Hechos 9:15 - Mixteco del suroeste de Tlaxiaco Oaxaca

¹⁵ Soo nkachiꞌ I̱toꞌoꞌ‑ó nu̱u̱nꞌ re̱ꞌ: ―Kuáꞌán. Chi kúvi re̱ꞌ te̱e nka̱ji ni̱ꞌ sáva kuatíñú ni̱ꞌ maa, sáva kɨ̱ꞌɨ̱nꞌ re̱ꞌ jín tu̱ꞌun jie̱ꞌe̱ꞌ ni̱ꞌ nu̱u̱nꞌ rá ñɨvɨ ntu kúvi Israel, jín nu̱u̱nꞌ rá te̱e ya̱ tátúníꞌ nu̱u̱nꞌ rá ñuunꞌ, jín nu̱u̱nꞌ rá se̱ꞌya tataꞌ ñɨvɨ Israel.

Hechos 9:15 Referans Kwoze

Romanos 11:13

Soo káchíꞌ ni̱ꞌ nu̱u̱nꞌ ránoꞌó ya̱ ntu kúvi rán ñɨvɨ ñuunꞌ Israel: Jie̱ꞌe̱ꞌ ya̱ níso ni̱ꞌ tiñu apóstol ya̱ nchu̱ichí Cristo sáva kachitu̱ꞌún ni̱ꞌ tu̱ꞌun re̱ꞌ nu̱u̱nꞌ ránoꞌó ya̱ ntu̱ví kúvi rán ñɨvɨ Israel, jee nákuetúꞌún ni̱ꞌ tiñu ya̱ ntaji Cristo nu̱u̱nꞌ ni̱ꞌ.

Romanos 1:5

Jee íyó mániꞌ iniꞌ Jesús néꞌyá re̱ꞌ ránuꞌuꞌ jee ntaji re̱ꞌ nu̱u̱nꞌ ráníꞌ tiñu apóstol ya̱ chúichí re̱ꞌ ránuꞌuꞌ saꞌá ránꞌ tiñu nu̱u̱nꞌ re̱ꞌ. Ntaji re̱ꞌ tiñu vá sáva stekútu̱ꞌún ránꞌ tu̱ꞌun re̱ꞌ, sáva koo ñɨvɨ nteñu nɨꞌɨ rá ñɨvɨ ñɨ̱vɨ́ ya̱ kúneí iniꞌ ráa Jesús jee saáva kaníjiá ráa maa.

1 Timoteo 2:7

Jee ñani Ndiosíꞌ nuꞌuꞌ sáva stekútu̱ꞌún ni̱ꞌ ya̱ nsa̱ꞌá Cristo, jee sáva kunisotíñú ni̱ꞌ tiñu apóstol. Ya̱ nááꞌ ví ya̱ káchíꞌ ni̱ꞌ, jee ntu̱ví kátúꞌún ni̱ꞌ. Ñani re̱ꞌ nuꞌuꞌ sáva xinéꞌénꞌ ni̱ꞌ rá ñɨvɨ ntu kúvi Israel tu̱ꞌun nááꞌ Ndiosíꞌ, jín ya̱ íyó kuneí iniꞌ ráa Cristo.

2 Timoteo 2:4

Ni ɨɨn te̱e ya̱ sáꞌá tiñu soldado ntu̱ví chítéñú re̱ꞌ jín tiñu maáréꞌ saꞌá re̱ꞌ, chi íyó ya̱ sáꞌá re̱ꞌ tiñu ya̱ sáni kúváꞌa iniꞌ te̱e tátúníꞌ nu̱u̱nꞌ re̱ꞌ.

Hechos 22:21

Jee I̱toꞌoꞌ‑ó nkachiꞌ nu̱u̱nꞌ ni̱ꞌ: “Kuáꞌán, chi tají íká ni̱ꞌ nó nu̱u̱nꞌ rá inka nación ya̱ ntu kúvi Israel”, sukuán nkachiꞌ I̱toꞌoꞌ‑ó ―nkachiꞌ Pablo.

