naꞌá re̱ꞌ nu̱u̱nꞌ‑u, jee nkachiꞌ re̱ꞌ: ―Ñaniꞌ, Saulo. I̱toꞌoꞌ‑ó, Jesús, ntu̱vi re̱ꞌ nu̱u̱nꞌ nú iniꞌ ichi váji nú. Jee maáréꞌ nta̱jí re̱ꞌ nuꞌuꞌ, sáva kuvi nu̱nijínꞌ nchinúún nú, jee sáva chitú Ta̱chi̱ꞌ Ííꞌ satíñú‑u iniꞌ noꞌó ―nkachiꞌ Ananías.

Hechos 9:19

Jee nyajiꞌ re̱ꞌ jee nna̱keni re̱ꞌ. Jee nneeꞌ re̱ꞌ ñuunꞌ Damasco kéꞌín ki̱vɨ̱ꞌ jín rá ñɨvɨ níkɨ́nꞌ ichi Jesús ya̱ nééꞌ ráa yukuán.

Hechos 22:13

Jee nkenta re̱ꞌ ña̱kui̱ñɨ̱ꞌ re̱ꞌ xiín ni̱ꞌ, jee nkachiꞌ re̱ꞌ nu̱u̱nꞌ ni̱ꞌ: “Ñaniꞌ Saulo. Nakune̱ꞌyá.” Jee máá hora kuitɨꞌ nna̱kune̱ꞌyá ni̱ꞌ jee niniꞌ ni̱ꞌ re̱ꞌ.