Juan 15:16

Chi nsú ránoꞌó nka̱ji rán nuꞌuꞌ, chisaꞌ nuꞌuꞌ nka̱ji ni̱ꞌ ránoꞌó ya̱ kɨꞌɨ rán nu̱u̱nꞌ ni̱ꞌ, jee ñani ni̱ꞌ ránoꞌó kuneeꞌ tiñu si̱kɨ̱ꞌ rán, sáva saꞌá rán tiñu ni̱ꞌ kuéntáꞌ kúun uva, sáva tiñu váꞌa vá kino̱o‑o kutú‑u. Sáva néni ɨɨn ka̱ka̱nꞌ rán nu̱u̱nꞌ Tátáꞌ ni̱ꞌ nu̱u̱nꞌ súví nuꞌuꞌ jie̱ꞌe̱ꞌ yɨ́ꞌɨ́ rán nu̱u̱nꞌ ni̱ꞌ jee taji re̱ꞌ maa nu̱u̱nꞌ rán.

2 Timoteo 1:11

Jee ñani Ndiosíꞌ nuꞌuꞌ sáva stekútu̱ꞌún ni̱ꞌ tu̱ꞌun váꞌa vá. Jee sáva kunisotíñú ni̱ꞌ tiñu apóstol ya̱ chúichí Cristo, jín ya̱ kúvi ni̱ꞌ ɨɨn mestrúꞌ ya̱ xínéꞌénꞌ ni̱ꞌ [rá ñɨvɨ ntu kúvi Israel] tu̱ꞌun váꞌa vá.

Gálatas 1:1

Maáníꞌ, Pablo tée ni̱ꞌ nu̱u̱nꞌ tutuꞌ yaꞌá. Níso ni̱ꞌ tiñu apóstol, ya̱ chúichí Ndiosíꞌ stekútu̱ꞌún ni̱ꞌ tu̱ꞌun re̱ꞌ. Nsú rá ñɨvɨ ví ya̱ nchu̱ichí nuꞌuꞌ ni ya̱ nsáꞌ ñani ñɨvɨ nuꞌuꞌ kunisotíñú ni̱ꞌ. Chi maá Jesús ya̱ kúvi Cristo jín Tátáꞌ‑ó ya̱ kúvi Ndiosíꞌ ñani ráa nuꞌuꞌ. Jee Ndiosíꞌ ví ya̱ nxi̱nátekuꞌ i̱i̱ꞌ re̱ꞌ Jesús nteñu rá níꞌiꞌ jee nxi̱nákóo re̱ꞌ yɨkɨkúñu‑u jee tékúꞌ‑u.

1 Corintios 15:10

Soo jie̱ꞌe̱ꞌ ni ka̱ꞌ ya̱ níyo ma̱ni̱ꞌ iniꞌ Ndiosíꞌ nku̱náꞌví iniꞌ re̱ꞌ nuꞌuꞌ, saáva nsi̱kútaꞌviꞌ re̱ꞌ nu̱u̱nꞌ ni̱ꞌ ya̱ kúvi ni̱ꞌ apóstol nchu̱ichí re̱ꞌ jín tiñu níso ni̱ꞌ vitan. Jee nsáꞌ ka̱ꞌá níyo ma̱ni̱ꞌ iniꞌ Ndiosíꞌ néꞌyá re̱ꞌ nuꞌuꞌ ya̱ nka̱ji re̱ꞌ nuꞌuꞌ saꞌá ni̱ꞌ tiñu re̱ꞌ, chi saꞌ víꞌí ka̱ꞌ nsa̱tíñú yɨ́ɨ́ ni̱ꞌ nu̱u̱nꞌ re̱ꞌ nsú káꞌ ntáká rá inka ka̱ꞌ te̱e kúvi apóstol. Soo nsú nuꞌuꞌ ví ya̱ sáꞌá tiñu vá, chisaꞌ Ndiosíꞌ ví ya̱ chíneí chítuvi re̱ꞌ nuꞌuꞌ jín tiñu sáꞌá ni̱ꞌ.

Hechos 13:2

Ni néñu̱ꞌun ráa I̱toꞌoꞌ‑ó, jee nééꞌ niteꞌ ráa, jee nkachiꞌ Ta̱chi̱ꞌ Ííꞌ Ndiosíꞌ nu̱u̱nꞌ ráa suꞌva: ―Sasɨ́ɨ́n rán Bernabé jín Saulo, sáva saꞌá ráa tiñu ya̱ nkana ni̱ꞌ ráa saꞌá ráa.

Mateo 10:18

’Jee suni kɨ̱naka rá ñɨvɨ ránoꞌó nu̱u̱nꞌ rá te̱e nísotíñú kúvi gobernador jín rá te̱e ya̱ tátúníꞌ rá nación sáva sijíta ráa ránoꞌó jie̱ꞌe̱ꞌ ya̱ yɨ́ꞌɨ́ rán nu̱u̱nꞌ ni̱ꞌ, jee suꞌva naku̱ꞌva rán ya̱ nááꞌ jie̱ꞌe̱ꞌ nuꞌuꞌ nu̱u̱nꞌ ráa jín nu̱u̱nꞌ rá ñɨvɨ ntáká nación ya̱ ntu kúvi ñɨvɨ ñuunꞌ Israel.

Apoclipsis 17:14

Saájee kantáꞌán ráa jín maáréꞌ ya̱ kúvi Lanchi Lúlí Ndiosíꞌ. Jee Lanchi Lúlí vá kuneí re̱ꞌ si̱kɨ̱ꞌ ráa, chi maáréꞌ kúvi I̱toꞌoꞌ nu̱u̱nꞌ ntáká rá i̱toꞌoꞌ jín nísotíñú re̱ꞌ tátúníꞌ re̱ꞌ nu̱u̱nꞌ ntáká ráa ya tátúníꞌ rá nu̱u̱nꞌ rá ñuunꞌ. Jee rá ñɨvɨ ya̱ íñɨ́ jín re̱ꞌ kúvi ráa ya̱ nkana Ndiosíꞌ ráa, jín ya̱ nka̱ji re̱ꞌ ráa, jín ya̱ íñɨ́ ni̱ꞌin ráa síkúnkuvi na̱a̱ꞌ ráa nu̱u̱nꞌ re̱ꞌ ―nkachiꞌ najiáꞌáꞌ ííꞌ vá.

Hechos 27:24

Jee nkachiꞌ‑i: “Pablo. Koto yúꞌví nú. Chi íyó kuiñɨ nú ichinúúnꞌ te̱e tátúníꞌ ñuunꞌ Roma. Jee suni kunima̱ni̱ꞌ Ndiosíꞌ, ya̱ sikáku re̱ꞌ nɨꞌɨ rá kútáꞌán jín nú iniꞌ barkúꞌ.”

Hechos 26:32

Jee nkachiꞌ Agripa nu̱u̱nꞌ Festo: ―Kuvi siaáꞌ‑ó te̱e yaꞌá nékúvi, réáꞌ nsú maáréꞌ ni̱ka̱nꞌ ya̱ te̱e tátúníꞌ Roma sanáaꞌ jie̱ꞌe̱ꞌ kua̱chi re̱ꞌ.

Hechos 25:22

Nkachiꞌ Agripa nu̱u̱nꞌ Festo: ―Suni kuíni ni̱ꞌ teso̱ꞌo ni̱ꞌ ya̱ káchíꞌ te̱e vá. Jee nna̱xiníkó Festo: ―Teenꞌ teso̱ꞌo nú ya̱ kachiꞌ‑i.

Hechos 21:19

Jee sáá njia̱ꞌa Pablo tóniiꞌ nu̱u̱nꞌ ráa, jee nna̱kani re̱ꞌ ta ɨɨn rá tiñu nsa̱ꞌá Ndiosíꞌ, sáá nsa̱ꞌá re̱ꞌ tiñu nteñu rá ñɨvɨ ntu kúvi Israel.

Hechos 28:17

Sáá njia̱ꞌa u̱ni̱ꞌ ki̱vɨ̱ꞌ jee nkana Pablo rá te̱e kúñáꞌnú nu̱u̱nꞌ rá ñɨvɨ Israel, nééꞌ yukuán. Jee sáá nnu̱tútú ráa, jee nkachiꞌ‑i nu̱u̱nꞌ ráa: ―Ránoꞌó ñaniꞌ. Súnika̱ꞌ ntu̱ví na̱ nsa̱ꞌá kini ni̱ꞌ si̱kɨ̱ꞌ rá ñɨvɨ ñuunꞌ‑ó, ni si̱kɨ̱ꞌ rá costumbre nxi̱nóo rá jííꞌ‑ó yanaꞌán nu̱u̱nꞌ‑ó, jee ntɨɨn ráa nuꞌuꞌ ñuunꞌ Jerusalén, jee nna̱ku̱ꞌva ráa nuꞌuꞌ xi̱ntíín rá te̱e ñuunꞌ Roma.

Hechos 22:14

Jee nkachiꞌ re̱ꞌ: “Ndiosíꞌ, ya̱ nneñu̱ꞌun rá jííꞌ yanaꞌán‑ó, ñani re̱ꞌ nó sáva kuniꞌ nú ya̱ kuíni re̱ꞌ saꞌá nú, jee sáva kune̱ꞌyá nú máá maá te̱e ya̱ na̱a̱ꞌ kúvi re̱ꞌ nu̱u̱nꞌ Ndiosíꞌ, jee sáva teso̱ꞌo nú ya̱ kaꞌanꞌ re̱ꞌ.

Hechos 26:1

Saájee nkachiꞌ Agripa nu̱u̱nꞌ Pablo: ―Yɨ́netuꞌ ránꞌ kaꞌanꞌ nú jee nama nú maánú. I̱ña̱jée nna̱neꞌen re̱ꞌ naꞌá re̱ꞌ, sáva kuniꞌ ráa ya̱ kaꞌanꞌ re̱ꞌ. Jee nnama re̱ꞌ maáréꞌ suꞌva:

Hechos 28:28

Suni nkachiꞌ Pablo: ―Saájee káchítu̱ꞌún ni̱ꞌ nu̱u̱nꞌ rán, sáva kuniꞌ rán ya̱ nta̱jí Ndiosíꞌ nu̱u̱nꞌ rá ñɨvɨ ntu kúvi Israel tu̱ꞌun yaꞌá jie̱ꞌe̱ꞌ ya̱ kúvi natavaꞌ‑a ráa nu̱u̱nꞌ kua̱chi ráa nanitáꞌvíꞌ ráa. Jee tɨɨn ráa maa ―nkachiꞌ Pablo.

Romanos 1:1

Nuꞌuꞌ Pablo, ya̱ kúvi ni̱ꞌ musúꞌ ya̱ sáꞌá ni̱ꞌ tiñu Cristo Jesús, jín ya̱ nkana re̱ꞌ nuꞌuꞌ kuvi ni̱ꞌ najiáꞌáꞌ re̱ꞌ ya̱ kunisotíñú ni̱ꞌ tiñu apóstol ya̱ chúichí re̱ꞌ nuꞌuꞌ, chi nsa̱ꞌá sɨ́ɨ́n re̱ꞌ nuꞌuꞌ sáva stekútu̱ꞌún ni̱ꞌ tu̱ꞌun váꞌa Ndiosíꞌ.

1 Corintios 9:16

Soo sáá stékútu̱ꞌún ni̱ꞌ tu̱ꞌun váꞌa jie̱ꞌe̱ꞌ Jesús, jee ntu̱ví íyó kutéyɨ́ɨ́ ni̱ꞌ jie̱ꞌe̱ꞌ ya̱ sáꞌá ni̱ꞌ maa, chi jie̱ꞌe̱ꞌ nika̱ꞌ ya̱ nte̱tuvi Ndiosíꞌ nuꞌuꞌ ya̱ saá íyó saꞌá ni̱ꞌ maa, saájee na̱ ka̱ꞌ náꞌví ni̱ꞌ retú ntu̱ví stékútu̱ꞌún ni̱ꞌ tu̱ꞌun váꞌa re̱ꞌ.

Efesios 3:1

Jee tu̱ꞌun yukuán kua̱ꞌ ya̱ káchíꞌ kí ni̱ꞌ kúvi jie̱ꞌe̱ꞌ jíkánꞌ táꞌvíꞌ ni̱ꞌ nu̱u̱nꞌ Ndiosíꞌ jie̱ꞌe̱ꞌ ránoꞌó. Nuꞌuꞌ, Pablo, yɨ́ꞌɨ́ ni̱ꞌ veka̱a jie̱ꞌe̱ꞌ sátíñú ni̱ꞌ nu̱u̱nꞌ Cristo Jesús, ya̱ kúvi ya̱ váꞌa nu̱u̱nꞌ ránoꞌó ya̱ ntu kúvi rán ñɨvɨ Israel.